കേരളം യുപിയെക്കാള്‍ കഷ്ടമാകുന്നു. ആള്‍ക്കൂട്ടത്തിന് ആളിനെ കൊല്ലാന്‍ ഒരു മടിയും ഇല്ലാതായിരിക്കുന്നു. കോഴിയെ മോഷ്ടിച്ചുവെന്നാരോപിച്ച് കൊല്ലം അഞ്ചലില്‍ നാട്ടുകാര് ഇതരസംസ്ഥാന തൊഴിലാളിയെ തല്ലിക്കൊന്നു. ബംഗാള്‍ സ്വദേശി മണിയാണ് മരിച്ചത്. ആള്ക്കൂട്ട ആക്രമണത്തില് പരുക്കേറ്റ മണിയെ അഞ്ചലിലെ സ്വകാര്യ ആശുപത്രിയില്‍ ചികിത്സയിലായിരുന്നു. മര്‍ദന സംഘത്തിലുണ്ടായിരുന്ന അഞ്ചു പേര്‌ക്കെതിരെ അഞ്ചല് പോലീസ് കേസെടുത്തിരുന്നു. ക്രൂരമായി മര്ദ്ദനമേറ്റ മണിയുടെ നിലവിളികേട്ട് നാട്ടുകാരും മണിക്ക് കോഴികളെ നല്കിയ വീട്ടുകാരും ഓടിയെത്തിയപ്പോള് മണി ചോരയില് കുളിച്ചു കിടക്കുകയായിരുന്നു.

തുടര്ന്ന് മണിയെ അഞ്ചലിലെ സ്വകാര്യ ആശുപത്രിയില് പ്രവേശിപ്പിച്ചു.രണ്ടു ദിവസം കഴിഞ്ഞ് മണിയെ ഡിസ്ചാര്ജ് ചെയ്തു.എന്നാല് ഛര്ദ്ദിയെ തുടര്ന്ന് വീണ്ടും ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല. അഞ്ചല് പോലീസ് അസ്വഭാവിക മരണത്തിനു കേസെടുത്തു. കഴിഞ്ഞദിവസം ജോലി കഴിഞ്ഞ് വരുന്ന സമയത്ത് സമീപത്തെ വീട്ടില് നിന്നും കോഴികളെ വാങ്ങി വീട്ടിലേക്ക് പോകുകയായിരുന്ന മണിയെ വഴിയില് തടഞ്ഞുനിര്ത്തി കോഴികളെ മോഷ്ടിച്ചതാണെന്നാരോപിച്ച് നാട്ടുകാര് അടിച്ചുവീഴ്ത്തുകയായിരുന്നു.