പാലിക്കപ്പെടാതെ സം​സ്ഥാ​ന​ത്തെ ഐ.​പി.​എ​സു​കാ​രു​ടെ ക്യാ​മ്പ് ഓ​ഫി​സി​ലും വീ​ട്ടി​ലും സ്വ​കാ​ര്യ​ജോ​ലി​ക്കാ​യി നി​യോ​ഗി​ച്ചി​രി​ക്കു​ന്ന പൊ​ലീ​സു​കാ​രെ​യും ക്യാ​മ്പ് ഫോ​ളോ​വേ​ഴ്സി​നെ​യും മ​ട​ക്ക​ണ​മെ​ന്ന മു​ഖ്യ​മ​ന്ത്രി​യു​ടെ നി​ർ​ദേശം. പ്ര​ശ്ന​ങ്ങ​ൾ​ക്ക് ഒ​രു​മാ​സ​ത്തി​ന​കം പ​രി​ഹാ​രം​കാ​ണു​മെ​ന്ന് ജൂ​ൺ 20നാ​ണ് മു​ഖ്യ​മ​ന്ത്രി ക്യാ​മ്പ് ഫോ​ളോ​വേ​ഴ്സ്​ അ​സോ​സി​യേ​ഷ​ൻ ഭാ​ര​വാ​ഹി​ക​ൾ​ക്ക് ഉ​റ​പ്പ് ന​ൽ​കി​യിരുന്നു.

എ​ന്നാ​ൽ നിർദ്ദേശം നൽകി ഒരു മാ​സം ​ക​ഴി​ഞ്ഞി​ട്ടും ഐ.​പി.​എ​സു​കാ​രു​ടെ വീ​ടു​ക​ളി​ൽ​ അ​ടി​മ​പ്പ​ണി​ തുടരുന്നതായി ഭാ​ര​വാ​ഹി​ക​ൾ ആ​രോ​പി​ക്കു​ന്നു. വി​വാ​ദ​ങ്ങ​ളു​ടെ പ​ശ്ചാ​ത്ത​ല​ത്തി​ൽ ക്യാ​മ്പ് ഫോ​ളോ​വേ​ഴ്സി​നെ​യും രേ​ഖ​യി​ല്ലാ​തെ ‘അ​ദ​ർ ഡ്യൂ​ട്ടി’​ക്കാ​യി നി​യോ​ഗി​ക്ക​പ്പെ​ട്ട​വ​രെ​യും മ​ട​ക്കി അ​യ​ക്കാ​ൻ ഐ.​പി.​എ​സു​കാ​രി​ൽ ചി​ല​ർ ത​യാ​റാ​യെ​ങ്കി​ലും നി​യ​മ​സ​ഭാ സ​മ്മേ​ള​നം ക​ഴി​ഞ്ഞ​തോ​ടെ പ​റ​ഞ്ഞു​വി​ട്ട​വ​രെ​യൊ​ക്കെ തി​രി​ച്ചു​വി​ളി​ക്കു​ക​യാ​യി​രു​ന്നു. സേ​ന​യി​ൽ ദാ​സ്യ​പ്പ​ണി വെ​ച്ചു​പൊ​റു​പ്പി​ക്കി​ല്ലെ​ന്നും വ​ർ​ക്ക് അ​റേ​ഞ്ച്മ​െൻറ് എ​ന്ന​പേ​രി​ൽ ന​ട​ത്തു​ന്ന മാ​റ്റ​ങ്ങ​ൾ അ​വ​സാ​നി​പ്പി​ക്ക​ണ​മെ​ന്നും ജൂ​ൺ 26ന് ​ചേ​ർ​ന്ന ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​രു​ടെ യോ​ഗ​ത്തി​ൽ മു​ഖ്യ​മ​ന്ത്രി താ​ക്കീ​ത് ചെ​യ്തി​രു​ന്നു.

എ.​ഡി.​ജി.​പി സു​ദേ​ഷ് കു​മാ​റി​െൻറ മ​ക​ളു​ടെ സം​ഭ​വ​ത്തി​ന് ശേ​ഷ​വും ഐ.​പി.​എ​സു​കാ​രു​ടെ സ്വ​കാ​ര്യ ആ​വ​ശ്യ​ങ്ങ​ൾ​ക്ക് നി​യോ​ഗി​ക്ക​പ്പെ​ട്ട പൊ​ലീ​സു​കാ​രു​ടെ എ​ണ്ണ​ത്തി​ൽ കു​റ​വു​ണ്ടാ​യി​ട്ടി​ല്ല. ഡി.​ജി.​പി റാ​ങ്കി​ലു​ള്ള ഉ​ദ്യോ​ഗ​സ്ഥ‍​െൻറ ഭാ​ര്യ​ക്ക് സു​ര​ക്ഷ​യൊ​രു​ക്കു​ന്ന​തി​ന് ഇ​പ്പോ​ഴും മൂ​ന്ന് വ​നി​താ​പൊ​ലീ​സു​കാ​രു​ണ്ട്. ദാ​സ്യ​പ്പ​ണി വി​വാ​ദ​ത്തി​െൻറ പ​ശ്ചാ​ത്ത​ല​ത്തി​ൽ ജൂ​ണി​ൽ ഒ​രു രേ​ഖ​യു​മി​ല്ലാ​തെ ജോ​ലി​ചെ​യ്യു​ന്ന പൊ​ലീ​സു​കാ​രു​ടെ വി​വ​ര​ങ്ങ​ൾ കേ​ര​ള പൊ​ലീ​സ് അ​സോ​സി​യേ​ഷ​നും സ​മാ​ന്ത​ര​മാ​യി ശേ​ഖ​രി​ച്ചെ​ങ്കി​ലും ഐ.​പി.​എ​സു​കാ​രു​ടെ സ​മ്മ​ർ​ദ​ത്തെ തു​ട​ർ​ന്ന് ഈ ​പ​ട്ടി​ക​യും ഇ​തു​വ​രെ വെ​ളി​ച്ചം​ക​ണ്ടി​ട്ടി​ല്ല.