മെഡിക്കല്‍ രണ്ടാം അലോട്ട്‌മെന്റ് മാറ്റി, എന്‍ജിനീയറിങ് അലോട്ട്‌മെന്റ് ഇന്ന് രാത്രി പ്രസിദ്ധീകരിക്കും
മെഡിക്കല്‍ ഡെന്റല്‍, അനുബന്ധ കോഴ്‌സുകളിലേക്കുള്ള ഇന്ന് രാത്രി നടത്താനിരുന്ന രണ്ടാം അലോട്ട്‌മെന്റ് മാറ്റി. എന്‍ജിനീയറിങ്, ആര്‍ക്കിടെക്ചര്‍, ഫാര്‍മസി കോഴ്‌സുകളില്‍ ഒഴിവുള്ള സീറ്റിലേക്ക് അലോട്ട്മന്റെ് വ്യാഴാഴ്ച രാത്രി പ്രസിദ്ധീകരിക്കും. മെഡിക്കല്‍ അഖിലേന്ത്യ ക്വോട്ട സീറ്റുകളിലേക്കുള്ള രണ്ടാം അലോട്ട്മന്റെ് കോടതി ഇടപെടലിനെ തുടര്‍ന്ന് നിര്‍ത്തിവെച്ചതിനാലാണ് സര്‍ക്കാര്‍ നിര്‍ദേശ പ്രകാരം രണ്ടാം അലോട്ട്മന്റെ് മാറ്റിയത്. അലോട്ട്മന്റെ് പ്രസിദ്ധീകരിക്കുന്ന പുതുക്കിയ തീയതി തീരുമാനിച്ചിട്ടില്ല.
അഖിലേന്ത്യ ക്വോട്ട അലോട്ട്മന്റെ് പ്രസിദ്ധീകരിക്കുന്നതിന് അനുസൃതമായി സംസ്ഥാന അലോട്ട്മന്റെ് പ്രസിദ്ധീകരിക്കാനാണ് ആലോചന. ദിവസങ്ങള്‍ക്കകം അഖിലേന്ത്യ അലോട്ട്മന്റെിന് സാഹചര്യം ഒരുങ്ങുമെന്നാണ് പ്രതീക്ഷ. അഖിലേന്ത്യ ക്വോട്ടയില്‍ ഒഴിവ് വരുന്ന സീറ്റ് സംസ്ഥാനത്തെ രണ്ടാം അലോട്ട്മന്റെില്‍ ഉള്‍പ്പെടുത്താന്‍ പറ്റാത്ത സാഹചര്യം പ്രവേശന പരീക്ഷ കമീഷണര്‍ സര്‍ക്കാറിനെ ധരിപ്പിച്ചിരുന്നു. ഇതിനെ തുടര്‍ന്നാണ് മെഡിക്കല്‍ സ്ട്രീമിലുള്ള കോഴ്‌സുകളിലേക്ക് രണ്ടാം അലോട്ട്മന്റെ് മാറ്റാന്‍ സര്‍ക്കാര്‍ നിര്‍ദേശം നല്‍കിയത്.അഖിലേന്ത്യ ക്വോട്ടയില്‍ ഒഴിവ് വരുന്ന സര്‍ക്കാര്‍ മെഡിക്കല്‍ കോളജുകളിലെ സീറ്റ് രണ്ടാം അലോട്ട്മന്റെില്‍ ഉള്‍പ്പെടുത്തിയില്ലെങ്കില്‍ പിന്നീട് നടക്കുന്ന മോപ് അപ് റൗണ്ടില്‍ (സ്‌പോട്ട് അഡ്മിഷന്‍) നികത്തേണ്ടിവരും.
രണ്ടാം അലോട്ട്മന്റെില്‍ സ്വാശ്രയ കോളജുകളില്‍ പ്രവേശനം നേടുന്ന വിദ്യാര്‍ഥികള്‍ക്ക് പിന്നീട് മോപ് അപ് റൗണ്ടില്‍ പങ്കെടുക്കാനും കഴിയില്ല. ഇതോടെ ഇവരെക്കാള്‍ റാങ്കില്‍ പിറകില്‍ നില്‍ക്കുന്നവര്‍ മോപ് അപ് റൗണ്ടില്‍ സര്‍ക്കാര്‍ മെഡിക്കല്‍ കോളജില്‍ പ്രവേശനം നേടുന്ന സാഹചര്യമുണ്ടാകും. സ്വാശ്രയ മെഡിക്കല്‍ കോളജുകളില്‍ പ്രവേശനം ലഭിച്ച വിദ്യാര്‍ഥികള്‍ക്ക് പിന്നീട് അഖിലേന്ത്യ ക്വോട്ടയില്‍ പ്രവേശനം ലഭിച്ചാല്‍ തിരികെ പോകുന്നതിനും തടസ്സങ്ങളുണ്ടായിരുന്നു. ഇതെല്ലാം പരിഗണിച്ചാണ് രണ്ടാം അലോട്ട്മന്റെ് മാറ്റിയത്.
സര്‍ക്കാര്‍/എയ്ഡഡ്/സര്‍ക്കാര്‍ നിയന്ത്രിത സ്വാശ്രയ എന്‍ജിനീയറിങ്/ആര്‍ക്കിടെക്ചര്‍ കോളജുകളിലെയും ഫാര്‍മസി കോളജുകളിലെയും ഒഴിവുള്ള സീറ്റുകളിലേക്ക് ഇന്ന് 12 വരെ ഓണ്‍ലൈന്‍ ഓപ്ഷന്‍ സമര്‍പ്പിക്കാം. രാത്രി അലോട്ട്മന്റെ് പ്രസിദ്ധീകരിക്കുകയും ചെയ്യും. അലോട്ട്മന്റെ് സംബന്ധിച്ച വിശദ വിജ്ഞാപനവും ഇന്ന് പ്രസിദ്ധീകരിക്കും.
https://www.facebook.com/Malayalivartha
