ഒരു ദിവസംകൊണ്ട് പ്രധാനമന്ത്രി നരേന്ദ്രമോദി ട്വിറ്ററില്‍ ഫോളോ ചെയ്തത് കായികതാരങ്ങളും, സാമൂഹ്യപ്രവര്‍ത്തകരും, ജോണലിസ്റ്റുകളുമടക്കം 55 സ്ത്രീകളെ. രക്ഷാബന്ധന്‍ ആഘോഷങ്ങളുടെ ഭാഗമായാണ് ഞായറാഴ്ച്ച മോദി ഇത്രയുമധികം സ്ത്രീകളെ ഫോളോ ചെയ്യാന്‍ തീരുമാനിച്ചത്.

സാനിയ മിര്‍സ, ബാഡ്മിന്റണ്‍ താരമായ അശ്വിനി പൊന്നപ്പ, മറ്റൊരു ടെന്നീസ് താരമായ കര്‍മന്‍ കൗര്‍, കേരളത്തിന്റെ താരമായ പി.ടി ഉഷ, വെയ്റ്റ് ലിഫ്റ്റിംഗ് താരമായിരുന്ന കര്‍ണ്ണം മല്ലേശ്വരി, മുന്‍ മിസ് ഇന്ത്യയും കുട്ടികള്‍ക്ക് വേണ്ടി പ്രവര്‍ത്തിക്കുന്ന ആക്ടിവിസ്റ്റുമായ സ്വരൂപ്, മാധ്യമപ്രവര്‍ത്തകരായ റൊമാന ഇസര്‍ ഖാന്‍, ശ്വേത സിംഗ്, പദ്മജ ജോഷി, ഷീല ഭട്ട്, ശാലിനി സിംഗ്, രേണുക പുരി, നടി കൊയെന മിത്ര തുടങ്ങി വനിതകളായ ഏതാനും ബി.ജെ.പി നേതാക്കളെയും മോദി ഫോളോ ചെയ്തിട്ടുണ്ട്. 2,000 പേരെയാണ് മോദി പേഴ്‌സണല്‍ അക്കൗണ്ടില്‍, ട്വറ്ററില്‍ ഫോളോ ചെയ്യുന്നത്. എന്നാൽ മോദിയെ 43.7 മില്ല്യണ്‍ പേരാണ് ഫോളോ ചെയ്യുന്നത്.