പിസി ജോർജ് എംഎൽഎക്കെതിരെ ശ്കതമായ നടപടി എടുക്കണമെന്ന ആവശ്യവുമായി ജനാധിപത്യ മഹിളാ അസോസിയേഷൻ രംഗത്ത്. കന്യാസ്ത്രീയെ അധിക്ഷേപിച്ച പിസിക്കെതിരെ നിയമ നടപടി എടുക്കണമെന്ന ആവശ്യം ജനാധിപത്യ മഹിളാ അസോസിയേഷൻ ഉന്നയിച്ചു. കേരള നിയമസഭാ അംഗമായ പിസി ജോർജ് ബിഷപ്പ് ഫ്രാൻങ്കോ മുളക്കലിനെതിരെ പരാതി നൽകിയ കന്യാസ്ത്രീക്കെതിരെ മോശമായ രീതിയിൽ അധിക്ഷേപം നടത്തിയിരുന്നു. കേട്ടാൽ അറയ്ക്കുന്ന ഭാഷയിൽ അധിക്ഷേപം നടത്തുകയും വ്യക്തിഹത്യ നടത്തുകയും ചെയ്തിട്ടുണ്ട്. വിശദീകരണം ആവശ്യപ്പെട്ട വനിതാ കമ്മീഷനെയും പിസി അധിക്ഷേപിച്ചിരുന്നു.

നിയമസഭാ സാമാജികനായ പിസി ജോർജ് ഇത്തരത്തിൽ നിയമ സംവിധാനങ്ങളെപോലും അധിക്ഷേപിക്കുകയും ധിക്കാരപരമായി പെരുമാറുകയും ചെയ്യുന്നത് അപലപനീയമാണ്. താൻ നിയമത്തിനെല്ലാം മുകളിലാണെന്ന രീതിയാണ് പിസി ജോർജിന് ഉള്ളത്. കേരള സമൂഹത്തിനു തന്നെ പിസി ജോർജ് അപമാനമാണ് എന്ന തരത്തിൽ പ്രതികരണങ്ങൾ ഉണ്ടാകുന്നു. ദേശീയ മാധ്യമങ്ങളിലും സോഷ്യൽ മീഡിയയിലുമെല്ലാം പിസി ജോർജിനെതിരെയുള്ള പ്രതിഷേധം ശക്തമാണ്.