അഞ്ചരക്കണ്ടി മെഡിക്കൽ കോളേജിലെ ബി.ഡി.എസ് വിദ്യാർത്ഥി നിതിൻരാജിന്റെ ആത്മഹത്യയിൽ പ്രതികൾക്ക് മാതൃകാപരമായ ശിക്ഷ ഉറപ്പാക്കുമെന്ന് മന്ത്രി ഒ ആർ കേളു പറഞ്ഞു. കേരളത്തിലെ ഒരു കാമ്പസിലും വിദ്യാർത്ഥികൾക്ക് ഇത്തരം അനുഭവം ഒരിക്കലും ഉണ്ടാകരുത് ഗവർമെൻ്റ് ഇതിനാവശ്യമായ നടപടികൾ സ്വീകരിക്കുമെന്നും മന്ത്രി വ്യക്തമാക്കി.

കോളേജ് മാനേജ്‌മെന്റിന്റെയും അധ്യാപകരുടെയും ഭാഗത്തുനിന്നുണ്ടായ വിവേചനങ്ങളെക്കുറിച്ച് വിശദമായ അന്വേഷണം വേണം. ജാതീയ അധിക്ഷേപങ്ങളും ബോഡി ഷെയ്മിംഗും നമ്മുടെ കലാലയങ്ങളിൽ ഇന്നും നിലനിൽക്കുന്നു എന്നത് പരിഷ്കൃത സമൂഹത്തിന് അപമാനമാണെന്നും മന്ത്രി ഒ ആർ കേളു പ്രസ്താവനയിൽ പറഞ്ഞു. നിധിൻ്റെ കുടുംബത്തെ സർക്കാർ ചേർത്ത് പിടിച്ച് നീതി ഉറപ്പാക്കും -മന്ത്രി വ്യക്തമാക്കി.