പ്രളയം കനത്തനാശം വിതിച്ച പമ്പയില് ബേയ്ലി പാലം നിര്മിക്കാന് സൈന്യത്തിന്റെ സഹായം ആവിശ്യപ്പെട്ട് പ്രതിപക്ഷ നേതാവ് കേന്ദ്രപ്രതിരോധമന്ത്രിക്ക് കത്തയച്ചു
കേരളത്തെ മഹാപ്രളയം വിഴുങ്ങിയപ്പോള് സൈന്യത്തെ വിളിക്കൂ... സൈന്യത്തെ വിളിക്കൂ...ന്ന് നിലവിളിച്ച പ്രതിപക്ഷനേതാവ് രമേശ് ചെന്നിത്തല അവസാനം സൈന്യത്തിന്റെ സഹായം തേടി കേന്ദ്രപ്രതിരോധമന്ത്രി നിര്മലാ സീതാരാമന് കത്ത് നല്കി. പ്രളയം കനത്ത നാശം വിതിച്ച പമ്പയില് ബേയ്ലി പാലം നിര്മിക്കാന് സൈന്യത്തിന്റെ സഹായം ആവിശ്യപ്പെട്ടാണ് പ്രതിപക്ഷ നേതാവ് കത്തയച്ചത്.
പ്രളയം പമ്പയിലെ പ്രധാന മാര്ഗമായ പാലത്തെ പൂര്ണ്ണമായും തകര്ത്തിരിക്കുകയാണ്. ശബരിമല മണ്ഡല സീസണ് ആരംഭിക്കാന് ഇനി ഏതാനും ദിവസങ്ങള് മാത്രമേ അവശേഷിക്കുന്നത്. അത് കൊണ്ട് തന്നെ സൈന്യത്തിന്റെ സഹായം ലഭിച്ചാല് മാത്രമേ പാലം പണി യുദ്ധ കാലാടിസ്ഥാനത്തില് പൂര്ത്തിയാക്കാന് കഴിയൂ- എന്ന് കത്തില് വ്യക്തമാക്കുന്നു.
തിരുവിതാംകൂര് ദേവസ്വം ബോര്ഡിന് ഇത്രവലിയ പുനരുദ്ധാരണ പ്രവര്ത്തനം നടത്താന് കഴിയില്ല. ഈ പാലം പണി പൂര്ത്തിയായില്ലങ്കില് മണ്ഡലകാലത്ത് എത്തുന്ന ഭക്ത ജനങ്ങള്ക്ക് ത്രിവേണി കടന്ന് സന്നിധാനത്തേക്ക് പോകാന് കഴിയുകയില്ല. അത് ശബരിമല ദര്ശനം അസാധ്യമാക്കും. അത്കൊണ്ട് സൈന്യത്തിന്റെ സേവനം പാലം പണിയുന്നതിനായി ഉടന് ലഭ്യമാക്കണമെന്നും രമേശ് ചെന്നിത്തല ആവശ്യപ്പെട്ടു.
https://www.facebook.com/Malayalivartha
