വിളിച്ചുവരുത്തുന്ന നാണക്കേട് ഒഴുവാക്കാൻ മുഖ്യൻ ഗവർണരുടെ അരികിൽ ഓടിയെത്തി ; മുഖ്യമന്ത്രി പിണറായി വിജയന് ഗവര്ണര് ജസ്റ്റിസ് പി. സദാശിവവുമായി കൂടിക്കാഴ്ച നടത്തി; ശബരിമലയില് ഏര്പ്പെടുത്തിയ കര്ശന നിയന്ത്രണങ്ങളുടെ പേരില് ഹൈക്കോടതിയും സംസ്ഥാന സര്ക്കാരിനെ രൂക്ഷമായി വിമര്ശിച്ചു
മുഖ്യമന്ത്രി പിണറായി വിജയന് ഗവര്ണര് ജസ്റ്റിസ് പി. സദാശിവവുമായി കൂടിക്കാഴ്ച നടത്തി. ശബരിമല വിഷയത്തില് സര്ക്കാരിന് ഹൈക്കോടതിയുടെ രൂക്ഷ വിമര്ശനം കിട്ടിയതിന് പിന്നാലെയാണ് മുഖ്യമന്ത്രി രാജ്ഭവനിലെത്തി ഗവര്ണറെ കാണുന്നത്. ശബരിമലയിലെ നിലവിലുള്ള സ്ഥിതിഗതികള് മുഖ്യമന്ത്രി ഗവര്ണറെ ധരിപ്പിച്ചു. വ്യാഴാഴ്ച ഉച്ചയ്ക്ക് 12.30- ഓടെയാണ് മുഖ്യമന്ത്രി രാജ്ഭവനിലെത്തിയത്.
ശബരിമലയില് തീര്ത്ഥാടകര് കടുത്ത വിവേചനവും അവഗണനയും നേരിടുന്നതായി കാണിച്ച് സംഘപരിവാര് സംഘടനകളില് നിന്നും മറ്റുമായി നിരവധി പരാതികള് ഗവര്ണര്ക്ക് ലഭിച്ചിരുന്നു. ഇതിനിടയില് ശബരിമലയില് ഏര്പ്പെടുത്തിയ കര്ശന നിയന്ത്രണങ്ങളുടെ പേരില് ഹൈക്കോടതിയും സംസ്ഥാന സര്ക്കാരിനെ രൂക്ഷമായി വിമര്ശിച്ചു.
ഈ സാഹചര്യത്തിലാണ് മുഖ്യമന്ത്രി ഗവര്ണറെ നേരില് കാണുന്നത്. ശബരിമലയിലെ പ്രത്യേക സ്ഥിതിവിശേഷവും സര്ക്കാര് സ്വീകരിച്ച നടപടികളും മുഖ്യമന്ത്രി ഗവര്ണറെ അറിയിച്ചേക്കും എന്നാണ് സൂചന.
മുൻപ് കണ്ണൂരിലെ രാഷ്ട്രീയ കൊലപാതകങ്ങളുമായി ബന്ധപ്പെട്ട് ഗവർണർ മുഖ്യമന്ത്രിയെ രാജ് ഭവനിൽ വിളിച്ചു വരുത്തി ചർച്ച ചെയ്തിരുന്നു. എന്നാൽ ഇത്തവണ ഗവർണർ വിളിച്ചു വരുത്തുന്നതിന് മുൻപ് തന്നെ മുഖ്യമന്ത്രി അങ്ങോട്ട് പോയി കൂടി കാഴ്ച നടത്തുകയായിരുന്നു.
https://www.facebook.com/Malayalivartha
