കല്ല്യാണ് ജ്വല്ലറിയുടെ ഒരു കോടിയുടെ തനി തങ്കം പൊക്കിയത് ഹൈവേ കൊള്ളക്കാരന് കോടാലി ശ്രീധരനും സംഘവും... ആഭരണങ്ങൾ എത്രയുംപെട്ടെന്ന് കണ്ടുകിട്ടണമെന്ന് കല്യാണ് ഗ്രൂപ്പ്; രണ്ടുംകൽപ്പിച്ച് അന്വേഷണ സംഘം
സിനിമയെപ്പോലും വെല്ലുന്ന തരത്തിലുള്ള കൊള്ളയാണ് കല്യാണ് ജുവലറിയ്ക്ക് നേരെയുണ്ടായത്. തൃശൂരില് കല്യാണ് ജുവലറിയില് നിന്ന് തമിഴ്നാട്ടിലെ ഷോറൂമിലേക്ക് കൊണ്ടുപോകുകയായിരുന്ന ഒരു കോടിയോളം രൂപ വിലമതിയ്ക്കുന്ന സ്വര്ണാഭരണങ്ങളാണ് കൊള്ളയടിച്ചത്. തൃശൂരില് നിന്നും കാറില് കോയമ്പത്തൂരിലേക്ക് കൊണ്ടുപോയ സ്വര്ണാഭരണങ്ങളാണ് കൊള്ളയടിക്കപ്പെട്ടത്. എന്നാൽ ഈ വൻ കൊള്ളയടിക്ക് പിന്നിൽ ഹൈവേ കൊള്ളക്കാരന് കോടാലി ശ്രീധരനും സംഘവുമെന്ന് സൂചന.
കഴിഞ്ഞ ചൊവ്വ രാവിലെ പതിനൊന്നരയ്ക്ക് കോയമ്പത്തൂരിനും വാളയാറിനും മദ്ധ്യേ ചാവടിയിലായിരുന്നു സംഭവം. തൃശൂരില് നിന്ന് സ്വര്ണാഭരണങ്ങളുമായി പോയ കാറിനെ ചാവടി പെട്രോള് പമ്ബിന് സമീപം തടഞ്ഞു നിര്ത്തി, െ്രെഡവര് അര്ജുന്, ഒപ്പമുണ്ടായിരുന്ന വില്ഫ്രഡ് എന്നിവരെ വലിച്ച് താഴെയിട്ടശേഷമായിരുന്നു കവര്ച്ച .കോടാലി ശ്രീധരന്റെ നേതൃത്വത്തിലുള്ള സംഘമെന്ന് സൂചന കിട്ടിയതോടെ ഇതിന്റെ അടിസ്ഥാനത്തില് കൊള്ളസംഘത്തില് ഉണ്ടായിരുന്ന കോടാലി ശ്രീധരന്റെ ഉറ്റ അനുയായി മലപ്പുറം വള്ളാമ്ബുറം സ്വദേശിക്കായി കോയമ്ബത്തൂര് എസ്.പിയുടെ നേതൃത്വത്തിലുള്ള അന്വേഷണ സംഘം കേരളത്തില് തെരച്ചില് തുടങ്ങി. വാളയാറിലെ ചെക്ക് പോസ്റ്റുവഴി കടന്നുപോയ വാഹനങ്ങളുടെ സിസി ടിവി ദൃശ്യങ്ങള് പരിശോധിച്ചതില് നിന്ന് കൊള്ളസംഘത്തെ കുറിച്ച് സൂചന കിട്ടി. കുഴല്പ്പണ കടത്ത് സംഘങ്ങളെ ആക്രമിച്ച് പണം തട്ടിയെടുക്കുന്ന സംഘമാണ് കോടാലി ശ്രീധരന്റെ കൊള്ള സംഘം. ശ്രീധരന്റെ സംഘത്തില് പെട്ട മലപ്പുറം വള്ളുവമ്ബ്രം സ്വദേശി ഷംസുദ്ധീന് എന്ന നാണിയെ സിസി ടിവി ദൃശ്യങ്ങളില് നിന്നും തിരിച്ചറിഞ്ഞിട്ടുണ്ട്. സിസി ടിവി ദൃശ്യങ്ങള് മലപ്പുറത്തെയും കോഴിക്കോട്ടെയും ഹവാല സംഘങ്ങളെ കാണിച്ചാണ് ഷംസുദ്ധീനെ തിരിച്ചറിഞ്ഞത്.
കാറിനു പിന്നില് ചാവടിയിലെ പെട്രോള് പമ്ബിനു സമീപം അക്രമിസംഘത്തിന്റെ കാര് ഇടിച്ചു കയറ്റി. ഇതു ചോദ്യം ചെയ്യാന് കാര് നിര്ത്തി അര്ജുന് പുറത്തിറങ്ങി. ഈ സമയം കോയമ്ബത്തൂര് ഭാഗത്തു നിന്നു മറ്റൊരു കാര് പാഞ്ഞെത്തി. രണ്ടു കാറുകളില് നിന്നുമായി പുറത്തിറങ്ങിയവര് സ്വര്ണവുമായി വന്ന കാറിന്റെ മുന്വശത്തെ ചില്ല് അടിച്ചുതകര്ത്തു. എതിര്ക്കാന് ശ്രമിച്ച അര്ജുനെയും വില്ഫ്രഡിനെയും മര്ദിച്ചു റോഡില് ഉപേക്ഷിച്ച ശേഷം കാറും സ്വര്ണവുമായി കോയമ്ബത്തൂര് ഭാഗത്തേക്കു കടക്കുകയായിരുന്നു.ഇവരുടെ നിലവിളി കേട്ടു സമീപത്തെ പെട്രോള് പമ്ബിലെ ജീവനക്കാര് ഓടിയെത്തിയെങ്കിലും അക്രമിസംഘം രക്ഷപ്പെട്ടിരുന്നു. പ്രാഥമിക ചികിത്സയ്ക്കു ശേഷം ഇരുവരെയും ചാവടി പൊലീസ് സ്റ്റേഷനിലെത്തിച്ചിരുന്നു.
9 പേരാണു കാറുകളിലുണ്ടായിരുന്നതെന്നും ഇവരില് ചിലര് മുഖം മറച്ചിരുന്നെന്നും ഡ്രൈവര്മാര് മൊഴി നല്കിയത്. തമിഴ്നാട് മധുക്കര പൊലീസാണ് കേസ് അന്വേഷിക്കുന്നത്. സ്വര്ണം, വെള്ളി ആഭരണങ്ങളാണു നഷ്ടപ്പെട്ടത്. ഉണ്ടായിരുന്നതായും ഇന്ഷുറന്സ് കമ്പനിയെ നഷ്ടപരിഹാരത്തിന് സമീപിക്കുമെന്നും കല്യാണ് ജുവലേഴ്സ് അറിയിച്ചു. സംഭവത്തില് പാലക്കാട്, തമിഴ്നാട്ടിലെ ചാവടി പോലീസ്റ്റേഷനുകളില് പരാതി നല്കിയിട്ടുണ്ട്. അധികൃതര്ക്ക് എല്ലാ വിവരങ്ങളും നല്കിയിട്ടുണ്ടെന്നും ആഭരണങ്ങള് എത്രയും പെട്ടന്ന് കണ്ടെത്തണമെന്നും കല്യാണ് ഗ്രൂപ്പ് ചെയര്മാന് ടി.എസ്. കല്യാണരാമന് ആവശ്യപ്പെട്ടു.
https://www.facebook.com/Malayalivartha
