കർണാടകത്തിലെ ചിക്കമഗളൂരുവിൽ വിനോദസഞ്ചാരത്തിനിടെ മരിച്ച ശ്രീനന്ദ അവസാനമായി പറഞ്ഞ ആ വാക്ക് വളരെ വേദനയാകുന്നു. യാത്രയ്ക്കിടെ ശ്രീനന്ദയും സുഹൃത്തും എടുത്ത അവസാന വീഡിയോ നൊമ്പരമായി മാറുന്നു. വീഡിയോയിൽ അവസാനമായി ശ്രീനന്ദ പറയുന്നത് ദേ ഒരു പുഴ പുഴ എന്നാണ്. പിന്നീട് ഫാമിലി ചിത്രത്തിലും അവസാനമായി ശ്രീനന്ദയെ കാണുന്നത്.

പ്രാഥമിക പോസ്റ്റ്മോർട്ടം റിപ്പോർട്ട് നടുക്കുന്നത്. തലയുടെ വലത് ഭാഗത്തേറ്റ ഗുരുതര പരിക്കാണ് ശ്രീനന്ദയുടെ മരണകാരണം. ശരീരത്തിൽ ഉടനീളം പരിക്കേറ്റിട്ടുണ്ട്. പലയിടത്തും അസ്ഥികൾ പൊട്ടിയ നിലയിൽ. പരിക്കുകൾ വീഴ്ച്ചയിൽ സംഭവിച്ചതാണെന്നാണ് നിഗമനം. മരണത്തിൽ മറ്റ് അസ്വാഭാവികത ഇല്ല. പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകിയ ശ്രീനന്ദയുടെ മൃതദേഹം ഒറ്റപ്പാലം കടമ്പഴിപ്പുറത്തെ വീട്ടിലെത്തിച്ചു.

കർണാടകത്തിലെ ചിക്കമഗളൂരുവിൽ വിനോദസഞ്ചാരത്തിന് എത്തി കാണാതായ ശ്രീനന്ദയുടെ മൃതദേഹം ഇന്നലെ ഉച്ചയോടെയാണ് കണ്ടെത്തിയത്. കുട്ടിയെ കാണാതായ മാണിക്യധാര വെള്ളച്ചാട്ടത്തിന് 1500 അടി താഴെ നിന്നാണ് മൃതദേഹം ലഭിച്ചത്. തെർമൽ ഡ്രോണിന്റെ മോണിറ്ററിൽ ശ്രീനന്ദയുടെ മൃതദേഹം പതിഞ്ഞത്. കാണാനില്ലെന്ന് പറഞ്ഞ പ്രദേശത്തു നിന്ന് 1500 അടി താഴ്ചയിലായിരുന്നു മൃതദേഹം. മലയടിവാരത്ത് മുകളിലേക്ക് നടത്തിയ പരിശോധനയിലാണ് മൃതദേഹം കണ്ടെത്താനായത്.