കോഴിക്കോട് എം പി എം കെ രാഘവനെ തീര്ക്കാനുറച്ചു സര്ക്കാര്... വെള്ളിടിയായി യു ഡി എഫിന് പുതിയ കുരുക്ക്
കോഴിക്കോട് എം പി എം കെ രാഘവനെ തീര്ക്കാനുറച്ചു സര്ക്കാര്. വെള്ളിടിയായി യു ഡി എഫിന് പുതിയ കുരുക്ക്. കണ്ണൂരിലെ അഗ്രീന്കോ സൊസൈറ്റി ക്രമക്കേടുമായി ബന്ധപ്പെട്ട് കോഴിക്കോട് എം.പി എം.കെ. രാഘവനുള്പ്പെടെ 13 പേര്ക്കെതിരെ കേസ്സാമ്പത്തിക ക്രമക്കേടും അഴിമതിയും നടത്തിയെന്ന അന്വേഷണ റിപ്പോര്ട്ടിെന്റ അടിസ്ഥാനത്തില് സര്ക്കാര് നിര്ദേശത്തെ തുടര്ന്ന് സംഘം മുന് പ്രസിഡന്റ് എം.കെ. രാഘവന് എം.പി, മാനേജിങ് ഡയറക്ടര് ബൈജു രാധാകൃഷ്ണന് തുടങ്ങി 13 പേര്ക്കെതിരെയാണ് കണ്ണൂര് ടൗണ് പൊലീസ് കേസെടുത്തത് കോണ്ഗ്രസ്സ് കേന്ദ്രങ്ങളെ ഞെട്ടിച്ചു. ഗുരുതരമായ ആരോപണങ്ങളാണ് എം കെ രാഘവന് നേര്ക്കുയരുന്നത്.
പ്രതികള് 77 കോടിയുടെ സാമ്പത്തികബാധ്യത സംഘത്തിനുണ്ടാക്കിയെന്നാണ് കേസ്. ഉത്തരേമഖല സഹകരണ വിജിലന്സ് ഡിവൈ.എസ്.പി മാത്യു രാജ് കള്ളിക്കാടനാണ് സര്ക്കാറിന് റിപ്പോര്ട്ട് സമര്പ്പിച്ചത്. 2002 മുതല് 2014 വരെ എം.കെ. രാഘവന് സൊസൈറ്റിയുടെ പ്രസിഡന്റായിരുന്നു. ഈ കാലയളവില് കൈതച്ചക്ക ഫാമിനായി സ്ഥലം വാങ്ങിയതും മൂല്യവര്ധിത ഉല്പന്നങ്ങളുണ്ടാക്കാന് യന്ത്രസാമഗ്രികള് വാങ്ങിയതും സഹകരണ രജിസ്ട്രാറുടെ അനുമതിയും സുതാര്യതയും ഇല്ലാതെയുമാണെന്നാണ് വിജിലന്സ് ഡിവൈ.എസ്.പിയുടെ കണ്ടെത്തല്. അഴിമതിയും ക്രമക്കേടും കാരണം സംഘം കടക്കെണിയിലായെന്നും വായ്പ തിരിച്ചടവ് നിലച്ചുവെന്നും റിപ്പോര്ട്ടില് ചൂണ്ടിക്കാട്ടിയിരുന്നു. ഇക്കാര്യങ്ങള് പരിഗണിച്ചാണ് കേസെടുക്കാന് സര്ക്കാര് നിര്ദേശം നല്കിയത്. ടൗണ് എസ്.െഎ ശ്രീജിത്ത് കൊടേരിക്കാണ് അന്വേഷണ ചുമതല. വ്യാജരേഖ ചമച്ചുവെന്നും ഗൂഢാലോചന, അഴിമതി നടത്തിയെന്നുമടക്കമുള്ള കുറ്റങ്ങള് ചുമത്തി മൂന്നാം പ്രതിയായാണ് എം.കെ രാഘവനെ പ്രതിചേര്ത്തിരിക്കുന്നത്. സ്ഥാപനത്തില് ക്രമക്കേട് നടന്നുവെന്ന് ഓഡിറ്റ് റിപ്പോര്ട്ട് അടിസ്ഥാനത്തില് ആണ് സര്ക്കാര് നിര്ദേശ പ്രകാരമുള്ള കേസ്.
അഗ്രീന്കോയില് നടന്ന കോടികളുടെ സാമ്പത്തിക വെട്ടിപ്പില് പ്രതിയായ എം കെ രാഘവന് എംപി സ്ഥാനം രാജിവയ്ക്കണമെന്നാവശ്യപ്പെട്ട് എല്ഡിഎഫ് പ്രകടനവും പൊതുയോഗവും നടത്തി എല്ഡിഎഫ് സിറ്റി കമ്മിറ്റി കോഴിക്കോട് നഗരത്തില് നടത്തിയ പ്രകടനത്തില് നൂറുകണക്കിനാളുകള് പങ്കെടുത്തു.
മുതലക്കുളം കേന്ദ്രീകരിച്ച് നടന്ന പ്രകടനം വൈക്കം മുഹമ്മദ് ബഷീര് റോഡില് സമാപിച്ചു. പി കെ നാസര് അധ്യക്ഷനായി. സി പി മുസാഫര് അഹമ്മദ്, പി നിഖില്, സി പി ഹമീദ്, കെ പി സനല്കുമാര്, കെ പി കരുണാകരന്, എം ഇസ്മായില്, പി വി നവീന്ദ്രന് എന്നിവര് സംസാരിച്ചു. എം മോഹനന് സ്വാഗതം പറഞ്ഞു.
രണ്ടു തവണ കോഴിക്കോടിന്റെ മനംകവര്ന്ന് ലോക്സഭയില് എത്തിയ എം.കെ. രാഘവന് ആത്മവിശ്വാസം കൂടിയിട്ടേ ഉള്ളൂ. വികസന കാര്യത്തില് താന് ചെയ്ത കാര്യങ്ങളെ വിസ്മരിക്കാന് പ്രതിപക്ഷത്തിന് പോലുമാകില്ലെന്ന് തുറന്നടിച്ചുള്ള മുന്നേറ്റത്തിനിടയിലാണ് പുതിയ കേസ്. അതും ഗുരുതര സാമ്പത്തിക തട്ടിപ്പു കേസ്. പുതിയ കുരുക്കില് രാഘവനെ തീര്ക്കാനാകുമോ എന്നാണ് രാഷ്ട്രീയ കേരളം ഉറ്റു നോക്കുന്നത്.
https://www.facebook.com/Malayalivartha
