സിബിഎസ്ഇ രണ്ടാംഘട്ട പത്താംക്ലാസ് പരീക്ഷകളുടെ തീയതി പ്രഖ്യാപിച്ചു. പരീക്ഷകൾ 2026 മെയ് 15 വെള്ളിയാഴ്ച ആരംഭിച്ച് മെയ് 21 വ്യാഴാഴ്ച അവസാനിക്കും. പരീക്ഷകൾ ഗണിത പരീക്ഷയോടെ ആരംഭിച്ച് സോഷ്യൽ സയൻസ് പരീക്ഷയോടെ അവസാനിക്കും.

പരീക്ഷയുടെ സമയം സാധാരണയായി രാവിലെ 10:30 മുതൽ ഉച്ചയ്‌ക്ക് 1:30 വരെ ഒരൊറ്റ ഷിഫ്റ്റിലായിരിക്കും നടക്കുക. ഒന്നാം ഘട്ട പരീക്ഷ എഴുതിയവരും, എന്നാൽ മാർക്കിൽ സംതൃപ്തരല്ലാത്തവരുമായ വിദ്യാർത്ഥികൾക്ക് വേണ്ടിയുള്ളതാണ് രണ്ടാം ഘട്ട പരീക്ഷ. സയൻസ്, മാത്തമാറ്റിക്‌സ്, സോഷ്യൽ സയൻസ്, ഭാഷാ വിഷയങ്ങൾ എന്നിവയുൾപ്പെടെ പരമാവധി മൂന്ന് വിഷയങ്ങളിൽ വിദ്യാർത്ഥികൾക്ക് ഇത്തരത്തിൽ പ്രകടനം മെച്ചപ്പെടുത്താനായികഴിയും.

പരീക്ഷാ സമ്മർദ്ദം കുറയ്‌ക്കുന്നതിനും വിദ്യാർത്ഥികൾക്ക് അവരുടെ മാർക്ക് മെച്ചപ്പെടുത്തുന്നതിനും വേണ്ടിയാണ് ഈ രണ്ടാം പരീക്ഷ നടത്തുന്നത്. രണ്ട് പരീക്ഷകളിലും വെച്ച് ഏറ്റവും മികച്ച സ്‌കോർ ഏതാണോ അത് അന്തിമ ഫലത്തിനായി പരിഗണിക്കുന്നതാണ്.