ശബരിമല നീലിമല ബോട്ടത്തിൽ പുലിയിറങ്ങി. ഇത്തവണത്തെ അസഹ്യമായ ചൂടിനെത്തുടർന്നാണ് പുലി കാട്ടിൽ നിന്നിറങ്ങി വന്നത് . എന്നാൽ , ഭക്തർ നടന്ന് പോവുന്ന വഴിയ്ക്ക് കുറുകെ കടന്ന് പോയ പുലി ആരെയും ആക്രമിച്ചില്ല .

പുലിയിറങ്ങിയതിനെത്തുട‍ന്ന് ഭക്ത‍ർക്ക് മലകയറുന്നതിന് വനം വകുപ്പ് രണ്ട് മണിക്കൂറോളം നിയന്ത്രണം ഏർപ്പെടുത്തിയിരുന്നു. ഭക്തരെ മരക്കൂട്ടത്തും പമ്പയിലും തടഞ്ഞിരുന്നു. നിലവിൽ നിയന്ത്രണം നീക്കിയെന്ന് വനം വകുപ്പ് അറിയിച്ചു. അതേസമയം , കഴിഞ്ഞ ദിവസവും പ്രദേശത്ത് പുലിയിറങ്ങിയിരുന്നു. പരമാവധി കൂട്ടത്തോടെ നടക്കാൻ വനം വകുപ്പ് ഭക്തർക്ക് നിർദേശം നൽകി.