പ്രമുഖ തമിഴ് സാഹിത്യകാരന് തോപ്പില് മുഹമ്മദ് മീരാന് അന്തരിച്ചു
പ്രമുഖ തമിഴ് സാഹിത്യകാരന് തോപ്പില് മുഹമ്മദ് മീരാന് അന്തരിച്ചു. എഴുപത്തിയഞ്ച് വയസായിരുന്നു. ഇന്ന് പുലര്ച്ചെ തിരുനെല്വേലിയിയില് വെച്ചായിരുന്നു അന്ത്യം. കേന്ദ്ര സാഹിത്യ അക്കാദമി പുരസ്കാരം ഉള്പ്പടെ നിരവധി പുരസ്കാരങ്ങള് നേടിയിട്ടുണ്ട്. ഖബറടക്കം ഇന്ന് വൈകുന്നേരം അഞ്ച് മണിക്ക് നടക്കും.
ദക്ഷിണേന്ത്യയിലെ സവിശേഷ സാമൂഹിക സാംസ്ക്കാരിക ജീവിതത്തെ മുഖ്യധാരാ സാഹിത്യത്തിലേക്ക് കൊണ്ടുവരുന്നതില് പ്രമുഖ പങ്കു വഹിച്ച അദ്ദേഹം, മലയാളം, തമിഴ്, അറബി മലയാളം, അറബി തമിഴ് സാഹിത്യങ്ങളെ പരസ്പരം ബന്ധപ്പെടുത്തി പഠിക്കുവാനും അവയ്ക്കിടയിലെ ആശയ സംവാദങ്ങളെ ഉയര്ത്തിക്കൊണ്ടുവരുവാനും പരിശ്രമങ്ങള് നടത്തിയ സാഹിത്യകാരനാായിരുന്നു.
1944 സെപ്തംബര് 26ന് കന്യാകുമാരി ജില്ലയിലെ തേങ്ങാപ്പട്ടണത്താണ് ജനനം. നാഗര്കോവില് എസ്.ടി. ഹിന്ദു കോളജില് നിന്ന് ഇക്കണോമിക്സില് ബി.എ. പൂര്ത്തിയാക്കി. മീരാന്റെ കൃതികള് നിരവധി ഇന്ത്യന്, വിദേശ ഭാഷകളിലേക്ക് വിവര്ത്തനം ചെയ്യപ്പെട്ടിട്ടുണ്ട്. കേന്ദ്ര സാഹിത്യ അക്കാദമി പുരസ്കാരം ഉള്പ്പടെ നിരവധി അവാര്ഡുകള് നേടിയ അദ്ദേഹം നാഷനല് ബുക്ക് ട്രസ്റ്റിന്റെ ഉപദേശക സമിതി, ദൂരദര്ശന് പ്രോഗ്രാം കമ്മറ്റി, മാനവ വിഭവശേഷി വകുപ്പിന്റെ സി പി ഐ എല് കൗണ്സില് എന്നിവയില് അംഗമായും പ്രവര്ത്തിച്ചിട്ടുണ്ട്
തമിഴും മലയാളവും ഒരു പോലെ വഴങ്ങുന്ന മീരാന് ഇരു ഭാഷകളിലും രചനകള് നിര്വ്വഹിച്ചിട്ടുണ്ട് ഒരു കടലോര ഗ്രാമത്തിന് കഥൈ (ഒരു കടലോര ഗ്രാമത്തിന്റെ കഥ വിവ: വേണുഗോപാല പണിക്കര് ) ചായ് വുനാര് കാലി (ചാരു കസേര) കൂനന് തോപ്പ്, തുടങ്ങി അദ്ദേഹത്തിന്റെ പല കൃതികളും മലയാളത്തിലേക്ക് മൊഴിമാറ്റം ചെയ്യപ്പെട്ടിട്ടുണ്ട്. വിസ്മരിക്കപ്പെട്ടവര് എന്ന പേരില് ഒരു ചെറു നോവല് മലയാളത്തില് അദ്ദേഹം രചിച്ചിട്ടുണ്ട്.
https://www.facebook.com/Malayalivartha
