കോറോണക്കാലം മാതൃകയുടെയും കരുതലിന്റെയും സ്നേഹത്തിന്റെയും കാലമായി മാറുകയാണ്. അത്തരത്തിലുള്ള ഒത്തിരിയേറെ വാർത്തകൾ നാം കണ്ടതാണ്. സ്വന്തമായി സ്വരുക്കൂട്ടിയതെലം മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് നൽകുന്നവർ. ഡ്യൂട്ടിയിൽ നിൽക്കുന്ന പോലീസുകാർക്ക് കരുതലിന്റെ തണലായി മാറുന്നവർ. അങ്ങനെ നിരവധിപേർ. എടുത്തുപറയാതിരിക്കാനാകില്ല നമ്മുടെ കേരളം ലോകത്തിന് തന്നെ മാതൃകയാകുന്ന നിമിഷങ്ങളിലൂടെയാണ് നാം കടന്നുപോകുന്നത്.

അത്തരത്തിൽ വിവാഹനാളിൽ വർക്കല പൊലീസ് സ്റ്റേഷനിലെ പൊലീസുകാർക്ക് സദ്യയൊരുക്കി നവ വധുവും വരനും വേണ്ടതും മാതൃകയാവുകയാണ്. അതായത് വർക്കല ന്യൂ സ്റ്റുഡിയോ ഉടമയായ വിജയ പ്രകാശൻ പിള്ളയുടെ മകൾ അര്യയും വർക്കല വാച്ചർമുക്ക് ഉദയത്തിൽ ഉദയന്റെ മകൻ വിവേകുമാണ് തിങ്കളാഴ്ച വിവാഹിതരായത്. വളരെ ലളിതമായി ലോക് ഡൗൺ നിയമങ്ങൾ എല്ലാം പാലിച്ചുകൊണ്ട് തന്നെയായിരുന്നു വിവാഹം നടത്തിയത്.

അതേസമയം കൊവിഡ് 19മായി ബന്ധപ്പെട്ട കരുതൽ നടപടികളുമായി രാപ്പകലില്ലാതെ ജോലി ചെയ്യുന്ന പൊലീസ് ഉദ്യോഗസ്ഥർക്ക് പോലീസ് സ്റ്റേഷനിൽ സദ്യ വിളമ്പിക്കൊണ്ടാണ് ഇവർ വിവാഹ ചടങ്ങുകൾ പൂർത്തിയാക്കിയത് തന്നെ. ഒപ്പം നവദമ്പതിമാർക്ക് ആശംസ നേർന്നുകൊണ്ട് പൊലീസ് ഉദ്യോഗസ്ഥർ ഒരുക്കിയ കേക്ക് മുറിച്ച് മധുരം കഴിച്ച ശേഷമാണ് അവർ മടങ്ങിയത്.

എന്നാൽ കൊവിഡ് 19ന്റെ പശ്ചാത്തലത്തിൽ വർക്കല ഹോട്ട്സ്പോട്ട് ആയി പ്രഖ്യാപിക്കപ്പെട്ട സാഹചര്യത്തില്‍ ലളിതമായ ചടങ്ങുകളോടെയാണ് വിവാഹം നടന്നത് എന്നതും വളരെ പ്രശംസയ്ക്ക് ഇടയാക്കുകയുണ്ടായി. മുഴുവനും കാവലാകുന്ന പോലീസുകാർക്ക് കരുതലിന്റെ കാര്യമായി തീരുകയാണ്.