റെയില്‍വേ ബോര്‍ഡ് കേരളത്തില്‍നിന്നു മൂന്നു സ്പെഷല്‍ ട്രെയിന്‍ സര്‍വീസുകള്‍ക്ക് കൂടി അംഗീകാരം നല്‍കി. ചൈന്നെ, ചൈന്നെ എഗ്മോര്‍, കാരയ്ക്കല്‍ എന്നിവിടങ്ങളിലേക്കാണ് പുതിയ പ്രതിദിന ട്രെയിനുകള്‍. മൂന്നു ട്രെയിനുകളിലും ടിക്കറ്റ് മുന്‍കൂട്ടി ബുക്ക് ചെയ്യണം.

തിരുവനന്തപുരം-ഡല്‍ഹി പാതയില്‍ പ്രതിദിന സ്പെഷ്യല്‍ ട്രെയിന്‍ സര്‍വീസ് തുടങ്ങിയിരുന്നു. കോവിഡ് പശ്ചാത്തലത്തില്‍ പ്രത്യേക ട്രെയിനുകള്‍ മാത്രമാണ് റെയില്‍വേ സര്‍വീസ് നടത്തുന്നത്. ചൈന്നെ എഗ്മോര്‍-കൊല്ലം സ്പെഷല്‍ ട്രെയിന്‍ (06723) ഒക്ടോബര്‍ മൂന്നിനും കൊല്ലം-ചൈന്നെ എഗ്മോര്‍ സ്പെഷല്‍ (06724) നാലിനും സര്‍വീസ് തുടങ്ങും.

ദിവസവും രാത്രി 8.10-ന് എഗ്മോറില്‍ നിന്ന് പുറപ്പെട്ട് പിറ്റേ ദിവസം ഉച്ചക്ക് 1.15-ന് കൊല്ലത്തെത്തും. വൈകിട്ട് മൂന്നിനാണ് കൊല്ലത്ത് നിന്നുള്ള സര്‍വീസ്. പിറ്റേന്നു രാവിലെ 8.10-ന് എഗ്മോറിലെത്തും. ചൈന്നെ സെന്‍ട്രല്‍-ആലപ്പുഴ സൂപ്പര്‍ഫാസ്റ്റ് സ്പെഷല്‍ (02639) നാളെ സര്‍വീസ് തുടങ്ങും. രാത്രി 8.55-ന് പുറപ്പെട്ട് പിറ്റേന്ന് രാവിലെ 10.45-ന് ആലപ്പുഴയിലെത്തും.

ആലപ്പുഴ-ചൈന്നെ സ്പെഷ്യല്‍ (02640) ഒക്ടോബര്‍ മൂന്നിന് സര്‍വീസ് തുടങ്ങും. വെകിട്ട് 4.05-ന് പുറപ്പെടും. ചേര്‍ത്തല, തുറവൂര്‍, എറണാകുളം ജങ്ഷന്‍, എറണാകുളം ടൗണ്‍, ആലുവ, അങ്കമാലി, ചാലക്കുടി, ഇരിങ്ങാലക്കുട, തൃശൂര്‍, പൂങ്കുന്നം, വടക്കാഞ്ചേരി, ഒറ്റപ്പാലം, പാലക്കാട് ജങ്ഷന്‍ എന്നിവയാണ് കേരളത്തിലെ സ്റ്റോപ്പുകള്‍. ആലപ്പുഴയില്‍ നിന്ന് തുടങ്ങുന്ന ട്രെയിനിന് ഇടപ്പള്ളിയിലും സ്റ്റോപ്പുണ്ടാവും.

ഒക്ടോബര്‍ മൂന്നു മുതല്‍ എറണാകുളം-കാരയ്ക്കല്‍ സ്പെഷ്യല്‍ (06188) രാത്രി 10.30-ന് പുറപ്പെട്ട് പിറ്റേന്ന് ഉച്ചക്ക് 12.10-ന് കാരയ്ക്കല്‍ എത്തും. കാരയ്ക്കല്‍-എറണാകുളം സ്പെഷ്യല്‍ (06187) ഒകേ്ടാബര്‍ നാലു മുതല്‍ വൈകിട്ട് 4.20-ന് പുറപ്പെട്ട് പിറ്റേന്ന് വൈകിട്ട് ഏഴിന് എറണാകുളത്തെത്തും. കേരളത്തിലെ സ്റ്റോപ്പുകള്‍: എറണാകുളം ടൗണ്‍, ഇടപ്പള്ളി, ആലുവ, അങ്കമാലി, ചാലക്കുടി, ഇരിങ്ങാലക്കുട, തൃശൂര്‍, പാലക്കാട് ജങ്ഷന്‍.