ആരും പാര്ട്ടിക്കതീതനല്ല... സ്പീക്കര് പി ശ്രീരാമകൃഷ്ണനെ സിപിഎം കൈവിട്ടതായി സൂചന; പാര്ട്ടി ജനറല് സെക്രട്ടറി സീതാറാം യച്ചൂരിയുടെ നിര്ദ്ദേശം സെക്രട്ടറി എ. വിജയരാഘവന് സ്പീക്കര് ശ്രീരാമകൃഷ്ണന് കൈമാറിയെന്ന് സൂചന
സ്പീക്കര് പി ശ്രീരാമകൃഷ്ണനെ സിപിഎം കൈവിട്ടതായി സൂചന. പാര്ട്ടി ആക്റ്റിംഗ് സെക്രട്ടറി എ. വിജയരാഘവനാണ് പാര്ട്ടി നിലപാട് സ്പീക്കര് ശ്രീരാമകൃഷ്ണന് കൈമാറിയതെന്നാണ് വിവരം. പാര്ട്ടി ജനറല് സെക്രട്ടറി സീതാറാം യച്ചൂരിയുടെ നിര്ദ്ദേശാനുസരണമാണ് നടപടിയെന്ന് മനസിലാക്കുന്നു. അതിന്റെ ഭാഗമായാണ് സ്പീക്കര് സ്വയം പത്രസമ്മേളനം നടത്തിയത്. തന്റെ നിലപാട് പറയാന് പാര്ട്ടി തന്നെയാണ് സ്പീകര്ക്ക് നിര്ദ്ദേശം നല്കിയതെന്നാണ് വിവരം. സ്പീക്കറെയെന്നല്ല ആരോപണത്തില് അകപ്പെടുന്ന ആരെയും പാര്ട്ടി സഹായിക്കില്ല.
ഗുരുതര ആരോപണങ്ങളുമായി പ്രതിപക്ഷ നേതാവ് രമേശ് ചെന്നിത്തല രംഗത്തെത്തിയതിന് പിന്നാലെയാണ് പത്ര സമ്മേളനം നടത്താന് സ്പീക്കര്ക്ക് പാര്ട്ടി അനുമതി നല്കിയത്. സാമ്പത്തിക പ്രതിസന്ധിയില്പ്പെട്ട് സംസ്ഥാനം നട്ടം തിരിയുമ്പോള് നിയമസഭയില് കോടികള് ധൂര്ത്തടിക്കുകയും അഴിമതി നടത്തുകയും ചെയ്തുവെന്നായിരുന്നു ചെന്നിത്തലയുടെ ആരോപണം. ലോക കേരള സഭയും, ഇ നിയമസഭയും, സഭാ ടി വിയുമെല്ലാം ധൂര്ത്തിന്റെയും അഴിമതിയുടേയും ഉദാഹരണമായി ചെന്നിത്തല ചൂണ്ടിക്കാണിച്ചു. വിവരാവകാശ രേഖകളുടെ അടിസ്ഥാനത്തിലാണ് ചെന്നിത്തലയുടെ ആരോപണങ്ങള്.
പ്രവാസികളുടെ ക്ഷേമത്തിനായി കൊണ്ട് വന്ന കേരള സഭയെ ധൂര്ത്തിന്റെയും അഴിമതിയുടെ പര്യായമാക്കിയെന്നാണ് പ്രധാന ആരോപണം. 2018 ല് ആദ്യ ലോക കേരളസഭ നടന്നപ്പോള് ശങ്കരനാരായണന് തമ്പി ഹാളിലെ ഇരിപ്പിടങ്ങള് നവീകരിക്കുന്നതിന് മാത്രമായി ചിലവാക്കിയത് 1.84 കോടി രൂപയാണ്. പണി നല്കിയ ഊരാളുങ്കല് സി പി എമ്മിന്റെ കമ്പനിയായതിനാല് ചെന്നിത്തലയുടെ അരോപണത്തിന് പ്രസക്തി വര്ധിക്കുന്നു.
2020 രണ്ടാം ലോക കേരള സഭ നടന്നപ്പോള് 1.84 കോടി രൂപ മുടക്കി നവീകരിച്ച ഈ ഇരിപ്പിടങ്ങള് പൊളിച്ചു മാറ്റി. മാത്രമല്ല ഹാള് മൊത്തമായി 16.65 കോടി രൂപ എസ്റ്റിമേറ്റിട്ട് നവീകരിച്ചു.
എസ്റ്റിമേറ്റിന്റെ അത്രയും തുക വേണ്ടി വന്നിട്ടില്ലെന്നും പകുതിയേ ചിലവായിട്ടിള്ളൂവെന്നുമാണ് അന്ന് സ്പീക്കര് വിശദീകരിച്ചത്. എന്നാല് ഇതിന്റെ ബില്ലില് ഇതിനകം 12 കോടി രൂപ ഊരാളുങ്കലിന് നല്കി കഴിഞ്ഞുവെന്നാണ് പ്രതിപക്ഷ നേതാവ് ആരോപിക്കുന്നത്. മൊത്തം ബില് 18.49 ആണ്.
നിയമസഭ കടലാസ് രഹിതമാക്കുന്നതിനുള്ള ഇ-നിയമസഭ എന്ന പദ്ധതിയിയുടെ പേരിലും വന് ധൂര്ത്താണ് നടന്നതെന്നാണ് ആരോപണം. 52.31 കോടി രൂപയുടെ പദ്ധതിയും ടെണ്ടര് ഇല്ലാതെ ഊരാളുങ്കല് സൊസൈറ്റിക്ക് നല്കി. ഈ പദ്ധതിയില് ഊരാളുങ്കലിന് 13.59 കോടിരൂപ മൊബിലൈസേഷന് അഡ്വാന്സ് ആയി നല്കി. 13619 ന് ഇത് സംബന്ധിച്ച് ഉത്തരവിറങ്ങി. പാലാരിവട്ടം പാലത്തിന് അന്നത്തെ മന്ത്രി ഇബ്രാഹിം കുഞ്ഞ് നല്കിയതും മൊബിലൈസേഷന് അഡ്വാന്സാണ്. അതിനാണ് അദ്ദേഹം ജയിലില് കിടക്കുന്നത്.
ഫെസ്റ്റിവല് ഓണ് ഡെമോക്രസിക്ക് ഭക്ഷണചിലവ് മാത്രം 68 ലക്ഷം രൂപ എന്നാണ് വിവരാവകാശം വഴി ലഭിച്ച കണക്ക്.
ചെന്നിത്തലയുടെ പത്രസമ്മേളനം നടന്നത് ശ്രീരാമകൃഷ്ണന് പിടിവള്ളിയായി. തനിക്കെതിരെ ഉയര്ന്ന വ്യക്തിപരമായ അഴിമതിയില് നിന്നും തത്കാലത്തേക്കുള്ള രക്ഷപ്പെടലായിരുന്നു ഇത്.
അതേസമയം സ്പീക്കര് ശ്രീരാമകൃഷ്ണനെതിരെ വീണ്ടും ആഞ്ഞടിച്ച് ബിജെപി സംസ്ഥാന അധ്യക്ഷന് രംഗത്തെത്തി . സ്പീക്കറുടേത് പദവി മറന്നുള്ള ഇടപെടലുകളാണെന്ന് കെ സുരേന്ദ്രന് ആരോപിച്ചു. സ്പീക്കര് സ്വര്ണക്കടത്തുകാരെ സംരക്ഷിച്ചു.
സ്വര്ണക്കടത്ത് കേസ് പ്രതികളുമായി ഒരു തരത്തിലും ബന്ധമില്ലെന്ന് സ്പീക്കര് വിശദീകരിച്ചെങ്കിലും അദ്ദേഹത്തിന്റെ വാദങ്ങള് ദുര്ബലമായിരുന്നു. സ്വപ്ന സുരേഷിനെ അറിയാം. അവരുമായി സൗഹൃദം ഉണ്ട്. പക്ഷെ ഞെട്ടിക്കുന്ന പശ്ചാത്തലം അറിഞ്ഞ ശേഷം അവരുമായി ഒരു ബന്ധവും സ്ഥാപിച്ചിട്ടില്ലെന്നും സ്പീക്കര് വിശദീകരിച്ചു. അവരുടെ പശ്ചാത്തലം അറിയേണ്ടതായിരുന്നു. അതില് ചെറിയ പിശക് പറ്റിയെന്നും പി ശ്രീരാമകൃഷ്ണന് പറഞ്ഞു.
ശ്രീരാമകൃഷ്ണനെതിരെയുള്ള ആരോപണങ്ങള് സിപിഎമ്മിനെ വലിയ പ്രതിസന്ധിയിലാണെത്തിച്ചത്. ക്ലീന് ഇമേജുള്ള നേതാവായിരുന്നു അദ്ദേഹം. സ്വര്ണ കേസില് സ്പീക്കര് ഉണ്ടെന്ന് പറഞ്ഞപ്പോള് ആദ്യമാരും വിശ്വസിച്ചില്ല. അന്വേഷണ ഏജന്സികളില് പൊതുജനങ്ങള്ക്ക് സംശയമുണ്ടാകുന്ന സാഹചര്യം വരെയുണ്ടായി. എന്നാല് കെ. സുരേന്ദ്രന് പുറകേ ചെന്നിതല കൂടി ഇറങ്ങിയതോടെ ഗ്രീരാമകൃഷ്ണനെ രക്ഷിക്കാന് ഇനി പാര്ട്ടി ശ്രമിക്കില്ല. അതു കൊണ്ടാണ് സ്പീക്കറുടെ ഓഫീസിന്റെ വിശദീകരണം പോരെന്ന് പാര്ട്ടി സ്പീക്കറെ അറിയിച്ചത്.
"
https://www.facebook.com/Malayalivartha