കോവിഡ് വ്യാപനതോത് വര്‍ദ്ധിക്കുന്നു.... സംസ്ഥാനത്ത് സിബിഎസ്ഇ സ്‌കൂളുകളില്‍ ബോര്‍ഡ്, പൊതു പരീക്ഷകള്‍ ഒഴികെയുള്ളവ ഓഫ്‌ലൈനില്‍ നടത്താന്‍ പാടില്ലെന്ന് സംസ്ഥാന ബാലാവകാശ സംരക്ഷണ കമ്മീഷന്‍
18 MARCH 2021 07:00 AM IST
മലയാളി വാര്‍ത്ത
കോവിഡ് വ്യാപനതോത് വര്‍ദ്ധിക്കുന്നു.... സംസ്ഥാനത്ത് സിബിഎസ്ഇ സ്‌കൂളുകളില്‍ ബോര്‍ഡ്, പൊതു പരീക്ഷകള്‍ ഒഴികെയുള്ളവ ഓഫ്‌ലൈനില്‍ നടത്താന്‍ പാടില്ലെന്ന് സംസ്ഥാന ബാലാവകാശ സംരക്ഷണ കമ്മീഷന്‍ ഉത്തരവായി.
കോവിഡ് പടരുന്ന സാഹചര്യത്തിലാണ് പരീക്ഷകള്‍ നടത്തുന്നതിന് നിയന്ത്രണം ഏര്‍പ്പെടുത്തുന്നത്. ഇക്കാര്യം വ്യക്തമാക്കി സിബിഎസ്ഇ പ്രാദേശിക ഓഫീസര്‍ സര്‍ക്കുലര്‍ പുറപ്പെടുവിക്കണമെന്ന് കമ്മീഷന്‍ ചെയര്‍മാന്‍ കെ.വി. മനോജ്കുമാര്‍, അംഗങ്ങളായ കെ. നസീര്‍, ബി. ബബിത എന്നിവര്‍ ഉള്‍പ്പെട്ട ഫുള്‍ ബെഞ്ച് വ്യക്തമാക്കി.
സിബിഎസ്ഇ നിര്‍ദേശങ്ങള്‍ക്ക് വിരുദ്ധമായി എറണാകുളം ജില്ലയിലെ നിരവധി സ്‌കൂളുകള്‍ കുട്ടികളെ സ്‌കൂളില്‍ വിളിച്ചുവരുത്തി ഒമ്പത്, പതിനൊന്ന് ക്ലാസുകളിലെ പരീക്ഷകള്‍ നടത്തിയതായുള്ള രക്ഷിതാക്കളുടെ പരാതിയുടെ അടിസ്ഥാനത്തിലാണ് കമ്മീഷന്‍ പ്രശ്‌നത്തില്‍ ഇടപെട്ടത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
