ക്ഷേത്രഭൂമിയില്‍ ലീഗ് കൊടികെട്ടി സിനിമാ ഷൂട്ടിംഗ് നടത്തിയതിനെതിരെ ഹൈന്ദവ സംഘടനകളുടെ പ്രതിഷേധം ശക്തമാകുകയാണ്. സംഭവത്തില്‍ വലിയ രീതിയിലുള്ള പ്രതിഷേധമാണ് ഹിന്ദു ഐക്യവേദി ഉള്‍പ്പെടെയുള്ള സംഘടനകള്‍ നടത്തുന്നത് തന്നെ. ഇതിനുപിന്നാലെ ഹിന്ദു ഐക്യവേദി സംസ്ഥാന അധ്യക്ഷ കെ പി ശശികല പ്രതികരണവുമായി രംഗത്ത് എത്തിയിരിക്കുന്നത്. ഫേസ്ബുക്കിലൂടെയാണ് ഇത്തരത്തിൽ പ്രതികരണം നടത്തിയിരിക്കുന്നത്.

ഫേസ്ബുക്ക് കുറിപ്പ് ഇങ്ങനെ;

എല്ലാ ദേവ വിഗ്രഹങ്ങള്‍ക്കും വായുള്ളപ്പോള്‍ വായില്ലാത്ത ഒറ്റ പ്രതിഷ്ഠയേ ഉള്ളു . അത് വായില്യാക്കുന്നിലപ്പനാണ്. പറയി പെറ്റ പന്തിരുകുലത്തിലെ അവസാന സന്തതി . പാലക്കാട് കടമ്പഴിപ്പുറം വായില്യാംകുന്ന് ക്ഷേത്രത്തിലാണ് ആ പ്രതിഷ്ഠയുള്ളത്. ആ ക്ഷേത്രത്തില്‍ ഇന്ന് ഒരു കൂട്ടം സിനിമാക്കാര്‍ കാട്ടിക്കൂട്ടിയ തെമ്മാടിത്തം മാപ്പര്‍ഹിക്കാത്തതാണ്.

ആ ക്ഷേത്രപരിസരത്ത് ഷൂട്ടിംഗിന്റെ പേരില്‍ ഇവര്‍ അഴിഞ്ഞാടുകയായിരുന്നു. കമ്മ്യൂണിസ്റ്റ് കൊടിയും ചന്ദ്രക്കലയുള്ള പച്ചക്കൊടിയും നിറച്ച്‌ തൊപ്പിയിട്ട വെള്ളവേഷധാരികള്‍ ക്ഷേത്രപരിസരത്ത് അഭിനയിച്ചു തിമിര്‍ക്കലായിരുന്നു ഉദ്ദേശം. നിങ്ങളുടെ പ്രമേയം ഞങ്ങള്‍ക്ക് പ്രശ്നമില്ല.പക്ഷേ ഈ തെമ്മാടിത്തം ഷൂട്ടു ചെയ്യാന്‍ നിങ്ങള്‍ക്ക് ഒരു ക്ഷേത്രത്തിന്റെ സെറ്റിട്ടാല്‍ പോരായിരുന്നോ.

അതിന് .വായില്യാക്കുന്നിലപ്പന്റെ തിരുനടയില്‍ തന്നെ അഴിഞ്ഞാടണമായിരുന്നോ? ഹിന്ദുക്കളോട് എന്തും ആകാം എന്നാണെങ്കില്‍, സോറി ഞങ്ങള്‍ ഭൂമിയോളം ക്ഷമിക്കും.പക്ഷേ പാതാളത്തോളം താഴാന്‍ സാധ്യമല്ല..

ദേവസ്വം ബോര്‍ഡ് ക്ഷേത്രത്തില്‍ ഇത് ആത് അനുവദിച്ചു ?ഇന്ന് വൈകുന്നേരം അവിടെ പ്രതിഷേധ പ്രകടനം നടത്തുന്നുണ്ട്. ഒരു പ്രകടനത്തില്‍ തീരുന്നതല്ല വേദന എന്ന് ഉറപ്പാണ്.ഈ വിഷയത്തില്‍ ശക്തമായ പ്രതിഷേധം ഉയരും ഏത് പ്രതിഷേധത്തിനും വായില്യാംകുന്ന് ഭക്തരോടൊപ്പം ഹിന്ദുഐക്യവേദി ഉണ്ടായിരിക്കും.

ഒരു ഏച്ചുകെട്ടു കൂടി
ആ ഷൂട്ടിംഗ് തടഞ്ഞ ചുണക്കുട്ടികള്‍ക്ക്
ഒരു സൂപ്പര്‍ കൈയ്യടി'