കട്ടപ്പനയിൽ വീ​ട്ട​മ്മ​യെ വീടിനുള്ളിൽ കൊ​ല്ല​പ്പെ​ട്ട നി​ല​യി​ല്‍ ക​ണ്ടെ​ത്തി​യ സം​ഭ​വ​ത്തി​ല്‍ പ്ര​തി​യെ ക​ണ്ടെ​ത്താ​നാ​കാ​തെ പൊ​ലീ​സ്. ക​ട്ട​പ്പ​ന കൊ​ച്ചു​തോ​വാ​ള കൊ​ച്ചു​പു​ര​യ്ക്ക​ല്‍ ജോ​ര്‍ജിന്റെ ഭാ​ര്യ ചി​ന്ന​മ്മ​യെ​യാ​ണ്​ (60) വീ​ടി​നു​ള്ളി​ല്‍ മ​രി​ച്ച​നി​ല​യി​ല്‍ ക​ണ്ടെ​ത്തി​യ​ത്. ക​ഴി​ഞ്ഞ വ്യാ​ഴാ​ഴ്ച പു​ല​ര്‍ച്ച നാ​ല​ര​യോ​ടെ​യാ​ണ് സം​ഭ​വം നടന്നിരുന്നത്.

പ്ര​തി​യെ​ക്കു​റി​ച്ചു ചി​ല സൂ​ച​ന​ക​ള്‍ പൊ​ലീ​സി​ന് ല​ഭി​ച്ചെ​ന്ന് പ​റ​യു​ന്നു​ണ്ടെ​ങ്കി​ലും തെ​ളി​വു​ക​ള്‍ ക​ണ്ടെ​ത്താ​നാ​കാ​ത്ത​താ​ണ് പൊ​ലീ​സി​ന് പ്രതിസന്ധി ആകുന്നത്. നി​രീ​ക്ഷ​ണ​ത്തി​ലാ​ണെ​ന്ന് പൊ​ലീ​സ് പ​റ​യു​ന്ന​യാ​ള്‍ പ്ര​തി​ത​ന്നെ​യാ​ണെ​ന്ന് ഉ​റ​പ്പി​ക്കാ​നാ​കാ​ത്ത​താ​ണ് പ്ര​ശ്​​നം.

മൊ​ഴി​ക​ളി​ലെ വൈ​രു​ധ്യ​വും പൊ​ലീ​സ് പ​രി​ശോ​ധി​ക്കുയാ​ണ്. ചി​ന്ന​മ്മ​യു​ടെ ഭ​ര്‍ത്താ​വ് ജോ​ര്‍ജ്, ഇ​വ​രു​ടെ വീ​ട്ടി​ല്‍ ത​ടി​പ്പ​ണി​ക്കാ​യും മ​റ്റും എ​ത്തി​യ തൊ​ഴി​ലാ​ളി​ക​ള്‍ എ​ന്നി​വ​രി​ല്‍നി​ന്ന്​ ഞാ​യ​റാ​ഴ്​​ച മൊഴിയെടുക്കുകയുണ്ടായി.

വീ​ടു​മാ​യി ബ​ന്ധ​പ്പെ​ട്ട് നി​ല്‍ക്കു​ന്ന ഒ​മ്പതോ​ളം പേ​രി​ല്‍നി​ന്നാ​ണ് മൊ​ഴി രേ​ഖ​പ്പെ​ടു​ത്തി​യ​ത്. എ​ന്നാ​ല്‍, ഈ ​മൊ​ഴി​ക​ളി​ല്‍ അ​സ്വാ​ഭാ​വി​ക​മാ​യി ഒ​ന്നും ക​ണ്ടെ​ത്താ​നാ​യി​ട്ടി​ല്ലെ​ന്നാ​ണ് ലഭിച്ചിരിക്കുന്ന റിപ്പോർട്ടുകൾ.

കൂ​ടു​ത​ല്‍പേ​രെ ചോ​ദ്യം​ചെ​യ്യാ​നു​ള്ള ത​യാ​റെ​ടു​പ്പി​ലാ​ണ് പൊ​ലീ​സ്. ചി​ന്ന​മ്മ​യു​ടെ ശ​രീ​ര​ത്തി​ല്‍നി​ന്ന്​ കാ​ണാ​താ​യ നാ​ലു​പ​വ​ന്‍ സ്വ​ര്‍ണാ​ഭ​ര​ണ​ങ്ങ​ള്‍ മോ​ഷ​ണം പോ​യ​താ​കാ​നു​ള്ള സാ​ധ്യ​ത ത​ന്നെ​യാ​ണ് ചൂ​ണ്ടി​ക്കാ​ണി​ക്കു​ന്ന​ത്.

ഇത്തരത്തിൽ ആണെങ്കിൽ കൊ​ല​പാ​ത​കം ന​ട​ന്ന​ത് മോ​ഷ​ണ​ശ്ര​മ​ത്തി​നി​ടെ ത​ന്നെ ആ​കാ​മെ​ന്നും ക​രു​തു​ന്നു. എ​ന്നാ​ല്‍, ചി​ന്ന​മ്മ​യു​ടെ ശ​രീ​ര​ത്തി​ല്‍ മു​റി​പാ​ടു​ക​ള്‍ ഇ​ല്ലാ​തി​രു​ന്ന​തും വീ​ട്ടി​ല്‍ പി​ടി​വ​ലി ന​ട​ന്ന​തിന്റെ ല​ക്ഷ​ണം ഇ​ല്ലാ​തി​രു​ന്ന​തു​മാ​ണ് സം​ഭ​വ​ത്തെ കൂ​ടു​ത​ല്‍ ദുരൂഹതയിലേക്ക് നയിക്കുന്നത്.

കൊ​ല​പാ​ത​കം ന​ട​ന്ന വീ​ടി​ന്​ സ​മീ​പ​ത്തെ സി.​സി ടി.​വി ദൃ​ശ്യ​ങ്ങ​ള്‍ പൊ​ലീ​സ് സു​ഷ്മ​മാ​യി പ​രി​ശോ​ധി​ച്ചു​വ​രു​ക​യാ​ണ്.

ക​ട്ട​പ്പ​ന ഡി.​വൈ.​എ​സ്.​പി ജെ. ​സ​ന്തോ​ഷ്‌ കു​മാ​ര്‍, സ്​​റ്റേ​ഷ​ന്‍ ഓ​ഫി​സ​ര്‍ ബി. ​ജ​യ​ന്‍ എ​ന്നി​വ​രു​ടെ നേ​തൃ​ത്വ​ത്തി​ലെ സം​ഘ​മാ​ണ് അ​ന്വേ​ഷ​ണത്തിന് നേതൃത്വം നൽകുന്നത്.