ലോകായുക്ത വിധി പരിശോധിച്ച ശേഷം പ്രതികരിക്കാം: കെ ടി ജലീൽ വിഷയത്തിൽ ഗവർണറുടെ മറുപടി...

ലോകായുക്ത വിധി പരിശോധിച്ച ശേഷം പ്രതികരിക്കാം: കെ ടി ജലീൽ വിഷയത്തിൽ ഗവർണറുടെ മറുപടി

12 APRIL 2021 05:30 PM IST

മലയാളി വാര്‍ത്ത

പിഎസ് സി റദ്ദാക്കിയ പരീക്ഷയുടെ പുതിയ തീയതി പ്രഖ്യാപിച്ചു

യൂബര്‍ ആപ്പ് പൂര്‍ണമായി ബഹിഷ്‌കരിക്കാന്‍ ഓണ്‍ലൈന്‍ ടാക്‌സി ഡ്രൈവേഴ്‌സ്

നീറ്റ് പരീക്ഷാ ക്രമക്കേടുമായി ബന്ധപ്പെട്ട് രാജ്യത്ത് ആദ്യമായി പ്രമേയം പാസാക്കിയത് യുഡിഎഫ് സർക്കാർ അധികാരത്തിൽ വന്നശേഷം കേരള നിയമസഭ; കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജിവെക്കണം എന്നത് ന്യായമായ ആവശ്യമാണെന്ന് മന്ത്രി റോജി.എം.ജോൺ

വ്യാജ വാർത്തകൾക്കെതിരെ പരാതി; പികെ ശ്രീമതിയുടെ പരാതിയിൽ ഇടപെട്ട് മുഖ്യമന്ത്രി വിഡി സതീശൻ

മന്ത്രി കെ.ടി.ജലീലിനെതിരെ ഗവർണർ ആരിഫ് മുഹമ്മദ് ഖാൻ രംഗത്ത്. കെ ടി ജലീൽ ഉയർത്തിയ അവകാശവാദങ്ങളെ തള്ളിയാണ് ഗവർണർ പ്രതികരണം നടത്തിയിരിക്കുന്നത് .ലോകായുക്ത വിധി പരിശോധിച്ച ശേഷം പ്രതികരിക്കാമെന്ന് ഗവർണർ പറഞ്ഞു . രേഖകൾ ഞാൻ കണ്ടിട്ടില്ല. ആദ്യം അതുപരിശോധിക്കട്ടെ, അതിനുശേഷം മാത്രമേ എനിക്ക് ഇക്കാര്യത്തിൽ പ്രതികരിക്കാനാവൂ.' എന്നായിരുന്നു ഗവർണറുടെ പ്രതികരണം. കൂടുതൽ വിശദാംശങ്ങളിലേക്ക് കടക്കാൻ ഗവർണർ തയ്യാറായില്ല. ലോകായുക്ത ഉത്തരവ് അടിയന്തരമായി സ്റ്റേ ചെയ്യണമെന്നാവശ്യപ്പെട്ട് കെ.ടി.ജലീൽ ഹൈക്കോടതിയെ സമീപിച്ചിരിക്കുകയാണ്. വിധിക്കെതിരേ റിട്ട് ഹർജിയും നൽകിയിരുന്നു, വിധി നിയമപരമല്ലെന്നാണ് ജലീലിന്റെ നിലപാട്. അതേ സമയം കെ.ടി ജലീലിനെ പ്രതിരോധിക്കാതെ കാനം രാജേന്ദ്രൻ പ്രതികരണം നടത്തിയിരുന്നു. ലോകായുക്ത വിധിയിൽ മുഖ്യമന്ത്രി ഉചിതമായ നടപടിയെടുക്കും. വിധിയെക്കുറിച്ച് മാധ്യമങ്ങളിൽ വന്ന വിവരങ്ങൾ മാത്രമാണുള്ളത്. ഉത്തരവിന്റെ പകർപ്പ് മുഖ്യമന്ത്രിക്ക് ലഭിക്കുമല്ലോയെന്നും അപ്പോൾ അദ്ദേഹം ഉചിതമായ നടപടിയെടുക്കുമെന്നും കാനം പറഞ്ഞിരുന്നു. ബന്ധുനിയമന വിവാദവുമായി ബന്ധപ്പെട്ട് ലോകായുക്ത വിധി സംബന്ധിച്ച് പ്രതികരണവുമായി മന്ത്രി കെ.ടി. ജലീൽ. ഹൈക്കോടതിയും ഗവർണ്ണറും തള്ളിയ കേസിലാണ് ലോകായുക്ത ഇപ്പോൾ വിധി പുറപ്പെടുവിച്ചിരിക്കുന്നതെന്ന് ജലീൽ ഫേയ്സ്ബുക്ക് കുറിപ്പിൽ ചൂണ്ടിക്കാട്ടി. പൂർണ്ണമായ വിധിപ്പകർപ്പ് കിട്ടിയ ശേഷം നിയമ വിദഗ്ധരുമായി ആലോചിച്ച് തുടർ നടപടികൾ സ്വീകരിക്കുമെന്നും അദ്ദേഹം പറഞ്ഞു.