തിങ്കളാഴ്ച്ച മുതല്‍ അത്യാവശ്യ കാര്യങ്ങള്‍ക്കല്ലാതെയുള്ള രാത്രികാല സഞ്ചാരം പൂര്‍ണമായും നിരോധിച്ചതായി സര്‍ക്കാര്‍ വൃത്തങ്ങള്‍ അറിയിച്ചു. ആരും വീടുകളില്‍ നിന്ന് പുറത്തിറങ്ങരുത്. നടന്നോ, വാഹനത്തിലോ യാത്ര ചെയ്യരുതെന്നും ദുരന്ത നിവാരണ അതോറിറ്റി പുറപ്പെടുവിച്ച ഉത്തരവില്‍ പറയുന്നു.

അവശ്യ ചരക്കുനീക്കമല്ലാതെ അന്തര്‍ സംസ്ഥാന സര്‍വീസുകളും ഈ സമയങ്ങളില്‍ അനുവദിക്കില്ലെന്നും ഉത്തരവില്‍ പറയുന്നു.

അതേസമയം, കൊവിഡ് വ്യാപനം അനിയന്ത്രിതമായി തുടര്‍ന്നാല്‍ ലോക്ക് ഡൗണ്‍ പ്രഖ്യാപിക്കുമെന്ന് ചണ്ഡിഗഢ് ജില്ലാ ഭരണകൂടം അറിയിച്ചു.

29,981 കൊവിഡ് ആക്ടീവ് കേസുകളാണ് ഹരിയാനയിലുള്ളത്. 2,92,632 കേസുകളാണ് ഇതുവരെ റിപ്പോര്‍ട്ട ചെയ്തത്. 3268 പേര്‍ ഇതുവരെ കൊവിഡ് ബാധിച്ച് മരിച്ചു.