പന്നിഫാമിലേക്കെന്ന വ്യാജേനെ കോഴി മാലിന്യത്തില് ഒളിപ്പിച്ചു കടത്തിയ മദ്യം പിടികൂടി; വയനാട് സ്വദേശി അറസ്റ്റിൽ
പന്നിഫാമിലേക്കെന്ന വ്യാജേനെ കോഴി മാലിന്യത്തില് ഒളിപ്പിച്ചു കടത്തിയ മാഹി മദ്യം പിടികൂടി. പാനുര് മൊകേരി പഞ്ചായത്തിലെ ഒരു കോഴി ഇറച്ചി കടയില് നിന്ന് ശേഖരിച്ച കോഴി ഇറച്ചി കയറ്റിയ ഗുഡ്സ് മിനിലോറിയില് നിന്നാണ് മദ്യം പിടികൂടിയത്. വാഹന ഡ്രൈവര് വയനാട് സ്വദേശി മേനോത്ത് ജിബിനെ (24) പാനൂര് എസ്ഐ മനോഹരന്റെ നേതൃത്വത്തിലുള്ള പൊലിസ് സംഘം അറസ്റ്റു ചെയ്തു.
മാലിന്യം നിറച്ച പ്ളാസ്റ്റിക്ക് വീപ്പകളില് ഒളിപ്പിച്ചു വെച്ച നിലയിലായിരുന്നു ഒരു ലിറ്ററിന്റെ 12 കുപ്പി മാഹി മദ്യം കോഴി മാലിന്യം പന്നിഫാമിലേക്ക് കൊണ്ടു പോകുന്നുവെന്ന വ്യാജേനെ വന്തോതില് മാഹി മദ്യം കടത്തുന്നതായി നേരത്തെ പരാതിയുണ്ടായിരുന്നു. കോഴി മാലിന്യം നിറച്ച വാഹനങ്ങള് പൊതുവെ പൊലിസ് പരിശോധിക്കാറില്ല പിന്നീട് ലക്ഷ്യസ്ഥാനത്ത് എത്തിയ ശേഷം കോഴി മാലിന്യം ഇവര് ഉപേക്ഷിക്കാറ് പതിവെന്ന് പൊലീസ്് പറഞ്ഞു.
https://www.facebook.com/Malayalivartha