സഞ്ജിത്തിന്റെ കൊലപാതകത്തില്‍ ദിവസങ്ങൾ പിന്നിട്ടിട്ടും ഇത് വരെയും പ്രതികളെ പിടിക്കൂടാൻ കഴിഞ്ഞിട്ടില്ല. ഇപ്പോൾ ഇതാ സഞ്ജിത്തിന്റെ കൊലപാതകത്തില്‍ പൊട്ടിത്തെറിച്ച് സുരേഷ് ഗോപി എം പി രംഗത്ത്. സഞ്ജിത്തിന്റെ എലപ്പുള്ളിയിലുള്ള വീട് അദ്ദേഹം സന്ദര്‍ശിച്ചിരുന്നു .

കൊലപാതകികൾക്ക് രക്ഷപ്പെടാന്‍ അവസരമൊരുക്കിയത് ആരാണെന്ന ചോദ്യത്തിന് സംസ്ഥാന സര്‍ക്കാരും പോലീസും ഉത്തരം പറയണമെന്ന് അദ്ദേഹം പറഞ്ഞു. പ്രതികളെ വേഗം പിടികൂടി സാമൂഹികനീതി ഉറപ്പാക്കണമെന്ന് സുരേഷ് ഗോപി പറഞ്ഞു . കൊലപാതകത്തിനുശേഷം പ്രതികള്‍ രക്ഷപ്പെട്ട പാതകളില്‍ നിരീക്ഷണമില്ലെന്നു അദ്ദേഹം ചൂണ്ടിക്കാണിച്ചു. കൊലപാതക വിവരമറിഞ്ഞ പോലീസും അനങ്ങിയില്ല.

പോലീസിന് വിവരം ലഭിക്കുമ്പോള്‍ ആരൊക്കെ ഡ്യൂട്ടിയിലുണ്ടായിരുന്നോ അവരെല്ലാം ഇതിന് ഉത്തരം പറയണമെന്നും അദ്ദേഹം പറഞ്ഞു . പോലീസിന്റെ അന്വേഷണം സംബന്ധിച്ച് സംസ്ഥാന സര്‍ക്കാര്‍ അന്വേഷിക്കുകയും പോലീസിനോട് ഉത്തരം പറയിക്കുകയും വേണം. അല്ലെങ്കില്‍ നമുക്ക് വേറെ വഴിനോക്കാമെന്നും അദ്ദേഹം വ്യക്തമാക്കി.

ജനങ്ങള്‍ക്ക് സമാധാനത്തോടെ ജീവിക്കുകയാണ് വേണ്ടത്.പോലീസ് ഉദ്യോഗസ്ഥരെങ്കിലും മനുഷ്യരാകാന്‍ ശ്രമിക്കണം. എല്ലാവരെയും മനുഷ്യനെന്ന നിലയ്ക്ക് കണ്ടാല്‍ മതി. അതില്‍ രാഷ്ട്രീയമോ ജാതിയോ വര്‍ഗമോ വിഭാഗമോ ഒന്നും വേര്‍തിരിക്കേണ്ടെന്നും അദ്ദേഹം പറഞ്ഞു. ഞായറാഴ്ച വൈകീട്ടായിരുന്നു സുരേഷ് ഗോപി എലപ്പുള്ളിയിലെ സഞ്ജിത്തിന്റെ വീട്ടിലെത്തിയത്. സഞ്ജിത്തിന്റെ ഭാര്യയോടും വീട്ടുകാരോടും കാര്യങ്ങളന്വേഷിച്ച സുരേഷ് ഗോപി അവരെ ആശ്വസിപ്പിക്കുകയും ചെയ്തു .