ഇനിയും അങ്കത്തിന് ബാല്യം... കോവിഡ് ബാധിച്ച് വിഎസ് അച്യുതാനന്ദന് ചികിത്സയിലായിരുന്ന സമയത്താണ് ഉമ്മന്ചാണ്ടിക്ക് 10 ലക്ഷം നഷ്ടപരിഹാരം നല്കണമെന്ന വിധി വന്നത്; ആ തുക ചെലവഴിക്കേണ്ട വിധം വിവരിച്ച് ഉമ്മന് ചാണ്ടി; അപ്പീലിനൊരുങ്ങി വിഎസ്
കോവിഡ് ബാധിച്ച് വിഎസ് അച്യുതാനന്ദന് പൂര്ണ വിശ്രമത്തിലാണ്. ആയ കാലത്ത് നടത്തിയ പോരാട്ട വീര്യങ്ങള് നമ്മള് കണ്ടതാണ്. എന്നാല് വയസാം കാലത്ത് പലതും ശ്രദ്ധിക്കാന് കഴിയുന്നില്ല. അപ്പോഴാണ് സോളാര് കേസുമായി ബന്ധപ്പെട്ട അപകീര്ത്തികരമായ പരാമര്ശത്തില് ഉമ്മന്ചാണ്ടിക്ക് 10 ലക്ഷം രൂപ നഷ്ടപരിഹാരം നല്കണമെന്ന വിധി വന്നത്. കിടക്കയിലാണെങ്കിലും ഉമ്മന് ചാണ്ടിക്ക് മുമ്പില് തോല്ക്കാന് വിഎസ് തയ്യാറല്ല.
വിധിക്കെതിരെ അപ്പീല് നല്കുമെന്ന് വി.എസ് അച്യുതാനന്ദന്റെ ഓഫീസ് വ്യക്തമാക്കി. കോടതി വിധി യുക്തി സഹമല്ലെന്നും ജുഡീഷ്യല് കമ്മീഷന് റിപ്പോര്ട്ട് പരിഗണിക്കാതെയാണ് കോടതി ഉത്തരവെന്നും വി എസ് ഫേസ്ബുക്ക് പോസ്റ്റില് അറിയിച്ചു. ഉമ്മന്ചാണ്ടി നല്കിയ മാനനഷ്ടകേസില് 10 ലക്ഷം നഷ്ടപരിഹാരം നല്കാന് തിരുവനന്തപുരം പ്രിന്സിപ്പല് സബ്കോടതിയാണ് കഴിഞ്ഞ ദിവസം ഉത്തരവിട്ടത്.
സോളാര് അഴിമതിയില് ശ്രീ. ഉമ്മന് ചാണ്ടിയുടെ പങ്കിനെപറ്റി 'റിപ്പോര്ട്ടര് ചാനല്' അഭിമുഖത്തില് പറഞ്ഞ കാര്യങ്ങള് ശ്രീ. ഉമ്മന് ചാണ്ടിക്ക് അപകീര്ത്തികരമാണ് എന്നു പറഞ്ഞാണ് നഷ്ടപരിഹാരത്തിന് കേസ് ഫയല് ചെയ്തത്. എന്നാല് പ്രതിപക്ഷ നേതാവായിരുന്ന ശ്രീ.വി .എസ്സ് പറഞ്ഞ കാര്യങ്ങള് അടങ്ങിയ മുഖാമുഖം രേഖകള് ഒന്നും തന്നേ ശ്രീ.ഉമ്മന്ചാണ്ടി കോടതിയില് ഹാജരാക്കുകയൊ തെളിയിക്കുകയോ ചെയ്തിട്ടില്ല. എന്നാല് ശ്രീ. ഉമ്മന്ചാണ്ടിയുടെ പങ്കുതെളിയിക്കുന്ന, അദ്ദേഹം തന്നെ നിയമിച്ചിരുന്ന ജസ്റ്റിസ് ശിവരാജന് കമ്മീഷന്റെ റിപ്പോര്ട്ടും തുടര്ന്ന് ഗവണ്മെന്റ് റിപ്പോര്ട്ട് അംഗീകരിച്ചുകൊണ്ട് ശ്രീ. ഉമ്മന് ചാണ്ടിയ്ക്കെതിരെ എടുത്ത നടപടി റിപ്പോര്ട്ടും ഗവണ്മെന്റ് ഉദ്യോഗസ്ഥന്മാര് സാക്ഷിയായി വന്നു തെളിയിച്ചിട്ടുണ്ട്.
ഈ വസ്തുതകള് ഒന്നും പരിഗണിക്കാതെയുള്ള 22/01/2022 ലെ ബഹുമാനപ്പെട്ട സബ്കോടതി വിധിക്കു എതിരെ അപ്പീല് നടപടി സ്വീകരിക്കും. കോടതി വ്യവഹാരങ്ങളില് നീതി എപ്പോഴും കീഴ്കോടതിയില് നിന്നും കിട്ടികൊള്ളണമില്ലെന്ന മുന്കാല നിയമപോരാട്ടങ്ങളില് പലതിലും കണ്ടതാണ്. സോളാര് കേസില് ശ്രീ. ഉമ്മന് ചാണ്ടിക്ക് എതിരെ നടത്തിയ പരാമര്ശങ്ങള് ശ്രീ.ഉമ്മന് ചാണ്ടിക്ക് അപകീര്ത്തിപരമായി തോന്നി എന്നത്, അദ്ദേഹത്തിന്റെ വ്യക്തിപരമായ തോന്നല് ആണ്.
പരാമര്ശങ്ങള്ക്ക്അടിസ്ഥാനമായ സോളാര് കമ്മീഷന് റിപ്പോര്ട്ട് ചോദ്യം ചെയ്ത് ശ്രീ.ഉമ്മന് ചാണ്ടിതന്നെ ഹൈക്കോടതിയില് പോയിരുന്നു എങ്കിലും അത് തള്ളി പോവുകയായിരുന്നു. സോളാര് കമ്മീഷന് കണ്ടെത്തിയ വസ്തുതകള് പ്രതിപക്ഷ നേതാവ് എന്ന നിലയില് പൊതുശ്രദ്ധയില് കൊണ്ട് വരുന്നത് പൊതു പ്രവര്ത്തകന് എന്ന കര്ത്തവ്യബോധം മുന്നിര്ത്തി ഉള്ളത് ആണ് എന്ന് അപ്പീല്കോടതി കണ്ടെത്തും എന്ന് ഉറപ്പ് ഉള്ളതിനാലും, കീഴ്കോടതിയുടെ വിധി യുക്തി സഹമല്ലാത്തതിനാലും ഇത് കീഴ്കോടതി വൈകാരികമായി അല്ല, നിയമപരമായും വസ്തുനിഷ്ഠമായും തെളിവുകള് വിലയിരുത്തിയുള്ള നടപടിക്രമങ്ങള് ആയിരുന്നു അവലംബിക്കേണ്ടിയിരുന്നത് എന്ന ഒരു അഭിപ്രായംകൂടി അപ്പീല് കോടതി നടത്തും എന്ന പ്രത്യാശയില്, അപ്പീല് നടപടികളും ആയി മുന്നോട്ട് പോകുമെന്ന് ഓഫീസ് അറിയിച്ചു.
അതേസമയം കിട്ടുന്ന 10 ലക്ഷം രൂപ എന്ത് ചെയ്യണമെന്ന് ഉമ്മന് ചാണ്ടി തീരുമാനിച്ചു കഴിഞ്ഞു. സോളാര് കേസില് മുന് മുഖ്യമന്ത്രി വി എസ് അച്യുതാനന്ദനില് നിന്ന് കോടതി വിധിച്ച നഷ്ടപരിഹാരം ലഭിച്ചാല് തുക സ്വന്തം ആവശ്യങ്ങള്ക്ക് ഉപയോഗിക്കില്ലെന്ന് മുന് മുഖ്യമന്ത്രി ഉമ്മന്ചാണ്ടി. കിട്ടുന്ന പത്ത് ലക്ഷം രൂപ സമൂഹ നന്മയ്ക്കായി ഉപയോഗിക്കുമെന്ന് അദ്ദേഹം വ്യക്തമാക്കി.
കേസിന് പോകാന് ആഗ്രഹിച്ചതല്ല. ആരോപണം നിഷേധിച്ചപ്പോള് അതെല്ലാവരും പറയണതല്ലേ, നിയമനടപടിക്ക് എന്തുകൊണ്ട് പോകുന്നില്ലെന്ന് പലഭാഗങ്ങളില് നിന്നും ചോദ്യം വന്നു. അതുകൊണ്ടാണ് കോടതിയെ സമീപിച്ചതെന്ന് ഉമ്മന്ചാണ്ടിപറഞ്ഞു.
" f
https://www.facebook.com/Malayalivartha