പാലാ എംഎല് എ മാണി സി കാപ്പന് വഞ്ചനാ കേസില് നോട്ടീസ് അയച്ച് സുപ്രീംകോടതി
പാലാ എംഎല് എ മാണി സി കാപ്പന് വഞ്ചനാ കേസില് നോട്ടീസ് അയച്ച് സുപ്രീംകോടതി. മുംബൈ വ്യവസായി ദിനേശ് മേനോന് നല്കിയ ഹര്ജിയിലാണ് നോട്ടീസ് അയച്ചത്. ചീഫ് ജസ്റ്റിസ് എന്.വി രമണ അധ്യക്ഷനായ ബെഞ്ചാണ് നോട്ടീസ് അയച്ചത്.
കണ്ണൂര് വിമാനത്താവളത്തിന്റെ ഓഹരി നല്കാമെന്ന് വാഗ്ദാനം നല്കി 3.25 കോടി തട്ടിയെന്ന ദിനേശ് മേനോന്റെ പരാതിയില് എറണാകുളം ജുഡീഷ്യല് മജിസ്ട്രേറ്റ് ഫസ്റ്റ് ക്ലാസ് കോടതി കേസ് രജിസ്റ്റര് ചെയ്തിട്ടുണ്ടായിരുന്നു. കാപ്പനെതിരെ കേസെടുത്തിരുന്നത് വഞ്ചന, ഗൂഢാലോചന എന്നീ കുറ്റങ്ങള് ചുമത്തിയാണ് .
എന്നാല് ഈ കേസിലെ നടപടികള് ഹൈക്കോടതി സ്റ്റേ ചെയ്തിരുന്നു. ഈ സ്റ്റേ നീക്കണമെന്നാവശ്യപ്പെട്ട് ദിനേശ് മേനോന് സുപ്രീം കോടതിയില് ഹര്ജി ഫയല് ചെയതു.
ദിനേശ് മേനോന് വേണ്ടി അഭിഭാഷകന് വില്സ് മാത്യു ആണ് ഹാജരായത്. തനിക്കെതിരായ കേസ് ജനപ്രതിനിധികളുടെ കേസുകള് പരിഗണിക്കുന്ന പ്രത്യേക കോടതി വാദം കേള്ക്കണമെന്നാണ് കാപ്പന് ഹൈക്കോടതിയില് സ്വീകരിച്ചിരുന്ന നിലപാട്.
" f
https://www.facebook.com/Malayalivartha
