ഭൂമധ്യ രേഖക്ക് സമീപം ഇന്ത്യൻ മഹാസമുദ്രത്തിനും ബംഗാൾ ഉൾകടലിനും മുകളിലായി ന്യൂന മർദ്ദം രൂപപ്പെട്ടതായി കാലാവാസ്ഥാ കേന്ദ്രം. അടുത്ത രണ്ട് ദിവസത്തിനുള്ളിൽ ഇത് ശക്തി പ്രാപിക്കാൻ സാധ്യതയുണ്ടെന്നും മുന്നറിയിപ്പിൽ പറഞ്ഞു.

കേരളത്തിൽ ന്യുന മർദ്ദ മഴക്ക് സാധ്യത കുറവാണെങ്കിലും ഫെബ്രുവരി 20 ന് ശേഷം കിഴക്കൻകാറ്റ്അനുകൂല മാകുന്നതിനനുസരിച്ചു മധ്യ തെക്കൻ ജില്ലകളിൽ 1-2 ദിവസം മേഘാവൃതമായ അന്തരീക്ഷം/ മഴക്ക് സാധ്യതയുള്ളതായി പ്രാഥമിക സൂചന.

അവസാന വാരത്തിൽ കേരളത്തിന്റെ മധ്യ മേഖല മുതൽ തെക്കോട്ട് മഴ സാധ്യത പ്രതീക്ഷിക്കാം. ന്യൂനമർദത്തിന്റെ ട്രാക്ക്, തീവ്രത തുടങ്ങിയവയുമായി ബന്ധപ്പെട്ടിരിക്കും കേരളത്തിലെ മഴ സാധ്യത. തെക്കൻ ജില്ലകളിൽ ഇടത്തരം മഴ പ്രതീക്ഷിക്കുന്നു. മധ്യ കേരളത്തിലും ഒറ്റപ്പെട്ട മഴ ലഭിക്കും. ന്യൂനമർദം നാളെയോടെ തെക്കൻ ബംഗാൾ ഉൾക്കടലിൽ എത്തിയ ശേഷം ശ്രീലങ്ക ലക്ഷ്യമാക്കി നീങ്ങും. നേരത്തെയുള്ള നിരീക്ഷണങ്ങളിൽ ന്യൂനമർദം തമിഴ്നാട് തീരത്തേക്ക് നീങ്ങുമെന്ന് കരുതിയിരുന്നെങ്കിലും പുതിയ വിവരങ്ങൾ അനുസരിച്ച് കന്യാകുമാരി വഴി അറബിക്കടലിൽ എത്താനാണ് സാധ്യത.