വര്‍ഗീയതയും മതസ്പര്‍ദ്ധയും വളര്‍ത്തുന്ന തരത്തില്‍ മുന്‍ എംഎല്‍എ പിസി ജോര്‍ജ്ജ് പ്രസംഗിച്ചത് സംസ്ഥാനത്ത ഏറെ വിവാദങ്ങള്‍ക്ക് വഴഇയൊരുക്കിയിരുന്നു. മതവിദ്വേഷ പ്രസംഗം നടത്തി ആളുകളെ തമ്മില്‍തല്ലിക്കാനും കേരളത്തിന്റെ സമാധാനം നഷ്ടപ്പെടുത്താനുമാണ് പിസി ശ്രമിച്ചത് എന്നടക്കമുള്ള ആരോപണങ്ങള്‍ ഉയര്‍ന്നിരുന്നു.

ഇപ്പോഴിതാ പാലക്കാട് ജില്ലയില്‍ നിന്ന് ഉയര്‍ന്നുവന്നിരിക്കുന്ന ഒരു വാര്‍ത്ത കേട്ടതിന്റെ ഞെട്ടലിലാണ് കേരളത്തിലെ ജനങ്ങള്‍. അതായത് പാലക്കാട് ജില്ലയിലെ ബിജെപി പഞ്ചായത്ത് അംഗങ്ങള്‍ക്ക് ഒരു ഭീഷണിക്കത്ത് കിട്ടിയിരിക്കുന്നു. ഇവരോട് ഹിന്ദുമതം വിട്ട് ഇസ്ലാം മതത്തിലേക്ക് മാറണമെന്നാണ് ഭീഷണിക്കത്തില്‍ പറയുന്നത്.

പാലക്കാട് ജില്ലയിലെ എലപ്പുള്ളി, മുണ്ടൂര്‍, നെന്മാറ, പറളി തുടങ്ങിയ പ്രദേശങ്ങളിലെ ബിജെപി പഞ്ചായത്ത് അംഗങ്ങള്‍ക്കാണ് ഭീഷണിപ്പെടുത്തിക്കൊണ്ടുള്ള ഊമകത്തുകള്‍ ലഭിച്ചത്. കത്ത് ലഭിച്ചതിന് പിന്നാലെ പഞ്ചായത്ത് അംഗങ്ങള്‍ പോലീസില്‍ പരാതി നല്‍കി എന്നാണ് ലഭിക്കുന്ന വിവരം.

എല്ലാവരും അള്ളാഹുവിന് വഴിപ്പെടണം എന്ന് കത്തിലൂടെ ആഹ്വാനം ചെയ്യുന്നുണ്ട്. ഭൂമി സൃഷ്ടിച്ചത് അള്ളാഹുവാണ്. അവനാണ് ഏക ദൈവം. അവനല്ലാതെ മറ്റൊരു ദൈവമില്ല. ഖുര്‍ ആന്‍ ഏറ്റവും ശരിയായ മാര്‍ഗ്ഗം കാണിച്ചുതരുന്നു. ബഹുദൈവ വിശ്വാസികള്‍ക്ക് മഹാനാശം സംഭവിക്കും. വരണ്ട കളിമണ്ണ് കൊണ്ടാണ് മനുഷ്യനെ നിര്‍മ്മിച്ചിരിക്കുന്നത്. ഖുര്‍ആന്‍ പഠിക്കണം ഇങ്ങനെയാണ് കത്തില്‍ പറയുന്നത്.

എന്നാല്‍ ആരാണ് ഈ ഊമകത്ത് അയച്ചത് എന്ന് അറിയില്ല. ഇസ്ലാമിക തീവ്രവാദ ശക്തികളാണ് സംഭവത്തിന് പിന്നില്‍ എന്നാണ് പഞ്ചായത്തംഗങ്ങള്‍ ആരോപിക്കുന്നത്. അതേസമയം കത്ത് ബിജെപി അംഗങ്ങള്‍ക്ക് മാത്രം നല്‍കിയതിന് പിന്നില്‍ ദുരൂഹതയുണ്ടെന്നാണ് ഇവര്‍ പറയുന്നത്. മാത്രമല്ല പ്രദേശത്തെ മതസൗഹാര്‍ദ്ദം തകര്‍ക്കുകയാണ് കത്തിന് പിന്നിലെ ഉദ്ദേശ്യം എന്നും സംഭവത്തില്‍ ശക്തമായ അന്വേഷണം വേണമെന്നും പഞ്ചായത്ത് അംഗങ്ങള്‍ പോലീസിന് നല്‍കിയ പാതിയില്‍ ആവശ്യപ്പെടുന്നുണ്ട്.

മതങ്ങള്‍ക്കിടയില്‍ സ്‌നേഹവും സാഹോദര്യവും നിലനില്‍ക്കുന്ന സംസ്ഥാനമാണ് കേരളം. അതുകൊണ്ട് തന്നെ ഇത്തരത്തിലുള്ള മതസ്പര്‍ദ്ധ വളര്‍ത്തുന്ന സന്ദേശങ്ങളും പ്രസംഗങ്ങലും കത്തുകളും കേരളത്തിലെ ജനങ്ങള്‍ക്കിടില്‍ ആശങ്ക ജനിപ്പിക്കുന്നുണ്ട്. കൂടാതെ തീവ്രവാദ സംഘടനകളിലും മറ്റും ചെന്ന് പെട്ട് നാടിനെ നശിപ്പിക്കാന്‍ ഒരുങ്ങി നില്‍ക്കുന്ന ഒരുപാട് മലയാളികളുണ്ട്. ഇത്തരത്തില്‍ കത്തുകള്‍ അയക്കുന്നവരുടെ ലക്ഷ്യവും അത് തന്നെയാകാമെന്ന ഭയം പലരിലും ഉണ്ട്.

പിസി ജോര്‍ജ്ജ് നടത്തിയ പ്രസ്താവന മുസ്ലീം വിഭാഗത്തെ കുറ്റപ്പെടുത്തിക്കൊണ്ടുള്ളതായിരുന്നു. ഹിന്ദു മഹാപരിഷത്ത് തിരുവനന്തപുരത്ത് നടത്തിയ 'അനന്തപുരി ഹിന്ദു മഹാസമ്മേളനം' ഉദ്ഘാടനം ചെയ്യുമ്പോഴാണ് പി സി ജോര്‍ജ് വിവാദ പ്രസംഗം നടത്തിയത്. ഇതിന്റെ പേരില്‍ നേരത്തെ തിരുവനന്തപുരം ഫോര്‍ട്ട് പൊലീസ് സ്റ്റേഷന്‍ എസ് പിയുടെ നേത്വത്തില്‍ പിസിയെ കസ്റ്റഡിയില്‍ എടുത്ത് അറസ്റ്റ് ചെയ്തിരുന്നു. ഇതിന് പിന്നാലെ വെണ്ണല ശ്രീ മഹാദേവ ക്ഷേത്രത്തിലും പിസി വമതവിദ്വേഷ പ്രസംഗം നടത്തിയിരുന്നു.

ഇപ്പോള്‍ പാലക്കാട് ബിജെപി പ്രവര്‍ത്തകരെ തേടിപ്പിടിച്ച് ഇത്തരമൊരു ഭീഷണിക്കത്ത് അയച്ചിട്ടുണ്ടെങ്കില്‍ അത് പിസിക്കുള്ള ഒരു തട്ടുകൂടിയായി കരുതേണ്ടിയിരിക്കുന്നു...