വെള്ളം വറ്റിക്കാതെ വോട്ട് ചോദിച്ച് വരേണ്ട! വെള്ളക്കെട്ടില് ദുരിതത്തിലായ കൊച്ചിക്കാര് ഇളകി.. പാര്ട്ടിക്കാര് പ്രതിസന്ധിയില്, വീട്ടമ്മമാര് കട്ടക്കലിപ്പില്..
15 MAY 2022 09:39 PM IST
മലയാളി വാര്ത്ത
അതേസമയം ഒരു മഴ പെയ്താല് നഗരം വെള്ളത്തിലാകുന്ന ദയനീയമായവസ്ഥ അധികൃതര് കണ്ടിട്ടും കണ്ടില്ലെന്ന ഭാവം നടിക്കുകയാണെന്ന ആക്ഷേപം ജനങ്ങള്ക്കിടയിലുണ്ട്. അധികൃതര് കണ്ടില്ലെന്ന് കരുതി അവരെ നേരില്കണ്ട് അറിയിച്ചിട്ടും യാതൊരു പ്രയോചനവും ഉണ്ടായിച്ചില്ല എന്നാണ് പലരും ചൂണ്ടിക്കാണിക്കുന്നത്. തങ്ങള് അനുഭവിക്കുന്ന ദുരിതം എന്താണെന്ന് കൊച്ചിയിലെ ഒരു വീട്ടമ്മ പ്രമുഖ മാധ്യമത്തോട് പറഞ്ഞതാണ് ഇപ്പോള് ചര്ച്ചാവിഷയമായിരിക്കുന്നത്. പ്രദേശത്ത് ഒരു മഴ പെയ്യുമ്പോള് വെള്ളം കയറുന്നതുമായി ബന്ധപ്പെട്ട പ്രശ്നം നിരന്തരം അധികൃതരെ അറിയിച്ചതാണ് എന്നാല് ഒരു കാര്യവും ഉണ്ടായിട്ടില്ലെന്നാണ് അവര് പറയുന്നത്.
'രാവിലെ ഉണര്ന്നാല് കാല് കുത്തേണ്ടിവരുന്നത് വെള്ളക്കെട്ടിലാണ്. പലതവണ മുന്സിപ്പാലിറ്റിയില് പരാതി നല്കിയിട്ടും ഒരു കാര്യവും ഉണ്ടായിട്ടില്ല. ജനപ്രതിനിധികളില് ആരെക്കൊണ്ടും ഒരു ഉപകാരവും ഉണ്ടായിട്ടില്ല. ഇനി വോട്ട് ചോദിച്ച് ആരും ഇങ്ങോട്ട് വരണ്ട, ഒരു പാര്ട്ടിക്കാരും വരണ്ട' വീട്ടമ്മ പറഞ്ഞത് ഇങ്ങനെയാണ്.
തൃക്കാരക്കര ഉപതെരഞ്ഞെടുപ്പ് അടുത്തിരിക്കെ സ്ഥാനാര്ത്ഥികള് വീടുവീടാന്തരം കയറി വോട്ട് തേടുന്നതിനിടയിലാണ് ജനങ്ങള് ഇങ്ങനെ പ്രതികരക്കുന്നത് പാര്ട്ടികളെ ആശങ്കയിലാക്കുന്നുണ്ട്.
കഴിഞ്ഞ വര്ഷങ്ങളിലെല്ലാം നോക്കിക്കഴിഞ്ഞല് അറിയാം. മഴപെയ്യുമ്പോള് ഏറ്റവും കൂടുതല് നാശനഷ്ടം ഉണ്ടാകുന്നത് എറണാകുളം ജില്ലയിലാണ്. 2018ലെ പ്രളയത്തിന്റെ സമയത്തും മറ്റ് ജില്ലകളേക്കാള് കൂടുതല് വെള്ളക്കെട്ട് അനുഭവിച്ചത് എറണാകുളത്തുള്ള ജനങ്ങളാണ്. കാര്യങ്ങള് ഇങ്ങനെയൊക്കെ ആണെങ്കിലും ഈ പ്രശ്നം പരിഹരിക്കാന് അധികൃതര് തയ്യാറാകാത്തതാണ് ജനങ്ങളേയും പ്രകോപനത്തിലാക്കിയിരിക്കുന്നത്.
അതേസമയം മഴമേഘങ്ങളില് വലിയ രീതിയിലുള്ള ഘടനാ മാറ്റം വന്നിട്ടുണ്ടെന്നും പടിഞ്ഞാറന് തീരത്തുണ്ടായ ഈ പ്രതിഭാസം കേരളതീരത്ത് ലഭിക്കുന്ന മഴപെയ്ത്തിന്റെ സ്വഭാവത്തിലും മാറ്റം വരുത്തിയിട്ടുണ്ട് എന്നും കുസാറ്റിലെ വിദ്യാര്ത്ഥികള് നടത്തിയ പഠനത്തില് പറയുന്നുണ്ട്. ഇതുതന്നെയാണ് കൊച്ചിയിലുള്പ്പെടെ കാലം തെറ്റി മഴ പെയാന് കാരണമാവുന്നത്. കൂമ്പാരമേഘങ്ങള് എന്നാണ് ഈ പ്രതിഭആസം അറിയപ്പെടുന്നത്. കുസാറ്റിലെ ഗവേഷക വിദ്യാര്ത്ഥിയുടെ ഗവേഷണ പഠനത്തിലാണ് പുതിയ കണ്ടെത്തല്. 1980 99, 2000 19 കാലഘട്ടത്തിലെ മണ്സൂണ് സീസണാണ് പഠനത്തിന് വിധേയമാക്കിയത്.
അതേസമയം സംസ്ഥാനത്ത് ശക്തമായ മഴയ്ക്കു സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പിന്റെ അറിയിപ്പ്. എറണാകുളം, ഇടുക്കി ജില്ലകളില് കേന്ദ്ര കാലാവസ്ഥ വകുപ്പ് റെഡ് അലര്ട്ട് പ്രഖ്യാപിച്ചു. ഒറ്റപ്പെട്ടയിടങ്ങളില് അതിതീവ്രമായ മഴയ്ക്കുള്ള സാധ്യതയുണ്ടെന്നാണു മുന്നറിയിപ്പ്. 24 മണിക്കൂറില് 204.5 മില്ലിമീറ്ററില് കൂടുതല് മഴ ലഭിച്ചേക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
