കണ്ണൂരില്‍ മന്ത്രിയുടെ വാഹനം അപകടത്തില്‍പെട്ടു.... മന്ത്രി എം.വി ഗോവിന്ദന്റെ വാഹനമാണ് അപകടത്തില്‍പ്പെട്ടത്. ഞായറാഴ്ച രാത്രി 10ഓടെ കണ്ണൂര്‍ തളാപ്പ് ചെട്ടിപ്പീടികക്കടുത്തായിരുന്നു അപകടം സംഭവിച്ചത്.

ദേശീയപാതയില്‍ മഴയെ തുടര്‍ന്ന് മന്ത്രിയുടെ കാര്‍ തെന്നിപ്പോയതാണ് അപകടത്തിന് കാരണമെന്ന് കരുതുന്നു. മന്ത്രി പരിക്കേല്‍ക്കാതെ രക്ഷപ്പെട്ടു.

സംഭവത്തില്‍ ആര്‍ക്കും പരിക്കേറ്റിട്ടില്ല. അപകടത്തിന് പിന്നാലെ മന്ത്രി ഉടന്‍ മറ്റൊരു വാഹനത്തില്‍ ഗസ്റ്റ് ഹൗസിലേക്ക് പോയി.

കേരളത്തിന്റെ എക്സൈസ്-തദ്ദേശ സ്വയം ഭരണവകുപ്പ് മന്ത്രിയാണ് എം.വി ഗോവിന്ദന്‍. 2021ലെ നിയമസഭ തിരഞ്ഞെടുപ്പില്‍ തളിപ്പറമ്പ് നിയോജക മണ്ഡലത്തില്‍ നിന്നാണ് അദ്ദേഹം വിജയിച്ചത്.