കേരളരാഷ്ട്രീയത്തെ പിടിച്ചുലച്ച നയതന്ത്ര സ്വര്ണക്കടത്ത് അന്വേഷണം വഴിമുട്ടി....തിരുവനന്തപുരം യു.എ.ഇ. കോണ്സുലേറ്റിലെ മുന് കോണ്സല് ജനറല്, മുന് അഡ്മിന് അറ്റാഷെ എന്നിവരെ ചോദ്യംചെയ്യാന് ഇതുവരെ അന്വേഷണസംഘത്തിനായില്ല, വിചാരണവേളയില് തിരിച്ചടിയാകുമോ?
കേരളരാഷ്ട്രീയത്തെ പിടിച്ചുലച്ച നയതന്ത്ര സ്വര്ണക്കടത്ത് അന്വേഷണം വഴിമുട്ടി....തിരുവനന്തപുരം യു.എ.ഇ. കോണ്സുലേറ്റിലെ മുന് കോണ്സല് ജനറല്, മുന് അഡ്മിന് അറ്റാഷെ എന്നിവരെ ചോദ്യംചെയ്യാന് ഇതുവരെ അന്വേഷണസംഘത്തിനായില്ല, ഇരുവരുടെയും മൊഴിയെങ്കിലും ശേഖരിക്കാന് അവസരമൊരുക്കണം എന്നാവശ്യപ്പെട്ട് അന്വേഷണസംഘങ്ങള് കേന്ദ്രസര്ക്കാരിനെ സമീപിച്ചെങ്കിലും മറുപടി ലഭിച്ചിട്ടില്ല. വിചാരണവേളയില് തിരിച്ചടിയാകുമോ?
നയതന്ത്ര സ്വര്ണക്കടത്ത് കേസിന് ആധാരമായ 30 കിലോ സ്വര്ണം തിരുവനന്തപുരം വിമാനത്താവളത്തില് ദുബായില് നിന്ന് എയര് കാര്ഗോയായി എത്തിയത് അന്നത്തെ അഡ്മിന് അറ്റാഷെയായിരുന്ന റാഷിദ് ഖാമിസ് അലിയുടെ പേരിലായിരുന്നു. എന്നാല് ഈ വ്യക്തിയുടെ മൊഴിയില്ലാതെ കേസിനുതന്നെ നിലനില്പ്പില്ലാത്ത സ്ഥിതി വിചാരണവേളയില് വന്നേക്കും.
ദുബായില് നിന്ന് മലയാളിയായ ഫൈസല് ഫരീദാണ് തിരുവനന്തപുരം യു.എ.ഇ. കോണ്സുലേറ്റിലെ അഡ്മിന് അറ്റാഷെയുടെ പേരില് 30 കിലോ സ്വര്ണം ഗൃഹോപകരണങ്ങള്ക്കുള്ളില് ഒളിപ്പിച്ച് അയച്ചതെന്നാണ് പ്രോസിക്യൂഷന് കേസിലുള്ളത്. ഈ രണ്ടുപേരെയും ചോദ്യംചെയ്യാന് കസ്റ്റംസ്, എന്ഫോഴ്സ്മെന്റ് ഡയറക്ടറേറ്റ് അന്വേഷണസംഘങ്ങള്ക്കു ഇതുവരെ കഴിഞ്ഞിട്ടില്ല. കോണ്സുലേറ്റിലെ ചാര്ജ് 'ഡി' അഫയേഴ്സ് ചുമതലയുള്ള നയതന്ത്രപ്രതിനിധികൂടിയായിരുന്നു റാഷിദ്.
നയതന്ത്ര സ്വര്ണക്കടത്ത് കേസ് അന്വേഷിച്ച കസ്റ്റംസ് പ്രിവന്റീവ് സംഘം ജമാല് ഹുസൈന് അല് സാബിയെയും അന്നത്തെ കോണ്സുല് ജനറല് ജമാല്ഹുസൈന് അല്സാബിയെയും കുറ്റാരോപിതരുടെ പട്ടികയില് ചേര്ത്തിട്ടുണ്ടായിരുന്നു. രണ്ടു പേര്ക്കും കാരണംകാണിക്കല് നോട്ടീസ് കേന്ദ്ര ആഭ്യന്തരമന്ത്രാലയം മുഖാന്തരം അയച്ചിരുന്നു. പക്ഷേ, ഇതിന് മറുപടി ലഭിച്ചിച്ചില്ല.
കേസ് അന്വേഷിച്ച മറ്റൊരു കേന്ദ്രാന്വേഷണ ഏജന്സിയായ എന്ഫോഴ്സ്മെന്റ് ഡയറക്ടറേറ്റ് (ഇ.ഡി.) മുന് അറ്റാഷെ റാഷിദ് ഖാമിസ് അലിയെ എതിര്കക്ഷിയാക്കി നോട്ടീസ് പുറപ്പെടുവിച്ചിരുന്നു. തിരുവനന്തപുരം യു.എ.ഇ. കോണ്സുലേറ്റിന്റെ വിലാസത്തില് അയച്ച നോട്ടീസ് റാഷിദ് വിദേശത്താണെന്ന കാരണത്താല് മടക്കിയയച്ചു. ഇതേത്തുടര്ന്ന് ഇ.ഡി. നോട്ടീസ് പരസ്യമായാണ് പ്രസിദ്ധീകരിച്ചത്.
സ്വര്ണവുമായി വന്ന കാര്ഗോ തുറക്കാനായി അഡ്മിന് അറ്റാഷെയുടെ സമ്മതം കസ്റ്റംസ് തേടിയിരുന്നു. അപ്പോള് മാത്രമാണ് റാഷിദിന്റെ മൊഴിയെടുത്തത്. എന്നാല്, സ്വര്ണം കണ്ടെത്തി കേസെടുത്തശേഷം മൊഴിയെടുക്കാന് കഴിഞ്ഞിട്ടില്ല അന്വേഷമ സംഘത്തിന്.
" f
https://www.facebook.com/Malayalivartha
