മാതാവിന്റെ കൈയില് നിന്ന് പുഴയിലേക്കു വീണ് കാണാതായ 11 ദിവസം പ്രായമായ പെണ്കുട്ടിയുടെ മൃതദേഹം കണ്ടെത്തി....സംഭവ സ്ഥലത്തു നിന്ന് രണ്ടു കിലോമീറ്ററിലേറെ അകലെ കട്ടുപ്പാറ ഇട്ടക്കടവ് തടയണയ്ക്കു താഴ്ഭാഗത്തു നിന്നാണ് കണ്ടെത്തിയത്
മാതാവിന്റെ കൈയില് നിന്ന് പുഴയിലേക്കു വീണ് കാണാതായ 11 ദിവസം പ്രായമായ പെണ്കുട്ടിയുടെ മൃതദേഹം കണ്ടെത്തി....സംഭവ സ്ഥലത്തു നിന്ന് രണ്ടു കിലോമീറ്ററിലേറെ അകലെ കട്ടുപ്പാറ ഇട്ടക്കടവ് തടയണയ്ക്കു താഴ്ഭാഗത്തു നിന്നാണ് കണ്ടെത്തിയത്.
ഇന്നലെ ഉച്ചയോടെ തടയണയുടെ 50 മീറ്ററോളം താഴെ പ്രഭാകടവില് മീന്പിടിക്കാനെത്തിയ യുവാവാണ് മൃതദേഹം കണ്ടത്. കരയോടുചേര്ന്ന് ചപ്പുചവറുകള്ക്കിടയില് അഴുകിയ നിലയിലായിരുന്നു മൃതദേഹം കാണപ്പെട്ടത്.
നാട്ടുകാരെയും പോലീസിലും അഗ്നിരക്ഷാനിലയത്തിലും വിവരമറിയിച്ചു. തുടര്ന്ന് പെരിന്തല്മണ്ണ അഗ്നിരക്ഷാനിലയത്തിലെ സീനിയര് ഫയര് ഓഫീസര് സജിത്തിന്റെ നേതൃത്വത്തില് സേനാംഗങ്ങളും ട്രോമാകെയര് വൊളന്റിയര്മാരും ചേര്ന്നാണ് മൃതദേഹം കരയിലേക്കെത്തിച്ചത്.
തുടര്ന്ന് എസ്.ഐ. സി.കെ. നൗഷാദിന്റെ നേതൃത്വത്തില് മൃതദേഹ പരിശോധന നടത്തി പോസ്റ്റ്മോര്ട്ടത്തിനായി മഞ്ചേരി മെഡിക്കല്കോളേജ് ആശുപത്രിയിലേക്ക മാറ്റി.
അതേസമയം ഏലംകുളം പാലത്തോള് മപ്പാട്ടുകര പാലത്തില് ചൊവ്വ രാത്രിയിലാണ് സംഭവം ഉണ്ടായത്. കുഞ്ഞുമായി അമ്മ റെയില്വേ പാലത്തിന് മുകളില് നില്ക്കുമ്പോഴാണ് ഒരു ഗുഡ്സ് ട്രെയിന് വരുന്നത് കണ്ട് പാലത്തോടു ചേര്ന്നുള്ള സുരക്ഷിത കാബിനിലേക്ക് മാറിനില്ക്കാന് ശ്രമിക്കുന്നതിനിടയിലാണ് അപകടം സംഭവിച്ചത്.
തീവണ്ടി കടന്നുപോയപ്പോള് പെട്ടന്നുണ്ടായ വിറയലില് കുഞ്ഞ് പുഴയിലേക്ക് വീഴുകയായിരുന്നു. എന്താണ് ഉണ്ടായതെന്ന് യുവതിതന്നെയാണ് ബന്ധുക്കളോട് പറഞ്ഞത് എന്നാണ് പോലീസ് പറയുന്നത്.
"
https://www.facebook.com/Malayalivartha