കനത്തമഴയില് വന് നാശനഷ്ടങ്ങള്... വര്ക്കലയില് രണ്ടു വീടുകള് ഭാഗികമായി തകര്ന്നു.... 100 അടി താഴ്ചയുള്ള കിണര് പൂര്ണമായും തകര്ന്നനിലയില്.... കൊല്ലം ജില്ലയില് കഴിഞ്ഞ 24മണിക്കൂറിനിടെ 13ഓളം വീടുകള് ഭാഗികമായി തകര്ന്ന നിലയില്, മരങ്ങള് കടപുഴകിയതിനെത്തുടര്ന്നു പലയിടത്തും ഗതാഗതം തടസ്സപ്പെട്ടു, വെള്ളം കയറാന് സാധ്യതയുള്ള പ്രദേശങ്ങളില് കഴിയുന്നവര് സുരക്ഷിത സ്ഥാനങ്ങളിലേക്കു മാറണമെന്ന് ജില്ലാ ഭരണകൂടം
കനത്തമഴയില് വര്ക്കലയില് രണ്ടു വീടുകള് ഭാഗികമായി തകര്ന്നു.... 100 അടി താഴ്ചയുള്ള കിണര് പൂര്ണമായും തകര്ന്നനിലയില്.... കൊല്ലം ജില്ലയില് വ്യാപക നാശനഷ്ടംകഴിഞ്ഞ 24മണിക്കൂറിനിടെ 13ഓളം വീടുകള് ഭാഗികമായി തകര്ന്ന നിലയില്, മരങ്ങള് കടപുഴകിയതിനെത്തുടര്ന്നു പലയിടത്തും ഗതാഗതം തടസ്സപ്പെട്ടു, വെള്ളം കയറാന് സാധ്യതയുള്ള പ്രദേശങ്ങളില് കഴിയുന്നവര് സുരക്ഷിത സ്ഥാനങ്ങളിലേക്കു മാറണമെന്ന് ജില്ലാ ഭരണകൂടം
കനത്ത മഴയില് വര്ക്കലയില് രണ്ടു വീടുകള് ഭാഗികമായി തകര്ന്നു. ഇലകമണ് ചാരുംകുഴി കുന്നുംപുറത്ത് വീട്ടില് സുധീപ് കുമാര്, തേരിക്കല്കുന്ന് കോളനിയില് സരസ്വതി എന്നിവരുടെ വീടുകളാണു തകര്ന്നത് . കണ്ണംബയില് സുജിത് ഭവനില് ചന്ദ്രികാദേവിയുടെ വീട്ടിലെ 100 അടി താഴ്ചയുള്ള കിണര് പൂര്ണമായി തകര്ന്നനിലയില്. കിണര് ഇടിഞ്ഞതു സമീപത്തെ വീടിനും ഭീഷണിയായി.
ഇലകമണ് കളത്തറ വാര്ഡില് അയിരൂര് പുഷ്പാംഗദ നിവാസില് പുഷ്പാംഗദന്റെ കിണറും ഭാഗികമായി ഇടിഞ്ഞു താഴ്ന്നു. മരങ്ങള് വീണ് വൈദ്യുതിബന്ധം താറുമാറിലായി. പ്ലാവഴികത്തും ഇടവയിലുമാണ് മരങ്ങള് വീണത്. വള്ളക്കടവ് ഭാഗത്ത് കനാലിനോടു ചേര്ന്ന പരിസരത്ത് ജലനിരപ്പ് ഉയര്ന്നത് ഫയര്ഫോഴ്സ് ഒഴിവാക്കി.
അതേസമയം കനത്തമഴയില് കൊല്ലം ജില്ലയില് വ്യാപക നാശനഷ്ടമുണ്ടായി. പൊഴിക്കര, ചില്ലയ്ക്കല്, തോട്ടുകുഴി, പരക്കട, മുണ്ടയ്ക്കല് ഭാഗങ്ങളില് കടല്ക്ഷോഭം രൂക്ഷം. വീടുകളും മതിലുകളും ഭാഗികമായി തകര്ന്നു. ജില്ലയിലാകെ കഴിഞ്ഞ 24 മണിക്കൂറിനിടെ 13 വീടുകളാണു ഭാഗികമായി തകര്ന്നത്. കടല്ക്ഷോഭം തുടരാനുള്ള സാധ്യത കണക്കിലെടുത്ത് ഇന്നലെ മുതല് മത്സ്യത്തൊഴിലാളികള് വലകളും മറ്റു മത്സ്യബന്ധന ഉപകരണങ്ങളും സുരക്ഷിത സ്ഥാനങ്ങളിലേക്കു മാറ്റാന്ത്തുടങ്ങി. ശക്തമായ തിരമാലകളടിച്ചു തീരങ്ങളില്നിന്നു മണ്ണിടിഞ്ഞു തുടങ്ങി.
മരങ്ങള് കടപുഴകിയതിനെ തുടര്ന്നു പലയിടത്തും ഗതാഗത തടസ്സം നേരിട്ടു. രാത്രി വൈകിയും ഒടിഞ്ഞ മരച്ചില്ലകള് മാറ്റാനുള്ള ശ്രമവും തുടര്ന്നു. താഴ്ന്ന പ്രദേശങ്ങളില് പലയിടത്തും വെള്ളം കയറി. മഴ കനക്കാനുള്ള സാധ്യത കണക്കിലെടുത്ത് ജില്ലയില് 150ഓളം ക്യാംപുകള് തുറന്നു.
ഓറഞ്ച് അലര്ട്ട് നിലനില്ക്കുന്നതിനാല് ജില്ലയില് വിനോദസഞ്ചാരത്തിനു നിയന്ത്രണം ഏര്പ്പെടുത്തി. 17 വരെ കടല് പ്രക്ഷുബ്ധമാകാന് സാധ്യതയേറെയാണ്. വരും ദിവസങ്ങളില് വേലിയേറ്റത്തിന്റെ നിരക്ക് രാവിലെ 11 മുതല് ഉച്ചയ്ക്ക് 2 വരെയും രാത്രി 10.30 മുതല് അര്ധരാത്രി വരെയും സാധാരണയില് കൂടുതലാകാന് സാധ്യത ഉള്ളതിനാല് തീരദേശങ്ങളില് ഉള്ളവര് കൂടുതല് ജാഗ്രത പാലിക്കേണ്ടതാണ്.
https://www.facebook.com/Malayalivartha
