ഇതിന് പോലും കുരു പൊട്ടുന്ന മേലാളന്മാർ...., സൈബർ അടിമകളെ തുറന്ന് വിട്ട് ആക്രമിക്കും...ലേശം പോലും വിഷമിക്കണ്ട....കാരണം ഇത് കേരളമാണ്, നിഖിലയ്ക്ക് പിന്തുണയുമായി നടി മാലാ പാർവതി
ഭക്ഷണത്തിനായി മൃഗങ്ങളെ കൊല്ലുന്നതില് പശുവിന് മാത്രമായി ഇളവ് ലഭിക്കുന്നത് ശരിയല്ലെന്ന് നടി നിഖില വിമൽ നടത്തിയ പരാമർശം ഏറെ ശ്രദ്ധനേടിയിരുന്നു. ഇതിനിന് പിന്നാലെ ഒരു കൂട്ടം ആളുകൾ നടിക്ക് നേരെ സൈബർ ആക്രമണവും നടത്തുകയുണ്ടായി. പിന്നെ പ്രതികൂലിക്കുന്നവരും അനുകൂലിക്കുന്നവരും തമ്മിലായി പോര്. ഈ അവസരത്തിൽ നിഖിലയ്ക്ക് പിന്തുണയുമായി എത്തിയിരിക്കുകയാണ് നടി മാലാ പാർവതി.
ഇത് കേരളമാണ്. നേരുള്ള സമൂഹം. അശ്ലീലം പറയുന്നവര്, എത്ര ഒച്ച എടുത്താലും അതുക്കും മേലെ ആണ് ഉറപ്പോടെ കൂടെ നിൽക്കുന്നവർ. വിഷമിക്കരുതെന്നാണ് നിഖിലയോടായി മാലാ പാർവതി കുറിച്ചത്. സൈബർ ആക്രമണം നിരന്തരം നേരിടുന്ന ഒരു അനുഭവസ്ഥ എന്ന നിലയിലായിരുന്നു നടിയുടെ പ്രതികരണം.
മാലാ പാർവതിയുടെ വാക്കുകൾ
പ്രീയപ്പെട്ട നിഖില.. @NikhilaVimal
നിഖിലയോടുള്ള ഒരു ചോദ്യത്തിന് നിഖില വ്യക്തമായി മറുപടി പറഞ്ഞു. "എല്ലാ ജീവജാലങ്ങളും ഒരു പോലെ. കൊല്ലരുത് എന്നാണ് നിയമം എങ്കിൽ അത് എല്ലാത്തിനും ബാധകം എന്ന്." ഇതിന് പോലും കുരു പൊട്ടുന്ന, മേലാളന്മാർ, സൈബർ അടിമകളെ തുറന്ന് വിട്ട് ആക്രമിക്കും. ലേശം പോലും വിഷമിക്കണ്ട. കാരണം ഇത് കേരളമാണ്. നേരുള്ള സമൂഹം.അശ്ലീലം പറയുന്നവര്, എത്ര ഒച്ച എടുത്താലും.. അതുക്കും മേലെ ആണ് ഉറപ്പോടെ കൂടെ നിൽക്കുന്നവർ. വിഷമിക്കരുത്. എന്ന് സൈബർ ആക്രമണം നിരന്തരം നേരിടുന്ന ഒരു അനുഭവസ്ഥ.
https://www.facebook.com/Malayalivartha