അഞ്ച് സെന്റിലേറെ വിസ്തൃതിയില് തണല് നല്കിയിരുന്ന മരത്തില് 7 സെന്റിമീറ്റര് ആഴത്തിലുള്ള 23 ദ്വാരങ്ങളുണ്ടാക്കി ഇതിനുള്ളില് ലോഹലായനി ഒഴിച്ച നിലയില്, മരം ഉണക്കിക്കളയാന് ശ്രമിച്ചവര്ക്ക് മറുപടി നല്കി് പരിസ്ഥിതി പ്രവര്ത്തകരും നാട്ടുകാരും.....
അഞ്ച് സെന്റിലേറെ വിസ്തൃതിയില് തണല് നല്കിയിരുന്ന മരത്തില് 7 സെന്റിമീറ്റര് ആഴത്തിലുള്ള 23 ദ്വാരങ്ങളുണ്ടാക്കി ഇതിനുള്ളില് ലോഹലായനി ഒഴിച്ച നിലയില്, മരം ഉണക്കിക്കളയാന് ശ്രമിച്ചവര്ക്ക് മറുപടി നല്കി പരിസ്ഥിതി പ്രവര്ത്തകരും നാട്ടുകാരും.....
കുന്നന്താനം പഞ്ചായത്തിലെ പാലയ്ക്കാത്തകിടി കവലയില് ഒരു നൂറ്റാണ്ടിലേറെയായി തണല്വിരിച്ചു നിന്നിരുന്ന കരിംതകര ഇനത്തില്പ്പെട്ട വൃക്ഷത്തിനാണു പരിസ്ഥിതി പ്രവര്ത്തകരുടെയും നാട്ടുകാരുടെയും നേതൃത്വത്തില് ആയുര്വേദ ചികിത്സ നടത്തിയത്. ഈ മാസം നാലിനാണു മരം നശിപ്പിക്കാനുള്ള ശ്രമം നാട്ടുകാര് കണ്ടെത്തിയത്.
സാധാരണയില് കവിഞ്ഞും മരത്തിലെ ഇലകള് പൊഴിഞ്ഞതിനെ തുടര്ന്നു നാട്ടുകാര് നടത്തിയ അന്വേഷണത്തില് മരച്ചുവട്ടില് രാസവസ്തു ഒഴിച്ച് ഉണക്കുന്നതിനുള്ള ശ്രമം കണ്ടെത്തുകയായിരുന്നു. 7 സെന്റിമീറ്റര് ആഴത്തിലുള്ള 23 ദ്വാരങ്ങളുണ്ടാക്കി ഇതിനുള്ളില് ലോഹലായനി ഒഴിച്ച നിലയിലായിരുന്നു. ജനകീയ കൂട്ടായ്മ രൂപീകരിച്ചാണ് വൃക്ഷത്തിന് ആയുര്വേദ ചികിത്സ ഒരുക്കിയത്.
കേരളത്തിലെ വിവിധ സ്ഥലങ്ങളില് 126 മരങ്ങള്ക്കു ചികിത്സ നല്കി നിലനിര്ത്തിയ വൃക്ഷവൈദ്യന്മാരും അധ്യാപകരുമായ കെ. ബിനു വാഴൂര്, ഗോപകുമാര് കങ്ങഴ, നിധിന് കൂരോപ്പട, വിജയകുമാര് ഇത്തിത്താനം എന്നിവരുടെ നേതൃത്വത്തില് ഇന്നലെ രാവിലെ 10ന് തുടങ്ങിയ ചികിത്സ 4 മണിക്കൂറിലധികം നീണ്ടു.
പാടത്തെ ചെളിമണ്ണ്, മരം നില്ക്കുന്ന സ്ഥലത്തെ മണ്ണ് അരിച്ചെടുത്തത്, ചിതല്പ്പുറ്റ് അരിച്ചെടുത്തത്, പശുവിന്റെ പച്ചച്ചാണകം, നാടന് പശുവിന് പാല്, അരിപ്പൊടി, നാടന് പശുവിന്റെ നെയ്യ്, കറുത്ത എള്ള്, കദളിപ്പഴം, ചെറുതേന്, ചെറുപയര് പൊടി (ഭസ്മം പോലെ പൊടിച്ചത്), ഉഴുന്ന് തൊണ്ടോടു കൂടിയുള്ള പൊടി (ഭസ്മം പോലെ പൊടിച്ചത്), മുത്തങ്ങ ഉണക്കി പൊടിച്ചത് (ഭസ്മം പോലെ പൊടിച്ചത്), ഇരട്ടിമധുരം പൊടിച്ചത്, രാമച്ചം (ഭസ്മം പോലെ പൊടിച്ചത്) എന്നിവ ചേര്ത്താണ് ഔഷധക്കൂട്ട് ഉണ്ടാക്കിയത്.. ഇത് കരിംതകരയില് ഒരാള് പൊക്കത്തില് തേച്ച് പിടിപ്പിച്ച് കോട്ടണ് തുണി ഉപയോഗിച്ചു കെട്ടിപ്പൊതിഞ്ഞു. 6 മാസത്തോളം ഇതു മരത്തില് ഉറപ്പിച്ചു നിര്ത്താന് ഒരു കിലോ ചണനൂല് ഉപയോഗിച്ച് മരത്തടിയില് കെട്ടിവച്ചു.
ആയുര്വേദ ഔഷധങ്ങളും കൂട്ടുകളുമെല്ലാം നാട്ടുകാരുടെ സഹകരണത്തിലാണ് ലഭ്യമായത്. വൃക്ഷചികിത്സകരും സൗജന്യമായാണു സേവനം ചെയ്തത്.
"
https://www.facebook.com/Malayalivartha