പിണറായിയുടെ കുറ്റി തെറിപ്പിച്ച് ശ്രീധരന്; ഇളകിയ കുറ്റിയുമായി പിണറായി തൃക്കാക്കരയിലേയ്ക്ക് കുറ്റിയടിക്കാതെ അതിവേഗ റെയിലുമായി മെട്രോമാന് കേന്ദ്രത്തില്
തൃക്കാക്കര ഉപതിരഞ്ഞെടുപ്പില് വികസനം ചര്ച്ചയാക്കുമെന്ന് പറഞ്ഞ് വീമ്പിളക്കിയ സിപിഎം നേതാക്കള് കെ റെയില് കുറ്റിയും കൊണ്ട് കണ്ടം വഴി ഓടി. ജനരോഷം ഭയന്ന് തൃക്കാക്കര തെരഞ്ഞെടുപ്പു കഴിയുന്നത് വരെ കല്ലിടല് ഒഴിവാക്കിയ സര്ക്കാര് ഇനി കല്ലിടാതെ ജിപിഎസ് സര്വേ നടത്തുമെന്ന് അറിയിച്ചിരിക്കായാണ്. അതേസമയം സര്ക്കാര് തീരുമാനം യുഡിഎഫിന്റെ വിജയമായാണ് പ്രതിപക്ഷം കണക്കു കൂട്ടുന്നത്.
എന്നാല് ട്വിസ്റ്റുമായി എത്തിയത് മെട്രോമാന് ഇ ശ്രീധരനാണ് സില്വര് ലൈനിന് ബദലായി പുതിയൊരു വിസ്മയ പദ്ധതിയുമായാണ് മെട്രോമാന്റെ വരവ്. സ്ഥലമേറ്റെടുക്കലോ, കുടിയൊഴിപ്പിക്കലോ ഒന്നും ആവശ്യമില്ല. അല്ലാതെതന്നെ നിലവിലെ റെയില്പാതയുടെ വികസനം കൊണ്ടുമാത്രം വേഗത്തിലുള്ള ട്രെയിന് യാത്ര സാദ്ധ്യമാകുന്ന ഒരു മികച്ച പദ്ധതിയുമായിട്ടാണ് മെട്രോമാന്റെ വരവ്. പണച്ചെലവും വളരെ കുറച്ചുകൊണ്ടുള്ള ഈ പദ്ധതിയ്ക്ക് കേന്ദ്രം എസ് മൂളുമെന്നു തന്നെയാണ് പ്രതീക്ഷ. അങ്ങനെയെങ്കില് പിണറായിയുടെ കെ റെയില് ഗോവിദ്ദയാകും. പൊതുജനങ്ങളിലും ജനപ്രതിനിധികളില് നിന്നും അഭിപ്രായം സ്വീകരിച്ചശേഷം പദ്ധതി കേന്ദ്രത്തിന് സമര്പ്പിക്കാനാണ് മെട്രോമാന്റെ നീക്കം. ഇത് ജനങ്ങള്ക്കിടയില് പദ്ധതിയുടെ സ്വീകാര്യത വര്ദ്ധിപ്പിക്കുകയും. പിണറായിക്കും കെറെയിലിനും വലിയ തിരിച്ചടിയാകുകയും ചെയ്യും, പൊന്നാനിയില് കേന്ദ്രമന്ത്രി വി മുരളീധരനുമായി നടത്തിയ കൂടികാഴ്ച്ചക്ക് ശേഷമായിരുന്നു ബദല് പദ്ധതിയെക്കുറിച്ചുള്ള വെളിപ്പെടുത്തല് അദേഹം നടത്തിയത്.
ഹ്രസ്വകാല, ദീര്ഘകാല പദ്ധതികളാണ് നടപ്പാക്കുന്നത്. റോഡിലെ തിരക്ക് കുറയ്ക്കാനായി ആദ്യം ഹ്രസ്വകാല പദ്ധതി നടപ്പിലാക്കും. ഇതിലൂടെ രണ്ടുലക്ഷത്തോളം പേരെ ട്രെയിന് യാത്രക്കാരാക്കി മാറ്റും. തുടര്ന്ന് ദീര്ഘകാല പദ്ധതി നടപ്പാക്കും. നിലവിലെ ഓപ്പറേഷന് രീതി, സിഗ്നലിംഗ് സംവിധാനം തുടങ്ങിയവ മാറ്റുക എന്നിവയാണ് ഇതില് ഏറ്റവും പ്രധാനം. ഇത് പൂര്ണമായി നടപ്പാക്കാന് സില്വര് ലൈന് നടപ്പിലാക്കുന്നതിനെക്കാള് കുറഞ്ഞ സമയവും ചെലവും മതിയാവും എന്ന വസ്തുത മനസ്സിലാക്കിയാണ് മെട്രോമാന്റെ പദ്ധതി.
https://www.facebook.com/Malayalivartha
