നടി ആക്രമിക്കപ്പെട്ട കേസില്‍ കാവ്യ മാധവന് കുരുക്ക് മുറുകുകയാണ്. നടിയും ദിലീപിന്റഎ ഭാര്യയുമായ കാവ്യയെ പൂട്ടാനുള്ള നിര്‍ണായ തെളിവുകള്‍ പ്രോസിക്യൂഷന്‍ ഹൈക്കോടതിയില്‍ എത്തിച്ചിട്ടുണ്ട്.

ആലുവയിലെ പത്മസരോവരത്തില്‍ വെച്ച് ക്രൈംബ്രാഞ്ച് സംഘം ചോദ്യം ചെയ്തപ്പോള്‍, താനൊന്നും അറിഞ്ഞില്ലേ രാമ നാരായണ എന്നായിരുന്നു കാവ്യയുടെ മൊഴി.. എന്നാല്‍ കാവ്യ അന്ന് പറഞ്ഞതെല്ലാം പച്ച കള്ളമാണെന്നാണ് തെളിഞ്ഞിരിക്കുന്നത്.

96 എന്ന നംബറുള്ള മൊബൈല്‍ഫോണ്‍ താന്‍ ഉപയോഗിച്ചതല്ലെന്നായിരുന്നു കാവ്യാമാധവന്‍ ചോദ്യംചെയ്തപ്പോള്‍ പറഞ്ഞത്. എന്നാല്‍, ഇത് കാവ്യാമാധവന്‍ ഉപയോഗിച്ചതാണെന്നതിനുള്ള തെളിവ് കിട്ടിയിട്ടുണ്ട് എന്ന് ക്രൈം ബ്രാഞ്ച് കോടതിയില്‍ അറിയിച്ചു. കല്യാണത്തിന് മുമ്പ് കാവ്യ ദിലീപിനെ ബന്ധപ്പെടാന്‍ ഉപയോഗിച്ചിരുന്നതെന്നും കുറ്റകൃത്യത്തില്‍ ഈ ഫോണിന് നിര്‍ണായക പങ്കുണ്ടെന്നും തെളിഞ്ഞിട്ടുണ്ട്. മാത്രമല്ല കാവ്യാമാധവന്റെ അമ്മയുടെ പേരിലുള്ള ഫോണ്‍ എടുത്തിരിക്കുന്നതെന്ന് അന്വേഷണത്തില്‍ നിന്ന് കണ്ടെത്തിയിട്ടുണ്ട്.

കൂടാത പള്‍സര്‍ സുനിയും കാവ്യയും തമ്മിലുള്ള ബന്ധവും ഇപ്പോള്‍ വെളിച്ചത്ത് വന്നിരിക്കുകയാണ്. പള്‍സര്‍ സുനി കാവ്യാമാധവന്റെയും ഡ്രൈവറായിരുന്നു. അതുകൊണ്ട് കേസിന്റെ തുടക്കം മുതല്‍ കേട്ടിരുന്ന മാഡം കാവ്യയാണോ എന്ന സംശയത്തിലാണ് അന്വേഷണ സംഘമുള്ളത്.

ദിലീപിന്റെ സഹോദരന്‍ അനൂപിന്റെ മൊബൈല്‍ഫോണില്‍നിന്ന് നടിയെ ആക്രമിച്ചതിന്റെ ദൃശ്യങ്ങളുടെ ഫോട്ടോ കിട്ടിയിട്ടുണ്ടെന്ന് നേരത്തെ പ്രോസിക്യൂഷന്‍ വ്യക്തമാക്കിയിരുന്നു. കൂടാതെ 2015ല്‍ പള്‍സര്‍ സുനിക്ക് ദിലീപ് ഒരുലക്ഷംരൂപ കൈമാറിയതിന്റെ തെളിവുകള്‍ കിട്ടിയതായി പ്രോസിക്യൂഷന്‍ ഹൈക്കോടതിയില്‍ അറിയിച്ചിരുന്നു.

അതേസമയം അതിജീവിത മുഖ്യമന്ത്രിയെ കണ്ടപ്പോള്‍ ഒരു ഉറപ്പ് നല്‍കിയിരുന്നു. പേടിക്കേണ്ട ശക്തമായ അന്വേഷണം നടക്കും. ക്രൈം ബ്രാഞ്ച് അന്വേഷണം വീണ്ടും ശക്തിപ്പെടുകയാണ്. നടിയെ ബലാത്സംഗം ചെയ്ത ദൃശ്യങ്ങള്‍ ദിലീപിന്റെ കൈവശമുണ്ടെന്ന് ക്രൈംബ്രാഞ്ച്. ദിലീപിന്റെ സഹോദരന്‍ അനൂപിന്റെ ഫോണില്‍ നിന്ന് തെളിവുകള്‍ ലഭിച്ചു. തുടരന്വേഷണത്തിന് സാവകാശം തേടി ഹൈക്കോടതിയില്‍ സമര്‍പ്പിച്ച ഹര്‍ജിയിലാണ് വെളിപ്പെടുത്തല്‍.

കോടതിയില്‍ നിന്ന് ദൃശ്യങ്ങള്‍ ചോര്‍ന്നതില്‍ അന്വേഷണം തടഞ്ഞ വിചാരണ കോടതി ജഡ്ജയിയുടെ നടപടി ആശ്ചര്യപ്പെടുത്തുന്നതാണെന്നും ക്രൈംബ്രാഞ്ച് ഹൈക്കോടതിയെ അറിയിച്ചു. നടിയെ ആക്രമിച്ച് പകര്‍ത്തിയ ദൃശ്യങ്ങള്‍ കേസിലെ എട്ടാം പ്രതിയായ ദിലീപിന്റെ കൈവശമുണ്ടെന്നതിന് കൃത്യമായ തെളിവുണ്ടെന്നാണ് ക്രൈംബ്രാഞ്ചിന്റെ വെളിപ്പെടുത്തല്‍.

എട്ടാം പ്രതിയായ ദിലീപിന്റെ ഫോണില്‍ നിന്ന് മാത്രം ഏതാണ്ട് 200 മണിക്കൂര്‍ നീളുന്ന ഓഡിയോ ക്ലിപ്പുകളും 10,000 ലേറെ വീഡിയോകളും കിട്ടി. പരിശോധിച്ച സുരാജിന്റെയും അനൂപിന്റെയും ഫോണുകളില്‍ നിന്ന് ലഭിച്ചത് സുപ്രധാന വിവരങ്ങള്‍.

ഈ സാഹചര്യത്തില്‍ സൈബര്‍ രേഖകള്‍ സൂക്ഷ്മമായി പരിശോധിച്ചുള്ള തുടരന്വേഷണത്തിനായി മൂന്ന് മാസം കൂടി സമയം വേണമെന്ന് ക്രൈംബ്രാഞ്ച് ഹൈക്കോടതിയെ അറിയിച്ചു.