വളരെ ഞെട്ടിക്കുന്ന സംഭവമാണ് പുറത്ത് വരുന്നത്. കോഴിക്കോട് തിരുവമ്പാടി റബർ എസ്റ്റേറ്റിനോടു ചേർന്ന വാപ്പാട്ട് കാടുമൂടിയ സ്ഥലത്ത് മൃതദേഹ അവശിഷ്ടങ്ങൾ കണ്ടെത്തി. ശനിയാഴ്ച വൈകിട്ട് ആറിനാണ് അവശിഷ്ടങ്ങൾ കണ്ടതെന്ന് പൊലീസ് പറഞ്ഞു. കേസ് റജിസ്റ്റർ ചെയ്ത് അന്വേഷ‌ണം ആരംഭിച്ചു. പോസ്റ്റ്മോർട്ടം ഉൾപ്പെടെ തുടർ നടപടികൾ നടത്തുമെന്ന് പൊലീസ് അറിയിച്ചു. അതിനുശേഷം മാത്രമേ പുറത്ത് വരുകയുള്ളു.

നാട്ടുകാരും ഭയപ്പാടോടെയാണ് സംഭവത്തെ കാണുന്നത്. മനുഷ്യാസ്ഥികൾ ചിതറിക്കിടക്കുന്ന അവസ്ഥയിലാണ്. സമീപം തലയോട്ടിയുമുണ്ട്. അവശിഷ്ടങ്ങൾക്ക് മാസങ്ങളുടെ പഴക്കമുണ്ടന്നാണ് സൂചന. സമീപത്തെ മരത്തിൽ തുണി തൂങ്ങിക്കിടക്കുന്നുണ്ട്. എസ്റ്റേറ്റിൽ വിറക് ശേഖരിക്കാൻ പോയ ആളാണ് അസ്ഥികൂടവും തലയോട്ടിയും കണ്ടത്. എന്തായാലും അന്വേഷണം തുടങ്ങിയിരിക്കുകയാണ് പോലീസ്.