സംസ്ഥാനത്തെ മഴ മുന്നറിയിപ്പില് മാറ്റം; ചക്രവാതചുഴി, കേരളത്തിൽ ശക്തമായ മഴ ഉണ്ടാകും; മണിക്കൂറില് കൂടുതല് ശക്തി പ്രാപിക്കും, ഇടി മിന്നലിനും സാധ്യത; 13 ജില്ലകളില് യെല്ലോ അലര്ട്ട്; ജാഗ്രത നിർദ്ദേശം
സംസ്ഥാനത്തെ മഴ മുന്നറിയിപ്പില് മാറ്റം. ഇന്ന് കാസര്കോട് ഒഴികെയുള്ള ജില്ലകളില് ശക്തമായ മഴ പെയ്യുമെന്ന് കേന്ദ്രകാലാവസ്ഥ വകുപ്പിന്റെ മുന്നറിയിപ്പ്. കേരളത്തിൽ ശക്തമായ മഴ കണക്കിലെടുത്ത് തിരുവനന്തപുരം മുതല് കണ്ണൂര് വരെയുള്ള ജില്ലകളില് യെല്ലോ അലര്ട്ട് പ്രഖ്യാപിച്ചു.
അതേസമയം നാളെ കാസര്കോട്, കണ്ണൂര് ഒഴികെയുള്ള ജില്ലകളിലാണ് യെല്ലോ അലര്ട്ട്. തുടർന്ന് വ്യാഴാഴ്ച തിരുവനന്തപുരം, കൊല്ലം, വയനാട്, കണ്ണൂര്, കാസര്കോട് ഒഴികെയുള്ള ജില്ലകളിലും വെള്ളിയാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴസ കോട്ടയം,കാസര്കോട് ഒഴികെയുള്ള ജില്ലകളിലും യെല്ലോ അലര്ട്ട് പ്രഖ്യാപിച്ചു.
നിലവിൽ തെക്ക് കിഴക്കന് അറബിക്കടലില് കേരള തീരത്തിന് സമീപത്തായി ചക്രവാതചുഴി നിലനില്ക്കുന്നുണ്ട്. ചക്രവാതചുഴിയില് നിന്നും വടക്ക് പടിഞ്ഞാറന് ബംഗാള് ഉള്ക്കടല് വരെ കേരള, തമിഴ്നാടിനു മുകളിലൂടെ ന്യുനമര്ദ്ദ പാത്തി സ്ഥിതിചെയ്യുന്നു. ഇത് കൂടാതെ തെക്ക് പടിഞ്ഞാറന് അറബികടലില് മറ്റൊരു ചക്രവാതചുഴിയും നിലനില്ക്കുന്നു.
ഇതേസമയം തന്നെ ബംഗാള് ഉള്കടലില് ന്യുന മര്ദ്ദ സാധ്യതയുള്ളതായും കാലാവസ്ഥ വകുപ്പ് അറിയിച്ചിട്ടുണ്ട്. തെക്കന് ആന്ഡമാന് കടലിനു മുകളില് ചക്രവാതചുഴി നിലനില്ക്കുന്നു. അതിനാൽ ഒക്ടോബര് 20 ഓടെ വടക്ക് കിഴക്കന് ബംഗാള് ഉള്കടലില് ന്യൂനമര്ദ്ദമായി ശക്തി പ്രാപിക്കാന് സാധ്യതയുണ്ട്. ഈ സാഹചര്യത്തിൽ പടിഞ്ഞാറു വടക്ക് പടിഞ്ഞാറന് ദിശയില് സഞ്ചരിച്ചു തുടര്ന്നുള്ള 48 മണിക്കൂറില് കൂടുതല് ശക്തി പ്രാപിക്കാന് സാധ്യതയെന്നും കേന്ദ്ര കാലാവസ്ഥ വകുപ്പ് അറിയിക്കുന്നു.
ഇതേതുടർന്ന് കേരളത്തില് കേരളത്തില് ഒക്ടോബര് 21 വരെ വ്യാപകമായ മഴക്ക് സാധ്യതയെന്നാണ് കാലാവസ്ഥ വകുപ്പിന്റെ മുന്നറിയിപ്പ്. ഒറ്റപ്പെട്ട സ്ഥലങ്ങളില് ശക്തമായ മഴ / ഇടി മിന്നലിനും സാധ്യതയുള്ളതായും കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. ഇടിമിന്നലിനെതിരെ ജനങ്ങള് ജാഗ്രത പാലിക്കണമെന്ന് അധികൃതര് നിര്ദേശിച്ചു.
https://www.facebook.com/Malayalivartha
