അമിതവേഗതയിലെത്തിയ സ്വകാര്യ ബസ് ഇടിച്ചുണ്ടായ അപകടത്തില്‍ സ്‌കൂട്ടര്‍ യാത്രക്കാരിയായ വീട്ടമ്മയ്ക്ക് ദാരുണാന്ത്യം. ഇടപ്പള്ളി ബാലകൃഷ്ണന്‍ റോഡില്‍ നേരിയക്കല്‍ സാജന്റെ ഭാര്യ ബീന (54) ആണ് മരിച്ചത്. ഒപ്പമുണ്ടായിരുന്ന മകള്‍ ജിബിനയെ ഗുരുതര പരിക്കോടെ ആശുപത്രിയില്‍ പ്രവേശിപ്പിച്ചു.

വൈകിട്ട് ഏഴിന് ഇടപ്പള്ളി പള്ളിക്കു മുന്നിലായിരുന്നു അപകടം നടന്നത് . ബസുകളുടെ മത്സരയോട്ടമാണ് അപകടകാരണമെന്നു ദൃക്സാക്ഷികള്‍ പറഞ്ഞു. ഫോര്‍ട്ടുകൊച്ചി-ആലുവ റൂട്ടില്‍ സര്‍വീസ് നടത്തുന്ന ബാദുഷ ബസാണ് സ്‌കൂട്ടറില്‍ ഇടിച്ച് അപകടമുണ്ടാക്കിയത്.