ശ്യാംജിത്തിന്റെ വീടിനടുത്തുള്ള പറമ്പില്‍ പ്രതിയുമായുള്ള തെളിവെടുപ്പ്  ..... കൊലപാതക സമയത്ത് ഉപയോഗിച്ച വസ്ത്രങ്ങള്‍, ഷൂസ് എന്നിവ കണ്ടെത്തി... ഇവ വെള്ളത്തില്‍ താഴ്ത്തിയ നിലയില്‍...  കൊലപാതകം മൂന്നു ദിവസം മുന്‍പെങ്കിലും ആസൂത്രണം ചെയ്തിരുന്നുവെന്നാണ് പൊലീസിന്റെ നിഗമനം

വീട്ടിലെ കിടപ്പുമുറിയില്‍ യുവതിയെ പട്ടാപ്പകല്‍ കൊലപ്പെടുത്തിയതിനു ശേഷം പ്രതി കൂത്തുപറമ്പ് മാനന്തേരി സ്വദേശി താഴെകളത്തില്‍ എം.ശ്യാംജിത്ത് രക്ഷപ്പെട്ടത് വീടിന്റെ പിന്‍വശത്തെ ഇടവഴിയിലൂടെയെന്ന് സൂചനകള്‍ . കൊല്ലപ്പെട്ട വിഷ്ണുപ്രിയയുടെ വീട്ടിലേക്കുള്ള ഇടവഴിയെ കുറിച്ച് ശ്യാംജിത്തിന് അറിയാമായിരുന്നുവെന്നാണ് രക്ഷപ്പെട്ട വഴി നല്‍കുന്ന സൂചന.

ആയുധവുമായി എത്തിയ ശ്യാംജിത്ത് മുത്താറിപ്പീടിക റോഡിലെത്തി കൂത്തുപറമ്പ് ഭാഗത്തേക്കു പോയെന്നു മനസ്സിലാക്കി പൊലീസ് നീങ്ങിയതാണ് പ്രതിയെ വേഗത്തില്‍ പിടികൂടാനായി സഹായിച്ചത്. കൊലപാതകശേഷം ശ്യാംജിത്ത് ഉപേക്ഷിച്ച ആയുധങ്ങള്‍ പൊലീസ് കണ്ടെത്തി.

വിഷ്ണുപ്രിയയുടെ ശരീരത്തില്‍ 18 ഓളം മുറിവുകളാണ് ഉണ്ടായിരുന്നത്. കഴുത്തുഭാഗം അറ്റു തൂങ്ങിയ നിലയിലാണ്. കൈ കാലുകള്‍ ഉള്‍പ്പെടെ ശരീരമാസകലം വെട്ടേറ്റിരുന്നു.

അഞ്ചുവര്‍ഷത്തോളമായി ഇരുവരും പ്രണയത്തിലായിരുന്നു, മൂന്നു മാസത്തിലേറേയായി തന്നെ പൂര്‍ണമായും വിഷ്ണുപ്രിയ അവഗണിച്ചതോടെ വിഷ്ണുപ്രിയയെ കൊലപ്പെടുത്താന്‍ ശ്യാംജിത്ത് തീരുമാനിക്കുകയായിരുന്നുവെന്നു പൊലീസ് പറയുന്നു. കൊലപ്പെടുത്തണമെന്ന ലക്ഷ്യത്തോടെ ആയുധങ്ങളുമായാണു ശ്യാംജിത്ത് വിഷ്ണുപ്രിയയുടെ വീട്ടിലെത്തിയതെന്നു പൊലീസ. വീടിന്റെ പിന്‍വാതില്‍ വഴിയാണ് പ്രതി അകത്തു കടന്നത്. കിടപ്പുമുറിയിലായിരുന്ന വിഷ്ണുപ്രിയയെ ചുറ്റികകൊണ്ടു തലയ്ക്ക് അടിച്ചു കട്ടിലില്‍ വീഴ്ത്തിയ ശേഷം കയ്യില്‍ കരുതിയിരുന്ന കത്തികൊണ്ട് കഴുത്ത് അറുക്കുകയും ശരീരമാസകലം വെട്ടുകയുമായിരുന്നുവെന്നു പൊലീസ് .