.സര്വകലാശാലകളുമായി ബന്ധപ്പെട്ട വിഷയങ്ങളില് ജസ്റ്റിസ് ദേവന് രാമചന്ദ്രന്റെ പല വിധികളും ചര്ച്ചയായിരുന്നു. കേരള സര്വകലാശാലയില് വി സി സെര്ച്ച് കമ്മിറ്റി പ്രതിനിധിയെ ഉടന് നിശ്ചയിക്കണം എന്ന് നിര്ദ്ദേശിച്ചുള്ള വിധിയില് ചില സുപ്രധാന നിരീക്ഷണങ്ങള് അദ്ദേഹം നടത്തിയിരുന്നു. യുജിസി നിഷ്കര്ഷിക്കുന്ന യോഗ്യതകളുള്ള വ്യക്തിയെ വി സിയാക്കി സര്വകലാശാലയുടെ പ്രതിസന്ധിക്ക് പരിഹാരമുണ്ടാക്കണമെന്നായിരുന്നു ജസ്റ്റിസിന്റെ നിര്ദ്ദേശം.
ഹൈക്കോടതി ജഡ്ജി ജസ്റ്റിസ് ദേവന് രാമചന്ദ്രന് ബഞ്ചില് നിന്നും കെഎസ്ആര്ടിസി, സര്വകലാശാല വിഷയങ്ങള് എടുത്തുമാറ്റി പകരം അപ്പീല് കമ്പനി കേസുകളുടെ ചുമല നല്കി . ചീഫ് ജസ്റ്റിസാണ് തിങ്കളാഴ്ച ഹൈക്കോടതി ജഡ്ജിമാരുടെ പരിഗണനാ വിഷയങ്ങളില് മാറ്റം വരുത്തിയത്. ജസ്റ്റിസ് സതീഷ് നൈനാന് ആണ് കെഎസ്ആര്ടിസി, സര്വകലാശാല വിഷയങ്ങള് ഇനി പരിഗണിക്കുക. സിപിഎം നും സര്ക്കാരിനും ഏറെ തലവേദനയുണ്ടാക്കിയ വിധികള് പ്രസ്താവിച്ച ജസ്റ്റിസ് ദേവന് രാമചന്ദ്രന്റൈ പരിഗണനാ വിഷയങ്ങള് മാറ്റിയത് സര്ക്കാരിന് ഏറെ ആശ്വാസം നല്കുന്നതാണ്.
നേരത്തെ പൊലീസ് അതിക്രമം സംബന്ധിച്ച കേസുകള് പരിഗണിക്കുന്നതില് നിന്നും അദ്ദേഹത്തെ മാറ്റിയിരുന്നു. കഴിഞ്ഞ വര്ഷം, പൊലീസ് ഉദ്യോഗസ്ഥരുടെ അതിക്രമങ്ങള്ക്കെതിരെ കര്ശന നിലപാട് സ്വീകരിച്ച ജസ്റ്റിസ് ദേവന് രാമചന്ദ്രന്റെ ഇടപെടലുകള് ഏറെ ശ്രദ്ധ നേടിയിരുന്നു. നോക്കുകൂലി ആവശ്യപ്പെടുന്നവരില് നിന്ന് പൊലീസ് സംരക്ഷണം തേടിയുള്ള ഹര്ജികളില് നോക്കുകൂലിക്കെതിരെ കര്ശന നടപടിയെടുക്കാന് അദ്ദേഹം ഉത്തരവിട്ടിരുന്നു. മോന്സണ് മാവുങ്കല് കേസ്, പിങ്ക് പൊലീസ് കേസ്, തെന്മലയിലെ പൊലീസ് അതിക്രമം തുടങ്ങിയ കേസുകളില് പൊലീസിനെ അദ്ദേഹം നിശിതമായി വിമര്ശിച്ചിരുന്നു. കോടതിയുടെ തുടര്ച്ചയായ വിമര്ശനങ്ങളുടെ പശ്ചാത്തലത്തില് ഡിജിപി ഉന്നതതലയോഗം വിളിച്ച് ആവശ്യമായ നടപടികള് സ്വീകരിക്കാന് നിര്ദ്ദേശിക്കുകയും ചെയ്തിരുന്നു. സ്റ്റേഷനിലെത്തുന്ന പൊതുജനങ്ങളോട് പൊലീസ് മാന്യമായി പെരുമാറണമെന്ന ഹൈക്കോടതി ഉത്തരവും ജസ്റ്റിസ് ദേവന് രാമചന്ദ്രന്റേതായിരുന്നു.
്.സര്വകലാശാലകളുമായി ബന്ധപ്പെട്ട വിഷയങ്ങളില് ജസ്റ്റിസ് ദേവന് രാമചന്ദ്രന്റെ പല വിധികളും ചര്ച്ചയായിരുന്നു. കേരള സര്വകലാശാലയില് വി സി സെര്ച്ച് കമ്മിറ്റി പ്രതിനിധിയെ ഉടന് നിശ്ചയിക്കണം എന്ന് നിര്ദ്ദേശിച്ചുള്ള വിധിയില് ചില സുപ്രധാന നിരീക്ഷണങ്ങള് അദ്ദേഹം നടത്തിയിരുന്നു. യുജിസി നിഷ്കര്ഷിക്കുന്ന യോഗ്യതകളുള്ള വ്യക്തിയെ വി സിയാക്കി സര്വകലാശാലയുടെ പ്രതിസന്ധിക്ക് പരിഹാരമുണ്ടാക്കണമെന്നായിരുന്നു ജസ്റ്റിസിന്റെ നിര്ദ്ദേശം. സര്വകലാശാലയുടെ മാത്രമല്ല സംസ്ഥാനത്തിന്റെയും പ്രതിച്ഛായയ്ക്ക് മങ്ങലേല്പ്പിക്കുന്ന അനിശ്ചിതത്വത്തിന് ദൂരവ്യാപക പ്രത്യാഘാതമുണ്ടാകുമെന്ന തിരിച്ചറിവ് എല്ലാവര്ക്കുമുണ്ടാകണമെന്നും അദ്ദേഹം ചൂണ്ടിക്കാട്ടി.
പിന്നീട് സര്വ്വകലാശാല വിസി നിയമനത്തിലെ സെര്ച്ച് കമ്മറ്റിയില് ഗവര്ണറുടെ നോമിനി വേണമെന്ന വിധി ഡിവിഷന് ബെഞ്ച് സ്റ്റേ ചെയ്തതോടെ ജസ്റ്റിസ് ദേവന് രാമചന്ദ്രനെതിരെ വിമര്ശനവുമായി സിപിഐഎം സംസ്ഥാന കമ്മിറ്റി അംഗവും കണ്ണൂര് ജില്ല സെക്രട്ടറിയുമായ എം.വി ജയരാജന് രംഗത്തെത്തിയിരുന്നു. ജസ്റ്റിസ് ദേവന് രാമചന്ദ്രന് എന്ന വ്യക്തിയുടെ നിയമത്തിന് നിയമബോധമുള്ള ഡിവിഷന് ബെഞ്ച് വില കല്പിച്ചില്ലെന്നത് സ്വാഗതാര്ഹമാണെന്നായിരുന്നു ജയരാജന് പ്രതികരിച്ചത്.'ദേവന് രാമചന്ദ്രന് നിയമത്തെക്കുറിച്ച് വീണ്ടും' എന്ന തലക്കെട്ടോടെയായിരുന്നു എംവി ജയരാജന്റെ വിമര്ശനങ്ങള്.
ഹൈക്കോടതി ജസ്റ്റിസിനോ ഗവര്ണര്ക്കോ ഭരണഘടനാ അധികാരം നല്കിയിട്ടില്ലെന്നും തന്റെ പ്രതികരണത്തില് ജയരാജന് പറഞ്ഞു. രണ്ടുപേരും ഭരണഘടന വ്യവസ്ഥയനുസരിച്ച് നിയമിക്കപ്പെട്ടവരാണ്, തെരഞ്ഞെടുക്കപ്പെട്ടവരല്ല. ഇക്കാര്യം ഡിവിഷന് ബെഞ്ചിന്റെ വിധിയുടെ പശ്ചാത്തലത്തില് രണ്ടുകൂട്ടരും ഓര്ക്കുന്നത് നന്നാണെന്നും എംവി ജയരാജന് പറഞ്ഞിരുന്നു.കേരള സാങ്കേതിക സര്വകലാശാല വി സിയായി സിസാ തോമസിനെ ഗവര്ണര് നിയമിച്ചത് ചോദ്യം ചെയ്തുള്ള ഹര്ജി ജസ്റ്റിസ് രാമചന്ദ്രന് തള്ളിയത് സര്ക്കരിന് വന് തിരിച്ചടിയായിരുന്നു. ഡിജിറ്റല് സര്വകലാശാല വിസിയെ സാങ്കേതിക സര്വകലാശാല താല്കാലിക വിസി ആക്കണമെന്ന സര്ക്കാര് ശുപാര്ശ ഗവര്ണര് തള്ളിയതില് അപാകത ഇല്ലെന്നും് കോടതി വ്യക്തമാക്കുകയായിരുന്നു. സര്ക്കാര് സര്വ്വകലാശാലകളുടെ ദൈനംദിന കാര്യങ്ങളില് ഇടപെടരുതെന്ന് നിരവധി സുപ്രിം കോടതി വിധികള് ഉണ്ടെന്ന് കോടതി ചൂണ്ടിക്കാട്ടി.
കണ്ണൂര് സര്വകലാശാല അസോസിയേറ്റ് പ്രൊഫസറാകാന് പ്രിയ വര്ഗ്ഗീസിന് യോഗ്യതയില്ലെന്ന വിധി പുറപ്പെടുവിച്ചതും ജസ്റ്റിസ് ദേവന് രാമചന്ദ്രനാണ്. .പ്രിയ വര്ഗീസ് അവകാശപ്പെടുന്ന സേവനങ്ങള് മതിയായ അദ്ധ്യാപക പരിചയം അല്ലെന്ന വിധിയും സര്വകലാശാലയ്ക്കും, സര്്ക്കാരിനും ക്ഷീണമായിരുന്നു. ദേവന് രാമചന്ദ്രന് മാത്രമല്ല സിപിഎം ന് ഇഷ്ടപെടാത്ത് വിധി പറഞ്ഞ ജഡ്ജിമാര്ക്കെതിരെ മുന്കാലങ്ങളിലും ഇത്തരത്തിലുള്ള അക്രമങ്ങള് സിപിഎം നടത്തിയിട്ടുണ്ട്. സ്വാശ്രയ കോളെജ് വിഷയത്തില് വിധി പറഞ്ഞ ജഡ്ജിയെ പ്രതീകാത്മകമായി ചെരുപ്പുമാല അണിഞ്ഞ് നാടുകടത്തിയ പാരമ്പര്യമുളള പാര്ട്ടിയാണ് സിപിഎം എന്നതും ഓര്ക്കേണ്ടതാണ്.
https://www.facebook.com/Malayalivartha
