അടിച്ച് നിന്റെ പണി ഞാൻ തീർക്കും... നീ അല്ലെടീ ആലപ്പുഴയിൽ നിന്ന് പണം കൊടുക്കാൻ ആളെ ഇറക്കിയത്'; ആലപ്പുഴയിലെ ബിജെപി പ്രവർത്തകയ്ക്കെതിരെ ഭീഷണിയുമായി ശോഭാ സുരേന്ദ്രൻ.ബിന്ദു വിനയകുമാറിനെതിരെയാണ് ശോഭയുടെ ഭീഷണി ... വോട്ടിന് നോട്ട് വിവാദത്തിന് പിന്നാലെ സംഭവത്തിൽ വനിതാ ബിജെപി പ്രവർത്തകയെ ഭീഷണിപ്പെടുത്തുന്ന ശബ്ദ സന്ദേശമാണ് പുറത്ത് വരുന്നത്. നിലവിൽ വോട്ടിന് വേണ്ടി പണമിറക്കിയോ എന്ന കാര്യത്തിൽ വ്യക്തത വരും മുമ്പാണ് ഈ ഭീഷണി സന്ദേശം കൂടെ പുറത്ത് വരുന്നത്.

തനിക്കെതിരെ ​ഗൂഢാലോചന നടക്കുന്നതിന്റെ ഭാ​ഗമായാണ് കോൺ​ഗ്രസ് ഇത്തരമൊരു വീഡിയോ ചിത്രീകരിച്ചതെന്ന ന്യായീകരണം നൽകി ശോഭാ സുരേന്ദ്രൻ വിവാദങ്ങൾ കെട്ടടക്കാൻ ശ്രമിക്കുന്നതിനിടെ വെള്ളിടിയേറ്റത് പോലെ ദല്ലാൾ നന്ദകുമാറും രം​ഗത്ത് എത്തിയിരിക്കുകയാണ്. വോട്ടിന് നോട്ട് കൊടുത്തു എന്ന വിവാദമുണ്ടായ അതേ ദിവസം തന്നെ തനിക്ക് തരാനുള്ള 10 ലക്ഷം രൂപ ശോഭ സുരേന്ദ്രൻ തന്നു എന്നാണ് വെളിപ്പെടുത്തൽ.

തെരഞ്ഞെടുപ്പിന് രണ്ട് ദിവസം മുമ്പ് പണം തിരികെ കിട്ടിയെന്നാണ് ദല്ലാൾ നന്ദകുമാർ മാധ്യമങ്ങളോട് വിശദീകരിച്ചത്. ഏപ്രിൽ 7 ന് പണം അക്കൗണ്ടിലേക്ക് ഇട്ടു. ഹരിഹരൻ എന്ന വ്യക്തിയുടെ അക്കൗണ്ടിൽ നിന്നാണ് തുക ലഭിച്ചതെന്നും നന്ദകുമാർ വെളിപ്പെടുത്തി. ഭൂമി നൽകാമെന്ന വാഗ്ദാനത്തിലാണ് പണം വാങ്ങിയതെന്നും പിന്നീട് ഭൂമി ലഭിക്കാത്ത സാഹചര്യത്തിലാണ് വിവാദം ഉണ്ടായതെന്നും അദ്ദേഹം വിശദീകരിച്ചു. ഇപ്പോൾ പണം തിരികെ ലഭിച്ച സാഹചര്യത്തിൽ കേസ് പിൻവലിക്കുമെന്നും നന്ദകുമാർ കൂട്ടിച്ചേർത്തു. മധ്യസ്ഥരുടെ വഴിയാണ് പണം നൽകിയതെന്നും, ഏത് അക്കൗണ്ടിലേക്കാണ് തുക നൽകേണ്ടതെന്ന് മുൻകൂട്ടി വിളിച്ച് ചോദിച്ചതായും ദല്ലാൾ നന്ദകുമാർ പറഞ്ഞു.

അതേസമയം, പുതുച്ചേരി ലെഫ്റ്റനന്റ് ഗവർണർ പദവി ലക്ഷ്യമിട്ട് ശോഭ സുരേന്ദ്രൻ വലിയ തുക ചെലവഴിച്ചെ അദ്ദേഹം ആരോപിച്ചു. കൂടാതെ, ഇ പി ജയരാജൻ‌നെ ചുറ്റിപ്പറ്റിയ വിവാദവും അടിസ്ഥാനരഹിതമാണെന്ന് നന്ദകുമാർ കൂട്ടിച്ചേർത്തു. നിയമസഭ തെരഞ്ഞെടുപ്പിൽ പാലക്കാട് നിന്ന് മത്സരിച്ച ശോഭ തോൽക്കുമെന്നും ദല്ലാൾ നന്ദകുമാർ പറഞ്ഞു. ശോഭയെ ആരോ മപ്പൂർവ്വം കുടുക്കയാണ് എന്നാണ് ദല്ലാൾ നന്ദകുമാർ പറയുന്നത്. നന്ദകുമാർ രം​ഗത്ത് എത്തിയതോടെ വിവാദം കൊഴുത്തു.. ഇനി അറിയാനുള്ളത് ശോഭാ സുരേന്ദ്രന്റെ മറുപടിയാണ്.