മന്ത്രിമാരെ തടഞ്ഞു... ലത്തീന് അതിരൂപത വികാരി ഫാ യൂജിന് പെരേരക്കെതിരെ എഫ്ഐആര് ഇട്ട് പോലീസ്; മന്ത്രിമാരെ തടഞ്ഞതിനും കലാപ ആഹ്വാനം ചെയ്തതിനുമാണ് കേസ്; ഫാ. യൂജിന് പെരേര മാത്രമാണ് കേസിലെ പ്രതി
മുതലപ്പൊഴി സംഭവത്തില് ആശ്വസിപ്പിക്കാന് സംസ്ഥാനത്തെ 3 മന്ത്രിമാരാണ് എത്തിയത്. എന്നാല് ഒട്ടും പ്രതീക്ഷിക്കാതെ ശക്തമായ പ്രതിഷേധത്തിന് വേദിയാകുകയായിരുന്നു. അവസാനം മന്ത്രിമാര്ക്ക് തിരിച്ച് പോരേണ്ടിയും വന്നു. പിന്നീട് മന്ത്രി വി ശിവന്കുട്ടി ലത്തീന് അതിരൂപത വികാരി ജനറല് ഫാ യൂജിന് പെരേരക്കെതിരെ രംഗത്തെത്തിയിരുന്നു.
ഇപ്പോഴിതാ ലത്തീന് അതിരൂപത വികാരി ജനറല് ഫാ യൂജിന് പെരേരക്കെതിരെ എഫ്ഐആര്. മന്ത്രിമാരെ തടഞ്ഞതിനും കലാപ ആഹ്വാനം ചെയ്തതിനും എതിരെയാണ് കേസെടുത്തിരിക്കുന്നത്. അഞ്ചുതെങ്ങ് പൊലീസ് സ്വമേധയാ ആണ് കേസെടുത്തത്. തിരുവനന്തപുരം ചിറയിന്കീഴ് മുതലപ്പൊഴിയില് മന്ത്രിമാരെ തടഞ്ഞതാണ് കേസിനാധാരം. ഫാ. യൂജിന് പെരേര മാത്രമാണ് കേസിലെ പ്രതി.
റോഡ് ഉപരോധിച്ചതിന് മറ്റൊരു കേസെടുത്തിട്ടുണ്ട്. കണ്ടാലറിയാവുന്ന 50 ലധികം പേര്ക്കതിരെയാണ് റോഡ് ഉപരോധിച്ചതിനിന് കേസെടുത്തത്. കലാപാഹ്വാനത്തിന് എന്ന പോലെ വികാരി ജനറല് ഫാദര് യൂജിന് പെരേരെയാണ് മന്ത്രിമാരെ തടയാന് ആള്ക്കൂട്ടത്തോട് ആവശ്യപ്പെട്ടതെന്ന് മന്ത്രി വി ശിവന്കുട്ടി ആരോപിച്ചിരുന്നു. എന്നാല്, ഷോ കാണിക്കരുതെന്ന് പറഞ്ഞ് തന്നോടും മത്സ്യത്തൊഴിലാളികളോടും കയര്ത്തത് മന്ത്രിമാരാണെന്ന് യൂജിന് പെരേര പറഞ്ഞു.
അപകടമുണ്ടായതില് തീരത്ത് ആശ്വസിപ്പിക്കാനായി ഇന്നലെ ഉച്ചയ്ക്ക് പന്ത്രണ്ടരയോടെ മന്ത്രിമാരായ വി ശിവന്കുട്ടിയും ആന്റണി രാജുവും ജിആര് അനിലും മുതലപ്പൊഴിയിലെത്തിയത്. മന്ത്രിമാരെ കണ്ടതോടെ പ്രതിഷേധം അവര്ക്ക് നേരെയായി. നിരന്തരം അപകടമുണ്ടായിട്ടും എന്ത് കൊണ്ട് നടപടി എടുക്കുന്നില്ലെന്നായിരുന്നു പ്രതിഷേധക്കാരുടെ ചോദ്യം. മന്ത്രിമാര് ആശ്വാസ വാക്കുകള് പറഞ്ഞെങ്കിലും കേട്ടില്ല.
ഇതിനിടെ സ്ഥലത്തെത്തിയ ലത്തീന് അതിരൂപതാ വികാരി ജനറല് യൂജിന് പെരേരയും മന്ത്രിമാരും തമ്മിലും വാക്കേറ്റമുണ്ടായി. വന്തുക മത്സ്യത്തൊഴിലാളികളില് നിന്ന് പിരിച്ച് പള്ളികള് ചൂഷണം ചെയ്യുകയാണെന്നും ശിവന്കുട്ടി ആരോപിച്ചു. എന്നാല് ആരോപണങ്ങള് തള്ളിയ യൂജിന് പെരേരെ പ്രശ്നം വഷളാക്കിയത് മന്ത്രിമാരാണെന്ന് കുറ്റപ്പെടുത്തി.
വിഴിഞ്ഞം സമരത്തിന് ശേഷമാണ് ഇപ്പോള് നേര്ക്ക് നേര് പോരാണ് നടന്നത്. വലിയ സംഘര്ഷത്തില് കലാശിച്ച വിഴിഞ്ഞം സമരം ഒത്ത് തീര്പ്പായതിന് പിന്നാലെയാണ് മുതലപ്പൊഴി പ്രശ്നത്തിലെ പുതിയ വിവാദവും ഏറ്റുമുട്ടലും പള്ളിയിലെ പിരിവ് എന്ന ആരോപണമടക്കം വീണ്ടും വലിയ ചര്ച്ചയാകും.
തിരുവനന്തപുരം ചിറയിന്കീഴ് മുതലപ്പൊഴിയില് മന്ത്രിമാരെ തടയാന് ആഹ്വാനം ചെയ്ത് ഫാദര് യുജീന് പേരേരയെന്ന് മന്ത്രി വി ശിവന്കുട്ടി പറഞ്ഞു. മത്സ്യബന്ധന വള്ളം മറിഞ്ഞതുമായി ബന്ധപ്പെട്ട് സംഭവസ്ഥലം സന്ദര്ശിച്ച മന്ത്രിമാരായ വി ശിവന്കുട്ടി, അഡ്വ. ആന്റണി രാജു, അഡ്വ. ജി ആര് അനില് എന്നിവരെ തടയാന് ആഹ്വാനം ചെയ്ത് ഫാദര് യുജീന് പേരേരയാണെന്നും ഫാദര് യുജീന് പേരേരയുടെ ആഹ്വാനം അനുസരിക്കാതെ നാട്ടുകാര് സംയമനം പാലിച്ചതിനാല് വലിയ സംഘര്ഷം ഒഴിവായെന്ന് മന്ത്രിമാര് വാര്ത്താകുറിപ്പില് അറിയിച്ചു.
ഇന്നലെ വെളുപ്പിനാണ് മത്സ്യബന്ധന വള്ളം മറിഞ്ഞത്. അതിരാവിലെതന്നെ ജില്ലാ ഭരണകൂടം തിരച്ചിലിന് വേണ്ട ക്രമീകരണങ്ങള് നടത്തി. ഡോണിയര് വിമാനം, ഹെലികോപ്റ്റര് എന്നിവയടക്കമുള്ളവയുടെ സഹായത്തോടെ കോസ്റ്റ് ഗാര്ഡ് , ലോക്കല് പോലീസ്, മറൈന് എന്ഫോഴ്സ്മെന്റ് തുടങ്ങിയ ഏജന്സികള് തിരച്ചില് രാവിലെ തന്നെ ആരംഭിച്ചു. ജില്ലാ അദാലത്ത് വെട്ടിച്ചുരുക്കി മന്ത്രിമാരും ഉദ്യോഗസ്ഥരും സംഭവസ്ഥലത്ത് എത്തി.
മത്സ്യത്തൊഴിലാളികള്ക്ക് പറയാനുള്ളത് മന്ത്രിമാര് സശ്രദ്ധം കേട്ടു. സ്കൂബാ ഡൈവേഴ്സിന്റെ സേവനം മത്സ്യത്തൊഴിലാളികളുടെ ആവശ്യപ്രകാരം ലഭ്യമാക്കി. ഇതിനുശേഷം മരിച്ച മത്സ്യത്തൊഴിലാളി കുഞ്ഞുമോന്റെ മൃതദേഹത്തില് മന്ത്രിമാര് ആദരാഞ്ജലികള് അര്പ്പിച്ചു. കുടുംബത്തെ വീട്ടിലെത്തി കണ്ട് ആശ്വസിപ്പിച്ചു. തുടര്ന്ന് മന്ത്രിമാര് തിരികെ പോകാന് ഒരുങ്ങുമ്പോഴാണ് ബിഷപ്പ് തോമസ് നെറ്റോയും ഫാദര് യുജീന് പേരേരയും സംഭവസ്ഥലത്ത് എത്തുന്നത്. സ്ഥലത്തെത്തിയ ഉടന് ഫാദര് യുജീന് പെരേര മന്ത്രിമാരെ തടയാന് ആഹ്വാനം ചെയ്യുകയായിരുന്നു. എന്നാല് നാട്ടുകാര് സംയമനം പാലിച്ചതിനെ തുടര്ന്ന് സംഘര്ഷം ഉണ്ടായില്ല. വി ജോയി എം. എല്. എ., ജില്ലാ കളക്ടര് ജെറോമിക് ജോര്ജ് ഐ എ എസ് തുടങ്ങിയവരും മന്ത്രിമാര്ക്കൊപ്പം ഉണ്ടായിരുന്നു. തുടര്ന്നുള്ള നടപടികള് ഏകോപിപ്പിക്കാന് മന്ത്രിമാരുടെ നിര്ദ്ദേശപ്രകാരം ജില്ലാ കളക്ടര് ആര് ഡി ഒയെ ചുമതലപ്പെടുത്തിയിട്ടുണ്ടെന്ന് മന്ത്രി വി ശിവന്കുട്ടി അറിയിച്ചു.
https://www.facebook.com/Malayalivartha
