സംസ്ഥാനത്തെ മഴക്കെടുതിയില് ഇന്ന് 3 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ചില ഇടങ്ങളില് അവധി....സംസ്ഥാനത്ത് അടുത്ത നാല് ദിവസം മഴ തുടരുമെന്ന് കാലാവസ്ഥ വകുപ്പ് മുന്നറിയിപ്പ് നല്കി, ഇന്ന് 5 ജില്ലകളില് ജാഗ്രത നിര്ദ്ദേശം
സംസ്ഥാനത്തെ മഴക്കെടുതിയില് ഇന്ന് 3 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നിശ്ചിത ഇടങ്ങളില് അവധി. ആലപ്പുഴ, കോട്ടയം, പത്തനംതിട്ട ജില്ലകളിലെ വിവിധ ഇടങ്ങളിലാണ് ഇന്ന് വിദ്യാഭ്യാസ സ്ഥാപനങ്ങള്ക്ക് അവധിയുള്ളത്. ആലപ്പുഴയില് കുട്ടനാട് താലൂക്കിലെ മുഴുവന് സ്കൂളുകള്ക്കും പ്രൊഫഷണല് കോളേജുകള്ക്കുമടക്കമാണ് അവധി പ്രഖ്യാപിച്ചത്.
കോട്ടയത്താകട്ടെ ദുരിതാശ്വാസ ക്യാമ്പുകള് പ്രവര്ത്തിക്കുന്ന എല്ലാ സ്കൂളുകള്ക്കുമാണ് അവധി. പത്തനംതിട്ട ജില്ലയിലും ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കാണ് ഇന്നും അവധി പ്രഖ്യാപിച്ചിട്ടുള്ളത്. കുട്ടനാട് താലൂക്കില് വിവിധ പാടശേഖരങ്ങളില് മടവീഴ്ച മൂലം നിലവില് ഏകദേശം പൂര്ണ്ണമായും വെളളക്കെട്ട് രൂക്ഷമായ സാഹചര്യത്തിലും താലൂക്കിലെ മിക്ക സ്കൂളുകളിലും ക്യാമ്പുകള് പ്രവര്ത്തിച്ചു വരുന്നതിനാലും ഇന്ന് കുട്ടനാട് താലൂക്കില് സ്കൂളുകള്ക്കും പ്രൊഫഷണല് കോളേജുകള്ക്കും ട്യൂഷന് സെന്ററുകള്ക്കും അംഗന്വാടികള്ക്കും ഉള്പ്പെടെ വിദ്യാഭ്യാസവുമായി ബന്ധപ്പെട്ട സ്ഥാപനങ്ങള്ക്കും കൂടാതെ ജില്ലയിലെ ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസസ്ഥാപനങ്ങള്ക്കും അവധി പ്രഖ്യാപിച്ച് ജില്ലാ കളക്ടര് ഉത്തരവായി. മുന് നിശ്ചയിച്ച പ്രകാരമുള്ള പരീക്ഷകള്ക്ക് മാറ്റമുണ്ടായിരിക്കുന്നതല്ല.
പത്തനംതിട്ട ജില്ലയില് ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് ഇന്ന് അവധിയായിരിക്കും അതേസമയം സംസ്ഥാനത്ത് ഇന്നടക്കം അടുത്ത നാല് ദിവസം മഴ തുടരുമെന്ന് കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്. ഇത് പ്രകാരം ഈ മാസം 14 ാം തിയതിവരെ വിവിധ ദിവസങ്ങളില് വിവിധ ജില്ലകളില് ജാഗ്രത നിര്ദ്ദേശം പുറപ്പെടുവിച്ചിട്ടുണ്ട്. ഇന്ന് 5 ജില്ലകളിലാണ് ജാഗ്രത നിര്ദ്ദേശം. ഇടുക്കി, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലാണ് ഇന്ന് യെല്ലോ അലര്ട്ടുള്ളത്. നാളെ ആറ് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്.
"
https://www.facebook.com/Malayalivartha
