അമൃത്നാഥ് യാത്രയുടെ പുണ്യം തേടി ഇന്ത്യന് ബാഡ്മിന്റണ് താരം സൈന നെഹ്വാള്...
അമൃത്നാഥ് യാത്രയുടെ പുണ്യം തേടി ഇന്ത്യന് ബാഡ്മിന്റണ് താരം സൈന നെഹ്വാള്.മധ്യ കശ്മീരിലെ ഗന്ദര്ബാല് ജില്ലയിലെ ഏറ്റവും ചെറിയ പാതയായ,ബാള്ട്ടാല് വഴിയാണ് താരം അമര്നാഥ് ഗുഹയിലെത്തിയത്.
മാതാപിതാക്കള്ക്കൊപ്പമാണ് സൈന അമര്നാഥിലെത്തിയത്. യാത്രയ്ക്കായി നിയോഗിച്ചിട്ടുള്ള സൈനിക ഉദ്യോഗസ്ഥരുമായും സൈന ആശയവിനിമയം നടത്തി. യാത്രയുടെ ചിത്രങ്ങള് സൈന നെഹ്വാള് സമൂഹമാദ്ധ്യമങ്ങളില് പങ്കുവെച്ചു.
എനിക്കും എന്റെ കുടുംബത്തിനും ഇതൊരു മഹത്തായ ദിവസമാണ്. യാത്രയില് പങ്കെടുക്കാന് കഴിഞ്ഞതില് ഞങ്ങള് അനുഗ്രഹീതരാണ്. ഞങ്ങളെ ഇത്രയധികം സഹായിച്ചതിന് സര്ക്കാരിനും ഇവിടുത്തെ ജനങ്ങള്ക്കും നന്ദി പറയാന് ഞാന് ആഗ്രഹിക്കുന്നു- സൈന നെഹ്വാള് പറഞ്ഞു.
62 ദിവസം നീണ്ട് നില്ക്കുന്ന തീര്ത്ഥാടനത്തിന് ജൂലൈ ഒന്നിനാണ് തുടക്കമായത്. ശ്രാവണ മാസത്തില് അമര്നാഥ് ഗുഹയില് പ്രത്യക്ഷപ്പെടുന്ന സ്വയംഭു ശിവലിംഗം കണ്ട് ദര്ശനം നടത്തി പ്രാര്ത്ഥിച്ച് അനുഗ്രഹം തേടുകയാണ് അമര്നാഥ് തീര്ത്ഥയാത്രയിലൂടെ ഓരോ ഭക്തനും. മഞ്ഞില് രൂപം കൊള്ളുന്ന ശിവലിംഗം സ്ഥിതി ചെയ്യുന്ന ക്ഷേത്രമാണിത്. സമുദ്രനിരപ്പില് നിന്ന് 12,576 അടി ഉയരത്തിലാണ് ക്ഷേത്രം സ്ഥിതി ചെയ്യുന്നത്. അമര്നാഥ് ഗുഹയ്ക്ക് നൂറടി ഉയരവും അന്പതടി ആഴവുമുണ്ട്.
"
https://www.facebook.com/Malayalivartha
