പച്ചക്കറി ലോറിയിലെ കയര്‍ കുരുങ്ങി കാല്‍ നടയാത്രികന് ദാരുണാന്ത്യം. ഇന്ന് പുലര്‍ച്ചെ കോട്ടയം സംക്രാന്തിയില്‍ വെച്ചാണ് അപകടം സംഭവിച്ചത്.. സംക്രാന്തി സ്വദേശി മുരളി (50)ആണ് മരിച്ചത്.

ഏറ്റുമാനൂരില്‍ നിന്ന് കോട്ടയത്തേക്ക് പോയ ലോറിയിലെ കയര്‍ മുരളിയുടെ കാലില്‍ കുടുങ്ങുകയായിരുന്നു. തുടര്‍ന്ന് മുരളിയെ റോഡിലൂടെ നൂറു മീറ്ററിലേറെ ദൂരം ലോറി വലിച്ചു കൊണ്ടു പോയതായി പൊലീസ് .

മുരളിയുടെ ഒരു കാല്‍ അറ്റ നിലയിലായിരുന്നു. സംഭവത്തില്‍ ലോറി പൊലീസ് കസ്റ്റഡിയില്‍ എടുത്തു. പുലര്‍ച്ചെയാണ് ദാരുണമായ സംഭവം ഉണ്ടായത്. റോഡിന്റെ ഒരു വശത്ത് കാല്‍ അറ്റ നിലയില്‍ കണ്ടെത്തുകയായിരുന്നു. കുറച്ചകലെ മൃതദേഹവും കണ്ടെത്തി. എന്നാല്‍ ഇത് പല തരം സംശയങ്ങള്‍ക്കും ഇടവരുത്തുകയായിരുന്നു.

എന്നാല്‍ പിന്നീടാണ് സംഭവത്തിന് വ്യക്തതയുണ്ടായത്. ഏറ്റുമാനൂരില്‍ നിന്ന് കോട്ടയത്തേക്ക് പോവുകയായിരുന്ന ഒരു ലോറി അതിന്റെ പിറകിലുണ്ടായിരുന്ന കയര്‍ രാവിലെ ചായ കുടിക്കാനിറങ്ങിയ മുരളി എന്നയാളുടെ കാലില്‍ കുടുങ്ങുകയായിരുന്നു. മുരളിയേയും വലിച്ച് നൂറോളംമീറ്റര്‍ ലോറി മുന്നോട്ട് പോയതായി പൊലീസ് .

ലോറി വലിച്ചുകൊണ്ടുപോയ മുരളിയുടെ ശരീരം പോസ്റ്റില്‍ ഇടിച്ച് നില്‍ക്കുകയായിരുന്നു. അപകടത്തില്‍ കാല്‍ അറ്റുപോയി. ലോറിയും ജീവനക്കാരായ രണ്ടുപേരെയും നിലവില്‍ പൊലീസ് കസ്റ്റഡിയിലെടുത്തു.