മഅദനിയെ സംബന്ധിച്ചിടത്തോളം വലിയ വിജയമാണ് ഇന്ന് സുപ്രീംകോടതിയില്‍ നിന്നുണ്ടായിരിക്കുന്നത്.പിഡിപി ചെയർമാൻ അബ്ദുൾ നാസർ മഅദനിയുടെ ജാമ്യവ്യവസ്ഥകൾ സുപ്രീം കോടതി ഇളവ് ചെയ്തു. അദ്ദേഹത്തിന് കൊല്ലത്തേക്ക് മടങ്ങാൻ സുപ്രീം കോടതി അനുവാദം നൽകി. ജാമ്യവ്യവസ്ഥയിൽ ഇളവ് വേണമെന്ന പിഡിപി നേതാവ് അബ്ദുൾ നാസർ മദനിയുടെ ഹർജി പരിഗണിച്ചാണ് സുപ്രീം കോടതി നടപടി. 15 ദിവസത്തിലൊരിക്കൽ വീടിനടുത്തുള്ള പൊലീസ് സ്റ്റേഷനിൽ ഹാജരാകണമെന്നും ഇത് സംബന്ധിച്ച റിപ്പോർട്ട് കർണാടക പൊലീസിന് കൈമാറണം. കേരളത്തിലേക്ക് മഅദനിക്ക് കർണാടക പൊലീസ് അകമ്പടി നൽകേണ്ടതില്ലെന്നും സുപ്രീം കോടതി പറഞ്ഞിട്ടുണ്ട്.മഅദനിക്കെതിരായ കേസിൽ വിചാരണ നടപടികൾ പൂർത്തിയായ സാഹചര്യമാണെന്ന് സുപ്രീം കോടതി വിലയിരുത്തി. സാക്ഷി വിസ്താരമടക്കം പൂർത്തിയായതിനാൽ ഇനി മഅദനിയുടെ സാന്നിധ്യം കോടതിയിൽ ആവശ്യമില്ലെന്ന് സുപ്രീം കോടതി ചൂണ്ടിക്കാട്ടി.

ഈ സാഹചര്യത്തിലാണ് മഅദിനയുടെ ഹർജിയിലെ വാദങ്ങൾ കൂടി പരിഗണിച്ച് സുപ്രീം കോടതി ജാമ്യം ഇളവ് ചെയ്തിരിക്കുന്നത്.മൂന്നു മാസത്തോളം കേരളത്തിൽ കഴിയാൻ സുപ്രീംകോടതി ഇളവ് നൽകിയെങ്കിലും സുരക്ഷാ ചെലവിനായി കർണാടക സർക്കാർ ആവശ്യപ്പെട്ടത് ഒരുകോടിയോളം രൂപയായിരുന്നുവെന്ന് ഇന്ന് സുപ്രീം കോടതിയിൽ സമർപ്പിച്ച സത്യവാങ്മൂലത്തിൽ മഅദനി ചൂണ്ടിക്കാട്ടിയിരുന്നു.തുക താങ്ങാൻ കഴിയാത്തതിനാൽ കഴിഞ്ഞ ജൂൺ 26 നാണ് കേരളത്തിലേക്ക് വന്നതെന്നും എന്നാൽ പിതാവിനെ കാണാൻ കഴിഞ്ഞില്ലെന്നും മഅദനി വാദിച്ചു. കൊച്ചിയിൽ വിമാനമിറങ്ങി റോഡ് മാർഗം അൻവാർശേരിയിലേക്ക് പുറപ്പെട്ട ഉടൻ മഅദനിക്ക് അവശത അനുഭവപ്പെടുകയും ആശുപത്രിയിൽ പ്രവേശിപ്പിക്കുകയുമായിരുന്നു. ജാമ്യവ്യവസ്ഥകൾ പാലിക്കേണ്ടതിനാൽ ആശുപത്രിയിൽ നിന്ന് നിർബന്ധപൂർവ്വം ഡിസ്ചാർജ് വാങ്ങിയാണ് അദ്ദേഹം ബെംഗളൂരുവിലേക്ക് മടങ്ങിയത്. ജാമ്യവ്യവസ്ഥ കൃത്യമായി പാലിച്ചത് കൂടി പരിഗണിച്ചാണ് സുപ്രീം കോടതി അദ്ദേഹത്തിന് നാട്ടിലേക്ക് മടങ്ങാൻ അനുവാദം നൽകിയത്.മഅദനിയെ സംബന്ധിച്ചിടത്തോളം വലിയ വിജയമാണ് ഇന്ന് സുപ്രീംകോടതിയില്‍ നിന്നുണ്ടായിരിക്കുന്നത്.

ബെംഗളൂരു സ്‌ഫോടന കേസില്‍ പ്രതി ചേര്‍ക്കപ്പെട്ട മഅദനി വര്‍ഷങ്ങള്‍ കര്‍ണടാകയിലെ ജയിലില്‍ കഴിഞ്ഞിരുന്നു. പിന്നീട് അദ്ദേഹത്തിന് ജാമ്യം ലഭിച്ചെങ്കിലും ബെംഗളൂരു നഗരം വിട്ടുപോകരുത് എന്ന വ്യവസ്ഥ കോടതി വച്ചു. ഇതില്‍ ഇളവ് വാങ്ങി രണ്ടു തവണ മഅദനി കേരളത്തില്‍ വന്നിരുന്നു.കഴിഞ്ഞ മാസം കേരളത്തിലെത്തിയപ്പോള്‍ അദ്ദേഹത്തിന്റെ ആരോഗ്യ നില വഷളായി. പിതാവിനെ കാണണം എന്ന ആഗ്രഹം നടന്നില്ല. ജാമ്യ കാലാവധി കഴിഞ്ഞ വേളയില്‍ തന്നെ ബെംഗളൂരുവിലേക്ക് മടങ്ങുകയും ചെയ്തു. ശേഷം വീണ്ടും സുപ്രീംകോടതിയെ സമീപിക്കുകയായിരുന്നു. കര്‍ണാടക പോലീസിന്റെ ഉപാധികള്‍ പ്രയാസപ്പെടുത്തിയെന്ന കാര്യവും മഅദനി സുപ്രീംകോടതിയെ ബോധിപ്പിച്ചു.

രണ്ടാഴ്ചത്തേക്ക് മാത്രമായിട്ടാണ് അദ്ദേഹം കഴിഞ്ഞ മാസം കേരളത്തിലെത്തിയത്. കൊച്ചി വിമാനത്താവളത്തിലിറങ്ങി കൊല്ലത്തേക്ക് പോകവെ ആരോഗ്യ പ്രശ്‌നങ്ങളുണ്ടാകുകയും എറണാകുളത്തെ ആശുപത്രിയില്‍ ചികില്‍സ തേടുകയുമായിരുന്നു. തുടര്‍ന്ന് ജാമ്യാ കാലാവധി തീര്‍ന്നപ്പോള്‍ കൊല്ലത്തേക്ക് പോകാതെ അദ്ദേഹം ബെംഗളൂരുവിലേക്ക് മടങ്ങുകയാണുണ്ടായത്.കേരള പോലീസ് തനിക്ക് സൗജന്യമായിട്ടാണ് സുരക്ഷ നല്‍കിയതെന്ന് മഅദനി സുപ്രീംകോടതിയെ ബോധിപ്പിച്ചു. കര്‍ണാടക പോലീസ് സംഘത്തിന് വേണ്ടി ആറ് ലക്ഷം രൂപ ചെലവായി എന്നും വലിയ സാമ്പത്തിക ബാധ്യതയാണ് ഇതെല്ലാം വരുത്തിവച്ചതെന്നും മഅദനി ബോധിപ്പിച്ചു. എന്നാല്‍ കേരളത്തിലേക്ക് പോകുമ്പോള്‍ പോലീസ് സംരക്ഷണം വേണമെന്ന ഉപാധി സുപ്രീംകോടതി ഇന്ന് വച്ചിട്ടില്ല.