നെയ്യാറ്റികര ഊരുട്ടുകാല യുവാവിനെ വെട്ടിക്കൊലപ്പെടുത്തിയ കേസ്... വാഹനത്തിന്റെ ഫൈനാന്സ് ഇടപാടിനെ ചൊല്ലിയുള്ള തര്ക്കത്തില് യുവാവിനെ വെട്ടിക്കൊലപ്പെടുത്തിയ കേസില് നാല് പേര് പിടിയില്
നെയ്യാറ്റികര ഊരുട്ടുകാലയില് വാഹനത്തിന്റെ ഫൈനാന്സ് ഇടപാടിനെ ചൊല്ലിയുള്ള തര്ക്കത്തില് യുവാവിനെ വെട്ടിക്കൊലപ്പെടുത്തിയ കേസില് നാല് പേര് പിടിയില്. ഒന്നാം പ്രതി വെണ്പകല് പട്ട്യക്കാല പട്ട്യക്കാലപുത്തന്വീട് ജെ.എസ്. ഭവനില് ജെ.എസ്. ജിബിന്(25), നെല്ലിമൂട് പെരുങ്ങോട്ടുകോണം കണ്ണറവിളയില് മനോജ്(19), ചൊവ്വര ചപ്പാത്ത് ബഥേല് ഭവനില് അഭിജിത്ത്(18), കാഞ്ഞിരംകുളം കഴിവൂര് പെരുന്താന്നി പ്ലാവിളപുത്തന് വീട്ടില് രഞ്ജിത്(23) എന്നിവരാണ് അറസ്റ്റിലായത്. ഒന്നാം പ്രതിയായ ജിബിന് പോക്സോ കേസില് ശിക്ഷിക്കപ്പെട്ട് ഒരാഴ്ച മുന്പാണ് ജയില് മോചിതനായത്.
ഇന്നലെ രാത്രിയാണ് നെയ്യാറ്റികര ഊരുട്ടുകാല സ്വദേശിയായ ആദിത്യന് (23) കൊല്ലപ്പെട്ടത്. ബൈക്കില് പോവുകയായിരുന്ന ആദിത്യനെ പിന്നാലെ കാറിലെത്തിയ സംഘം വെട്ടിവീഴ്ത്തുകയായിരുന്നു. നിലവിളി കേട്ട് ആളുകള് ഓടിക്കൂടിയതോടെ അക്രമികള് രക്ഷപ്പെട്ടിരുന്നു.ആംബുലന്സ് കിട്ടാത്തതിനാല് രണ്ടുപേര് ചേര്ന്ന് സ്കൂട്ടറിന്റെ നടുവില് ഇരുത്തി ആദിത്യനെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
സ്വകാര്യ മൈക്രോ ഫിനാന്സിലെ കളക്ഷന് ഏജന്റായിരുന്നു ആദിത്യന്. കഴിഞ്ഞ ദിവസം നെല്ലിമൂടിന് സമീപം പണം പിരിക്കാന് പോയ സമയത്ത് തര്ക്കമുണ്ടായിരുന്നു. ഈ തര്ക്കമാണ് കൊലപാതകത്തില് കലാശിച്ചതെന്നാണ് പൊലീസിന്റെ പ്രാഥമിക നിഗമനം. നെയ്യാറ്റിന്കര പൊലീസ് കേസെടുത്ത് അന്വേഷണം നടത്തിയത്. ആദിത്യന് നെയ്യാറ്റിന്കര പത്താംകല്ലിലായിരുന്നു താമസിച്ചിരുന്നത്.
https://www.facebook.com/Malayalivartha