ഇപി ജയരാജനെ ഉടന് പുറത്താക്കും:- പിണറായി കലിച്ചു...
ചിറ്റപ്പന് ജയരാജന് പണി കിട്ടുമെന്ന് ഉറപ്പായി. ഇപി ജയരാജന്റെ പണി പോകും എന്നതിനു സംശയമില്ല. ബിജെപിയില് ചേര്ന്ന് കാവികെട്ടിന് സഖാവ് ജയരാജന് ആലോചന നടത്തിയെന്ന കാര്യം സിപിഎം നേതൃത്വത്തിന് മുന്പേ അറിയാമായിരുന്നു. നിയമസഭയിലേക്ക് സീറ്റ് നിഷേധിക്കുകയും മന്ത്രിസ്ഥാനത്തു നിന്ന് മാറ്റുകയും ചെയ്തപ്പോഴൊക്കെ ചിറ്റപ്പന് ജയരാജന് പാര്ട്ടിയോടു പിണങ്ങിയതാണ്. എംവി ഗോവിന്ദന്റെ സംസഥാനപര്യടനത്തില് നിന്ന് വിട്ടുനില്ക്കുകയും പാര്ട്ടി യോഗങ്ങളില് പങ്കെടുക്കാതിരിക്കുകയും ചെയ്ത സാഹചര്യവും സിപിഎമ്മിനറിയാം.
അവസാനം എല്ഡിഎഫ് കണ്വീനര് സ്ഥാനം കൊടുത്ത് സഖാവിനെ സിപിഎം കൂടെ നിറുത്തിയെങ്കിലും ജയരാജന് സംതൃപ്തനായിരുന്നില്ല. നൂറു കോടി മുടക്കില് സഖാവ് ഇപി ജയരാജന് റിസോര്ട്ട് പണിതതിനെതിരേ പി ജയരാജന് സിപിഎം നേതൃയോഗത്തില് ആഞ്ഞടിച്ചപ്പോഴും ചിറ്റപ്പന് ജയരാജനെതിരെ കടുത്ത വിമര്ശനം പാര്ട്ടിയുലയര്ന്നിരുന്നു. മന്ത്രിയായിരെ അനുജത്തിയെയും അമ്മായിയെയും ബന്ധുമിത്രാദികളെയുമെല്ലാം ലക്ഷം ശമ്പളത്തില് നിയമിച്ചതും പത്താം ക്ലാസ് പോലും പാസാകാത്ത കുടുംബാംഗങ്ങളെ ഉന്നത പദവികളില് ഇരുത്തിവാഴിച്ചതുമൊക്കെ ചില്ലറ നാണക്കേടല്ല പാര്ട്ടിക്ക് സമ്മാനിച്ചത്.
പാര്ട്ടിയെ വിറ്റു ശതകോടികള് സമ്പാദിച്ച ഒട്ടേറെ സഖാക്കള് സിപിഎമ്മിലുണ്ടെന്നതില് ആര്ക്കും സംശയമില്ല. തങ്ങളുടെ നേതാക്കള് നയാ പൈസ മോഷ്ടിക്കില്ലെന്നും അഴിമതി നടത്തില്ലെന്നും കോടികള് കോഴ വാങ്ങില്ലെന്നും ധരിക്കുന്നത് വെറും പൊട്ടമാരായ അടിമ അണികള് മാത്രമാണ്. എന്തായാലും ലോക്സഭാ തെരഞ്ഞെടുപ്പുദിവസം തന്നെ സിപിഎമ്മിനു കിട്ടിയ ഒന്നാംകിട പാരയായിപ്പോയി ചിറ്റപ്പന് ജയരാജന് ബിജെപിയിലേക്കു പോകാന് കുപ്പായം തുന്നിയെന്ന കഥ.
കേരള രാഷ്ട്രീയത്തെ ഞെട്ടിക്കുന്ന വെളിപ്പെടുത്തലാണ് ബിജെപി നേതാവും ആലപ്പുഴയിലെ സ്ഥാനാര്ഥിയുമായ ശോഭ സുരേന്ദ്രന് നടത്തിയിരിക്കുന്നത്. ബിജെപിയില് ചേരാനിരുന്നത് മുതിര്ന്ന സിപിഎം നേതാവും ഇടതുപക്ഷ കണ്വീനര് കൂടിയായ ഇപി ജയരാജന് ആണെന്ന് ശോഭ തുറന്നടിച്ചതോടെ സിപിഎം നേതൃത്വം ആകെ നാണംകെട്ട് തലതാഴ്ത്തിയ നിലയിലായി.
ഇപി ജയരാജന് ബിജെപിയില് ചേരാന് തീരുമാനിച്ചിരുന്നുവെന്നും ഇക്കാര്യത്തില് 90 ശതമാനവും തയ്യാറായതാണെന്നും പിണറായി വിജയന്റെ ക്വട്ടേഷന് ഭയന്ന് പിന്മാറുകയാണുണ്ടായതെന്നും ശോഭ സുരേന്ദ്രന് പറഞ്ഞതോടെ പിണറായിക്കും കണ്ട്രോള് നഷ്ടപ്പെട്ടുകഴിഞ്ഞു. കൂട്ടുകെട്ടുകളില് ഇപി ജയരാജന് ജാഗ്രത പുലര്ത്തണമെന്നും നേരത്തെയും ഇത്തരം കാര്യങ്ങളില് ജയരാജന് ജാഗ്രത പുലര്ത്തുന്നില്ലെന്നും പിണറായി പറഞ്ഞിരിക്കുന്നു.
പാപിയുമായി ശിവന് കൂട്ടുകൂടിയാല് ശിവനും പാപിയായി മാറുമെന്നും ജയരാജന് കൂട്ടുകെട്ടുകളില് ജാഗ്രതപുലര്ത്തണമെന്നും പിണറായി പറഞ്ഞുവച്ചിരിക്കുന്നു. അടുത്ത സിപിഎം സംസ്ഥാന കമ്മിറ്റിയില് ജയരാജന്റെ കാര്യത്തില് തീരുമാനമെടുക്കുന്നെതിന്റെ വ്യക്തമായ സൂചനയാണ് പിണറായി വിജയന് നടത്തിയിരിക്കുന്നത്.
ഇപി ജയരാജന് സിപിഎം കേന്ദ്ര കമറ്റി അംഗവും എല്ഡിഎഫ് കണ്വീനറുമാണ്. പതിറ്റാണ്ടുകള് നീണ്ടു നില്ക്കുന്ന അദ്ദേഹത്തിന്റെ ജീവിതം ഏതൊരു കമ്മ്യൂണിസ്റ്റിനെയും പോലെ പരീക്ഷണങ്ങള് നിറഞ്ഞതാണ്. അദ്ദേഹത്തിന്റെ കഴിഞ്ഞ കാല ജീവിതം അവേശം ഉയര്ത്തുന്നതാണെന്നും മുഖ്യമന്ത്രി പറഞ്ഞു.
ഇപി ജയരാജന് പരീക്ഷകള് പാസായിട്ടില്ലെങ്കിലും പരീക്ഷണങ്ങളിലും പ്രലോഭനങ്ങളിലും വീഴുന്നയാളാണെന്ന് സിപിഎം മുന്പേ മനസിലാക്കിയതാണ്. നയാ പൈസ കൈയിലില്ലാതെ രാഷ്ട്രീയത്തിലെത്തിയ ഇപി ജയരാജന് ഇന്ന് എത്ര കോടി രൂപയുടെ ആസ്തിയുള്ള സമ്പന്നനാണെന്നതിനു തെളിവായിരുന്നു വിവാദപരമായ റിസോര്ട്ട് നിര്മാണം.
ആയുര്വേദ റിസോര്ട്ടെന്നും തിരുമ്മുകേന്ദ്രമെന്നുമൊക്കെ പറഞ്ഞാലും കുന്നിടിച്ചു പണിത സ്ഥാപന പഞ്ചനക്ഷത്ര ഹോട്ടലും മറ്റ് സംവിധാനങ്ങളുമൊക്കെ ലക്ഷ്യം വച്ചുള്ളതായിരുന്നെന്നാണ് പാര്ട്ടി പിന്നീട് കണ്ടെത്തിയത്.
പിണറായി വിജയന്റെ മുഖ്യശത്രുക്കളിലൊരാളായ പി ജയരാജന് ഈ ആരോണം ചിറ്റപ്പനെതിരെ ഉന്നയിച്ചപ്പോള്തന്നെ പിണറായി പി ജയരാജനെ കണ്ണുരുട്ടി നാവടപ്പിച്ചു. ഇനി ഇപി ജയരാജന് സിപിഎമ്മില് നിലനില്പ്പില്ല. ആകെ ചീറ്റിയ സഖാവ് ഒന്നുകില് പണി നിറുത്തും അല്ലെങ്കില് പുറത്താക്കും.
https://www.facebook.com/Malayalivartha